انگلش پریمیئر لیگ میں فٹبال فیلڈ اکھاڑا بن گئی، کھلاڑی گتھم گتھا
اشاعت کی تاریخ: 13th, February 2025 GMT
گُوڈیسن پارک میں کھیلے گئے پریمیئر لیگ کے آخری مرزی سائیڈ ڈربی کا اختتام ایورٹن کے لیورپول کے خلاف انجری ٹائم میں دوسرا گول اسکور کرتے ہوئے میچ 2-2 سے ڈرا کرتے ہوئے انتہائی ڈرامائی انداز میں ہوا۔
مقررہ 90 منٹ کے کھیل کے بعد پانچ منٹ کا ایکسٹرا ٹائم دیا گیا لیکن آن فیلڈ انجری کی وجہ سے اضافی وقت کو بڑھا دیا گیا جس کے نتیجے میں ایورٹن کے جیمز ٹارکوسکی نے 98 ویں منٹ میں برتری کو برابر کیا۔
گول کے بعد ایورٹن کے مداح پچ پر اتر آئے اور کھلاڑیوں کے ساتھ جشن منانے لگے۔ ریفری نے گول کی تصدیق کے لیے ٹیکنالوجی کی مدد لی اور تصدیق کے بعد دوسری بار جشن منایا گیا۔
لیکن تنازع تب کھڑا ہوا جب فُل ٹائم کی سیٹی بجنے کے بعد ایورٹن کے عبدالائے ڈوکور بھاگ کر لیورپول کے مداحوں کے سامنے گئے اور جشن منانے لگے۔
لیورپول کے کرٹس جونز، ایورٹن کے مڈفیلڈر کی جانب دوڑ کر گئے اور ان کو پیچھے سے پکڑ لیا اور پھر دونوں کھلاڑی گتھم گتھا ہوگئے جن کو بعد ازاں دیگر کھلاڑیوں نے چھڑایا۔
دونوں کھلاڑیوں کو ریفری مائیکل اولیور نے دوسرا پیلا کارڈ دکھایا۔
تنازع یہیں نہیں تھما بلکہ کھلاڑیوں کو ٹھنڈا کرنے کے لیے اسٹیورڈز کو بلانا پڑا۔لیورپول کے منیجر آرنے سلاٹ ریفری سے گول کے متعلق بات کرنے آہی رہے تھےکہ ریفری نے ان کو دیکھ کر لال کارڈ دِکھا دیا، جس کے بعد وہ دو میچز تک بچ پر نہیں آسکیں گے۔
.ذریعہ: Express News
پڑھیں:
ساف انڈر17 چیمپیئن شپ کے شیڈول کا اعلان؛ پاک بھارت میچ کی تاریخ سامنے آگئی
لاہور:ساوتھ ایشیئن فٹبال فیڈریشن نے ساف انڈر 17 چیمپیئن شپ کے شیڈول کا اعلان کر دیا۔
پاکستان اور بھارت کے درمیان میچ 22 ستمبر کو کھیلا جائے گا۔
پاکستان فٹبال ٹیم اپنا پہلا میچ 16 ستمبر کو بھٹان کے خلاف کھیلے گی جبکہ 19 ستمبر کو پاکستان انڈر 17 فٹبال ٹیم مالدیپ کا سامنا کرے گی۔
چیمپیئن شپ کے سیمی فائنل مقابلے 25 ستمبر کو شیڈول کیے گئے ہیں جبکہ ساف انڈر 17 چیمپیئن شپ کا فائنل 27 ستمبر کو کھیلا جائے گا۔
ایونٹ کے تمام میچز سری لنکا میں کھیلیں جائیں گے۔ ٹورنامنٹ میں پاکستان، نیپال، سری لنکا، بھارت، مالدیپ، بنگلا دیش اور میزبان سری لنکا شامل ہیں۔
صوبے میں کسی آپریشن کی اجازت نہیں دیں گے، ادارے سرحدوں کی حفاظت کریں ، گنڈا پور