شام پر عاید پابندیوں کو فوری ختم کیا جائے: پاکستان
اشاعت کی تاریخ: 14th, February 2025 GMT
اقوام متحدہ میں پاکستان کے سفیر منیراکرام نے عالمی برادری سے اپیل کی ہے کہ شام پر پچھلی رجیم کے زمانے میں عائد کی پابندیوں کو فوری طور پر ختم کیا جائے تاکہ شامی عوام کی زندگیاں ان پابندیوں کی وجہ سے مشکلات میں نہ گھری رہیں۔پاکستان کے سفیر بدھ کے روز سلامتی کونسل میں گفتگو کر رہے تھے۔ انہوں نے سلامتی کونسل سے اپیل کی کہ شام میں ایک مستحکم اور قابل بھروسہ سیاسی عبوری نظام کی کوشش کی جائے۔ تاکہ ملک میں استحکام آ سکے۔ انہوں نے اس موقع پر شام کی صورت حال اور مستقبل کے لیے کیے گئے اجلاسوں کی تحسین کی۔پاکستان کے سفیر نے ان رپورٹس پر تشویش ظاہر کی کہ شام کے حکومتی ڈھانچے میں غیر ملکی دہشت گرد گروپوں کو بھی شامل کیا جارہا ہے۔خیال رہے پاکستان سلامتی کونسل کا غیر مستقل رکن ہے اور اس کی طرف سے یہ بیان اس وقت سامنے آیا جب اس سے محض چند گھنٹے پہلے شامی وزیر خارجہ اسعد الشیبانی نے متحدہ عرب امارات میں ایک بین الاقوامی کانفرنس کی سائیڈ لائنز میں کہا کہ شام کی عبوری حکومت یکم مارچ تک مکمل کر لی جائے گی۔پاکستان کے مستقل مندوب منیر اکرم نے کہا ' ہم شامی وزیر خارجہ الشیبانی کی اس یقین دہانی کو نوٹ کرتے ہیں کہ یکم مارچ تک ایک عبوری مگر متنوع حکومت تشکیل پا سکے گی۔ وہ سلامتی کونسل کو شام کی صورت حال کے بارے میں دی جانے والی بریفنگ کے دوران گفتگو کر رہے تھے۔انہوں نے کہا شام کے لیے امن و استحکام کا راستہ یہی ہے کہ ایک قابل بھروسہ عبوری سیاسی نظام دیا جائے۔ جو قوم کے وسیع تر اتحاد کا مظہر ہو اور اس میں سبھی طبقے شامل ہوں۔ تاہم اس کے لیے ضروری ہوگا کہ بین الاقوامی برادری اس عمل کے دوران شام کے ساتھ تعمیری انداز میں جڑی رہے۔ لیکن شام پر پابندیوں کو جاری رکھا جانا شام میں بہتری لانے کی کوششوں میں رکاوٹ پیدا کرے گا۔ اس لیے یہ پابندیاں فوری ہٹائی جائیں۔ پاکستان اپنے برادر ملک شام کے ساتھ مضبوطی سے کھڑا رہے گا۔انہوں نے مطالبہ کیا کہ اقوام متحدہ کی پابندیوں کا بھی وقتاً فوقتاً جائزہ لیا جانا چاہیے تاکہ یہ یقینی بنایا جا سکے کہ وہ دہشت گردی سے وابستہ اداروں کے خلاف چوکسی برقرار رکھتے ہوئے شام کی تعمیر نو میں رکاوٹ نہیں بنیں۔'
منیر اکرم نے مزید کہا 'معاشی مشکلات اور انسانی بحران سے نمٹنے کے لیے ایک متوازن اور عملی نقطہ نظر کی ضرورت ہے۔
.ذریعہ: Nawaiwaqt
کلیدی لفظ: سلامتی کونسل پاکستان کے انہوں نے کہ شام شام کی کے لیے شام کے
پڑھیں:
فی الحال کسی فوری کلاؤڈ برسٹ کا خطرہ نہیں، محکمہ موسمیات
پاکستان میں کلاؤڈ برسٹ کے واقعات میں تشویشناک حد تک اضافہ ہورہا ہے، جس سے گلگت بلتستان، چترال، سوات اور شہری علاقوں جیسے اسلام آباد و راولپنڈی شدید متاثر ہو رہے ہیں، محکمہ موسمیات (PMD) نے اس رجحان کو موسمیاتی تبدیلیوں کا نتیجہ قرار دیا ہے۔
کلاؤڈ برسٹ ایک شدید موسمیاتی واقعہ ہوتا ہے جس میں ایک گھنٹے سے بھی کم وقت میں 100 ملی میٹر سے زائد بارش ہوتی ہے، جو عموماً سیلاب، لینڈ سلائیڈنگ اور بنیادی ڈھانچے کو شدید نقصان پہنچاتی ہے۔
یہ بھی پڑھیں: وادی جہلم میں کلاؤڈ برسٹ، ڈیزاسٹر مینجمنٹ اتھارٹی نے نقصان کی تفصیل جاری کردی
نیشنل ویدر فورکاسٹ سینٹر کے ڈائریکٹر محمد عرفان ورک نے سرکاری خبررساں ایجنسی سے بات کرتے ہوئے بتایا کہ آئندہ دنوں میں ملک کے مختلف حصوں میں شدید بارشوں کا امکان ہے، تاہم فی الحال کسی فوری کلاؤڈ برسٹ کا خطرہ نہیں۔
انہوں نے شہریوں، خصوصاً سیاحوں کو پہاڑی علاقوں کا سفر مؤخر کرنے اور دریاؤں کے قریب رہائش پذیر افراد کو عارضی طور پر محفوظ مقامات پر منتقل ہونے کی ہدایت کی۔
عرفان ورک نے سیلابی پانی کے بہاؤ کو روکنے اور نقصان کم کرنے کے لیے گھروں میں نکاسی آب کے بہتر انتظامات اور کسانوں کو فصلوں کی منصوبہ بندی میں تبدیلی کی بھی تجویز دی۔
یہ بھی پڑھیں: بروقت اقدامات سے بڑے نقصان سے بچ گئے، مزید کلاؤڈ برسٹس کا اندیشہ ہے، وزیراعظم
کامسیٹس یونیورسٹی اسلام آباد کے ماہر حیاتیات ڈاکٹر غلام عباس کے مطابق بڑھتے ہوئے عالمی درجہ حرارت سے فضا میں نمی کی مقدار بڑھ جاتی ہے، جو کسی مقام پر اچانک خارج ہوکر طوفانی بارش کا سبب بنتی ہے۔ ان کے مطابق ہنزہ، اسکردو، مری، چترال، اسلام آباد، پشاور اور راولپنڈی آئندہ برسوں میں زیادہ متاثر ہونے والے علاقوں میں شامل ہیں۔
ماہرین کا کہنا ہے کہ بے قابو شہری پھیلاؤ، جنگلات کی کٹائی، غیر متوازن مون سون پیٹرن اور ناقص نکاسی آب کے نظام نے صورتحال کو مزید سنگین بنادیا ہے۔
یہ صرف پاکستان کا مسئلہ نہیں۔ بھارت، نیپال، چین اور امریکا جیسے ممالک بھی کلاؤڈ برسٹ کے جان لیوا اثرات کا سامنا کرچکے ہیں۔ 2013 میں بھارت میں اتراکھنڈ میں آنے والے کلاؤڈ برسٹ میں 5000 سے زائد افراد جاں بحق ہوئے، جبکہ چین کے گانسو صوبے میں 2010 میں 1100 سے زائد ہلاکتیں ہوئیں۔
یہ بھی پڑھیں: آئندہ دنوں میں کن اہم سیاحتی مقامات میں بارشیں اور سیلاب متوقع ہے؟ محکمہ موسمیات نے بتا دیا
ماہرین نے اس خطرے سے نمٹنے کے لیے ریڈار اور سیٹلائٹ پر مبنی ابتدائی وارننگ سسٹمز، مضبوط ڈرینیج انفراسٹرکچر، جنگلات کی بحالی اور ماحول دوست منصوبہ بندی پر زور دیا ہے۔
ماحولیاتی تبدیلیوں کے اس نئے چیلنج سے نمٹنے کے لیے پاکستان کو نہ صرف قومی سطح پر فوری اقدامات کی ضرورت ہے بلکہ عالمی تعاون بھی ناگزیر ہوگیا ہے تاکہ انسانی جانوں، زراعت، اور بنیادی ڈھانچے کو بچایا جاسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش بارشیں پاکستان عرفان ورک محکمہ موسمیات مون سون
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست