میزان بینک او ر پر نٹنگ گرافک آرٹس انڈسٹری کے درمیان تاریخی معاہدہ
اشاعت کی تاریخ: 12th, February 2025 GMT
پاکستان ایسوسی ایشن آف پرنٹنگ اینڈ گرافک آرٹس انڈسٹری کے چیئرمین طارق رحمان اورمیزان بینک کے جی ایم ہیڈ ایس ایم ای فیصل اقبال ایم او یو پر دستخط کے بعد دستاویزات کا تبادلہ کر رہے ہیں
کراچی(کامرس رپورٹر)پاکستان کی تاریخ میں پہلی بار میزان بینک اور پاکستان ایسوسی ایشن آف پرنٹنگ اینڈ گرافک آرٹس انڈسٹری (پی اے پی جی اے آئی) نے بینکاری اور صنعتی شعبوں کے درمیان تعاون کے نئے دور کا آغاز کرتے ہوئے ایک اسٹریٹجک مفاہمتی یادداشت (ایم او یو) پر دستخط کیے ہیں۔ معاہدے پر پی اے پی جی اے آئی کے چیئرمین طارق رحمان اورمیزان بینک کے جی ایم ہیڈ ایس ایم ای اور ای وی پی فیصل اقبال نے دستخط کیے۔طارق رحمان کے مطابق معاہدے کا مقصد مالیاتی رسائی کو بہتر بنانا اور چھوٹے اور درمیانے درجے کے کاروباروں (ایس ایم ایز) کو بااختیار بنانا ہے۔تقریب میں معروف صنعتی رہنما اور بینکاری پیشہ ور افراد بھی موجود تھے جن میں سلمان ہارون، سید امین الحق، عارف حسین صدیقی، نبیل آفاق، سید محمد عدیل حسن (میزان بینک)، فیصل یونس (میزان بینک)، مدثر احمد (سینئر ڈی سی ایم، فنانشل انکلوژن ڈویژن، ایس بی پی بی ایس سی نارتھ ناظم آباد)، محمد فیہم مقصود (اسسٹنٹ چیف منیجر، اس بی پی) اور سلمان علی خان (اسسٹنٹ ڈائریکٹر، اس بی پی) شامل تھے۔یہ شراکت پاکستان حکومت کے وژن کے مطابق ہے اور ایف پی سی سی آئی، مختلف چیمبرز آف کامرس اور تجارتی ایسوسی ایشنز کی طویل عرصے سے جاری مالیاتی سہولتوں کے مطالبے کو پورا کرتی ہے۔ اسٹیٹ بینک آف پاکستان کی رہنمائی میں یہ اقدام صنعتوں اور کاروباری اداروں کو ترجیحی بینکنگ اورمالیاتی خدمات فراہم کرے گا جس سیایس ایم ایز کو فروغ اور معاشی ترقی کو تقویت ملے گی۔
.ذریعہ: Jasarat News
کلیدی لفظ: ایس ایم
پڑھیں:
1 اعشاریہ 9 بلین کا تاریخی کرنٹ اکاؤنٹ سرپلس ریکارڈ، اقتصادی سروے
پاکستان نے 1 اعشاریہ 9 بلین ڈالرز کا تاریخی کرنٹ اکاؤنٹ سرپلس ریکارڈ کیا ہے۔
وفاقی وزیر خزانہ محمد اورنگزیب نے قومی اقتصادی سروے جاری کر دیا۔
اقتصادی سروے 2025ء میں کرنٹ اکاؤنٹ اور تجارتی کارکردگی بتائی گئی ہے، جس کے مطابق پاکستان نے 1 اعشاریہ 9 بلین ڈالرز کا تاریخی کرنٹ اکاؤنٹ سرپلس ریکارڈ کیا۔
اقتصادی سروے رپورٹ کے مطابق برآمدات میں 6 اعشاریہ 8 فیصد اضافہ ہوا، جس میں ٹیکسٹائل برآمدات کا حصہ 53 فیصد رہا جبکہ درآمدات کا حجم 48 اعشاریہ 6 ارب ڈالر رہا۔
سابق نگراں وزیر خزانہ گوہر اعجاز نے ملک میں اقتصادی استحکا اور برآمدات کی ترقی کا روڈ میپ پیش کردیا۔
سروے رپورٹ کے مطابق ترسیلات زر 31 فیصد بڑھ کر 31 اعشاریہ 2 ارب ڈالر تک پہنچ گئیں جبکہ زرمبادلہ ذخائر 27 مئی 2025ء تک 16 اعشاریہ 6 ارب ڈالر رہے۔
اقتصادی سروے رپورٹ کے مطابق یوکرین اور مشرق وسطیٰ تنازعات کے سبب عالمی تجارت متاثر ہوئی، بھارت کے ساتھ جغرافیائی سیاسی تناؤ بڑھا، جس سے معاشی استحکام متاثر ہوا۔
سروے رپورٹ کے مطابق پاکستان کی اسٹریٹجک حکمت عملی نے سرمایہ کاروں کا اعتماد بحال کیا، ڈالر کی اوسط شرح مبادلہ 278 اعشاریہ 75 روپے رہی۔
رپورٹ کے مطابق عالمی مالیاتی ادارے (آئی ایم ایف) کی 1 ارب 2 کروڑ ڈالر کی قسط نے مارکیٹ کا اعتماد بڑھایا ہے، براہ راست غیر ملکی سرمایہ کاری معمولی کمی سے 1 اعشاریہ 8 ارب ڈالر رہی۔
اقتصادی سروے رپورٹ کے مطابق خام تیل کی قیمتوں میں کمی برینٹ کروڈ 64 ڈالر فی بیرل رہنے سے درآمدی بل کم ہوا ہے، خام تیل کی کم قیمتوں سے مہنگائی کم ہوئی ہے۔
عالمی برادری مودی کے ہندوتوا ایجنڈے اور خطے پر اسکے اثرات کا نوٹس لے، امتیاز نسیم