جیک آباد ،مدرستہ القرآن میں کشمیر کے حوالے سے تقریبات کا انعقاد
اشاعت کی تاریخ: 13th, February 2025 GMT
جیکب آباد(نمائندہ جسارت) مدرسۃالقرآن کے طالبات سیکشن کی جانب سے ہر سال کی طرح اس سال بھی مدرسۃالقرآن کے ھال میں مقبوضہ وادی کشمیر کے عوام کے ساتھ اظہار یکجہتی کے طور پر ایک سادہ، شاندار و پروقار تقریب کا اہتمام کیا گیا۔تقریب میں شرکا طالبات کو کشمیر کے حالات کے بارے میں معلومات کی فراہمی کے لیے تقریری مقابلہ اور ان سے اظہارِ محبت اور ہمدردی کو پروان چڑھانے کے لیے کشمیری ترانوں کے مقابلے کروائے گئے۔تقریب جس میں اساتذہ کے ساتھ بڑی تعداد میں طالبات شریک تھیں سے خطاب کرتے ہوئے شاہدہ اعجاز پرنسپل مدرسۃالقرآن طالبات سیکشن نے کہا کہ ہر سال ہم اس امید سے یہ پروگرام کرتی ہیں کہ یہ کشمیری بچیوں، بہنوں بھائیوں، بیٹیوں، بزرگوں کے اوپر بھارتی درندگی، سفاکیت بربریت اور ظلم و ستم ڈھائے جانے کا آخری سال ہوگا, لیکن اس طرح ہو نہیں پا رہا ہے،ہم اللہ پاک سے دعا کرتی ہیں، منت و سماجت کرتی ہیں کہ اب کشمیریوں کو آزادی نصیب فرمائے آمین۔ شاہدہ اعجاز نے مزید کہا کہ کشمیر پاکستان کا ہے اور رہے، کشمیر کے بغیر پاکستان نامکمل ہے، قائد اعظم محمد علی جناح ؒ کی بات سو فیصد درست ہے کہ کشمیر ہماری شہ رگ ہے اور بھارتی درندوں نے گزشتہ 77 سالوں َسے ہماری شہ رگ کو دبائے رکھا ہوا ہے، ہماری لاکھوں کی تعداد میں خواتین بہنوں اور بیٹیوں کی عزت و عصمت دری کی گئی ہے، لاکھوں مرد و خواتین شہید کردیے گئے ہیں، درندہ بھارت نے ہزاروں نوجوانوں کو قید رکھا ہوا ہے، غرض نہ جان محفوظ اور مال اور نہ ہی ایمان محفوظ ہے۔انہوں نے کہا کہ کشمیریوں کا قصور فقط یہ ہے کہ وہ اقوامتحدہ کی سلامتی کونسل کی تسلیم کردہ قراردادوں کے مطابق اپنے لیے حق خود ارادیت کا مطالبہ کر رہے ہیں لیکن بھارت نے اس مطالبے سے دستبردار نہ ہونے کی بنا پر مقبوضہ کشمیر میں اپنی 5 لاکھ سے زائد فوج اور پیرا ملٹری ظلم اور بربریت کے لیے تعینات کی ہوئی ہے۔انہوں نے کہا اور تو اور بھارت نے 5 اگست 2019 ء سے کشمیر کی خصوصی آئینی حیثیت کو ختم کر کے اپنا حصہ کرار دے کر دنیا کی سب سے بڑی انسانی جیل میں تبدیل کر کے رکھ دیا ہے اس ساری صورتحال کے پیش نظر آج ہم اس موقع پر اپنے کشمیری عوام سے وعدہ کرتی ہیں کہ ہم ان کی ہر طرح سے معاونت کریں گے اور اپنے ملک کے مقتدر اور فوج سے بھی مطالبہ کرتی ہیں کہ وہ بھارت سے ہر قسم کے تعلق سے برأت کا اعلان کریں، ہم یہ مطالبہ بھی کرتی ہیں کہ جس طرح سید ابوالاعلیٰ مودودیؒ نے فرمایا ہے کہ ” بھارت لاتوں کا بھوت ہے باتوں سے نہیں مانے گا” اس لیے حکومت اب بھارت سے باتیں نہ کرے بلکہ ان کو جوتے سے مارے۔
.ذریعہ: Jasarat News
کلیدی لفظ: کرتی ہیں کہ کشمیر کے
پڑھیں:
اب کشمیر پر بات ہوگی، بھارت نے پھر غلطی کی تو سخت جواب دیں گے، گورنر کے پی
پشاور:خیبرپختونخوا کے گورنر فیصل کریم کنڈی نے کہا ہے کہ مودی گجرات کا قصاب ہے، ہمیشہ ہمدردی کا ووٹ حاصل کرنے کے لیے ایسے ڈرامے کرتا ہے، اب بات ہوگی تو کشمیر پر بات ہوگی اور بھارت نے اگر کوئی غلطی کی تو اس سے سخت جواب دیں گے۔
گورنر خیبرپختونخوا فیصل کریم کنڈی نے کہا کہ آپریشن بنیان مرصوص کی کامیابی پر پاک فوج، ائیرفورس سمیت تمام سیکیورٹی فورسز کو خراج تحسین پیش کرتا ہوں، بھارت کو 78 گھنٹوں میں بتا دیا کہ ہمارا مقابلہ کوئی نہیں کرسکتا۔
انہوں نے کہا کہ بھارت نے پاکستان پر حملہ کیا تو پاکستان نے بھارت کے 6 جہاز گرائے، بھارت نے دوبارہ حملہ کیا تو اس وقت فوج نے فیصلہ کیا کہ اب جواب دینا ہے، بھارت کو اپنے ڈیفنس پر غرور تھا جس کو پاکستان نے خاک میں ملایا۔
فیصل کریم کنڈی نے کہا کہ پاک-بھارت کشیدگی میں دوست ممالک پاکستان کے ساتھ کھڑے رہے۔
ان کا کہنا تھا کہ بلاول بھٹو اور ان کی ٹیم امریکا میں دنیا کو پاکستان کا مؤقف پہنچا رہی ہے، پاکستانی میڈیا نے جنگ کے دوران مثبت اور ذمہ دارانہ کردار ادا کیا۔
گورنر کے پی نے کہا کہ آج اوورسیز پاکستانی فخر محسوس کرتے ہیں، فیلڈ مارشل نے گزشتہ روز بتایا کہ ہمارا ایک میزائل ٹارگٹ سے مس ہوگیا تھا لیکن پھر بھی اس نے ٹارگٹ کو کامیاب بنایا اور میزائل آبادی پر نہیں گرا، آئل ڈپو پر گرا اور ٹارگٹ حاصل کیا۔
ان کا کہنا تھا کہ پاکستان نے بھارت کو جو شکست دی ہے اس کی مثال نہیں ملتی، ہم نے ہمیشہ کہا ہے کہ ہم ذمہ دار قوم ہیں، کشمیر میں واقعہ پیش آیا تو پاکستان نے غیر جانب دار انکوائری کا مطالبہ کیا۔
فیصل کریم کنڈی نے کہا کہ مودی گجرات کا قصاب ہے، ہمیشہ ہمدردی کا ووٹ حاصل کرنے کے لیے ایسے ڈرامے کرتا ہے، اب بات ہوگی تو کشمیر پر بات ہوگی اور بھارت نے اگر کوئی غلطی کی تو اس سے سخت جواب دیں گے۔
خیبرپختونخوا میں ترقیاتی کام کے حوالے سے بات کرتے ہوئے انہوں نے کہا کہ صوبے کی ترقی کی بات جو کرے گا ہم اس کا ساتھ دیں گے اور صوبے کے نوجوانوں کی ترقی کے لیے مل جل کر کام کرے گے۔
گورنر خیبرپختونخوا نے کہا کہ کئی برسوں سے فوج اور پولیس امن کی خاطر قربانی دے رہے ہیں۔
علامہ راجہ ناصر عباس نے وحدت یوتھ پاکستان کی 10 رکنی مجلس نظارت کا اعلان کردیا