حکومت جامع اور مؤثر اقدامات کر رہی ہے تاکہ معیشت مستحکم ہو اور ترقی کی راہ پر گامزن ہو:وزیر اعظم
اشاعت کی تاریخ: 12th, February 2025 GMT
اسلام آباد: وزیراعظم شہباز شریف نے کہا ہے کہ حکومت معاشی ترقی کی رفتار میں اضافہ کرنے کے لیے جامع اور مؤثر اقدامات کر رہی ہے تاکہ ملک کی معیشت مستحکم ہو اور ترقی کی راہ پر گامزن ہو۔
وفاقی کابینہ کے اجلاس میں اظہار خیال کرتے ہوئے وزیراعظم نے کہا کہ دبئی کے دورے کے دوران یو اے ای کے صدر محمد بن زید النہیان سے دوطرفہ تعلقات اور سرمایہ کاری کے حوالے سے تفصیل سے بات چیت ہوئی، اس ملاقات میں آرمی چیف جنرل سید عاصم منیر بھی شریک تھے۔
وزیراعظم نے کہا کہ دبئی میں گورنمنٹس سمٹ میں پاکستان کی نمایاں شرکت ہوئی، جہاں انہوں نے دبئی کے فرمانروا سمیت سری لنکا، کویت اور بوسنیا کی اعلیٰ قیادت سے ملاقاتیں کیں۔ ان کا کہنا تھا کہ پاکستان اور سری لنکا کے درمیان تعلقات ہمیشہ سے بہترین رہے ہیں۔
وزیراعظم نے مزید کہا کہ پاکستانی سرمایہ کاروں کو پاکستان واپس آنے کی دعوت دی گئی ہے تاکہ وہ اپنے ملک میں سرمایہ کاری کریں اور ملک کے معاشی ماحول میں مزید بہتری لائیں۔ وزیراعظم نے کہا کہ پاکستان میں میکرو اکنامک استحکام لانے کے لیے مسلسل محنت کی جارہی ہے، اور حکومت کی کوشش ہے کہ شرح نمو میں مزید بہتری لائی جائے تاکہ معاشی ترقی کی رفتار تیز ہو۔
.ذریعہ: Nai Baat
پڑھیں:
خیبرپختونخوا حکومت کی ذمہ داری ہے کہ وہ سکیورٹی اور گورننس کے معاملات میں بہتری لائے؛ رانا ثناءاللہ
ویب ڈیسک : وزیرِ اعظم کے مشیر رانا ثناءاللہ نے کہا ہے کہ پی ٹی آئی کو صوبے کے عوامی مسائل کے حل کے لیے مؤثر پالیسیاں مرتب کرنی چاہئیں تاکہ ترقی اور استحکام کا عمل آگے بڑھ سکے۔
رانا ثناءاللہ نے نجی ٹی وی سے گفتگو کے دوران پاکستان تحریکِ انصاف خیبرپختونخوا کے رہنماؤں پر زور دیا ہے کہ وہ ذاتی مفادات کی سیاست سے بالا تر ہو کر قومی مفاد میں کردار ادا کریں۔ ان کا کہنا تھا کہ خیبرپختونخوا حکومت کی ذمہ داری ہے کہ وہ سکیورٹی اور گورننس کے معاملات میں بہتری لائے اور عوام کو بہتر طرزِ حکمرانی فراہم کرے۔
بھارتی نژاد دنیا کی معروف کمپنی کو اربوں کا چونا لگا کر فرار
رانا ثناءاللہ نے واضح کیا کہ وفاقی حکومت خیبرپختونخوا اور بلوچستان میں دہشت گردی کے مکمل خاتمے کے لیے تمام ممکنہ اقدامات کر رہی ہے۔ ایک سوال کے جواب میں انہوں نے کہا کہ ملک کے دفاع کو مضبوط بنانے کے لیے ریاست اپنے تمام دستیاب وسائل استعمال کر رہی ہے تاکہ قومی سلامتی پر کوئی سمجھوتہ نہ ہو۔
افغان مہاجرین کیخلاف کارروائیاں تیز کر دی جائینگی، ڈی سی کوئٹہ