بھارت میں ہاتھیوں نے مندر میں تباہی مچادی؛ 3 افراد ہلاک اور 20 زخمی
اشاعت کی تاریخ: 14th, February 2025 GMT
بھارت کے ایک مندر میں تہوار منایا جا رہا تھا جس کے دوران ہاتھی بے قابو ہوکر انسانوں پر چڑھ دوڑے۔
بھارتی میڈیا کے مطابق ریاست کیرالہ میں ایک مندر میں تہوار کی خوشی میں پٹاخے پھوڑے جا رہے تھے۔
اس موقع پر شہریوں کی بڑی تعداد بھی موجود تھی اور ہاتھیوں کو بھی پوجا پاٹ میں حصہ لینے کے لیے لایا گیا تھا۔
اس دوران کچھ پٹاخے ہاتھیوں کے قریب گرے جس سے وہ گھبرا گئے اور بھاگنے لگے۔ افراتفری مچ گئی۔
اس بھگدڑ میں ہاتھی مندر کی ایک دیوار سے جا ٹکرائے۔ دیوار گر گئی جس کے ملبے تلے دب کر 2 خواتین سمیت 3 افراد ہلاک ہوگئے۔
ہاتھیوں کے پیروں تلے روندے جانے اور بھگدڑ میں ایک دوسرے پر گرنے کے باعث 20 افراد زخمی بھی ہوگئے۔
زخمیوں میں سے 4 کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔
.
ذریعہ: Express News
پڑھیں:
اہم افریقی ملک کے فوجی ہیلی کاپٹر کوحادثہ، وزیر دفاع سمیت 9 افراد ہلاک
افریقی ملک گھانا میں ایک فوجی ہیلی کاپٹر گر کر تباہ ہوگیا، جس کے نتیجے میں 9 افراد ہلاک ہوگئے، جن میں 2 وزرا بھی شامل ہیں۔
برطانوی خبر رساں ایجنسی کے مطابق یہ حادثہ گھانا کے جنوبی علاقے میں پیش آیا۔ حکومتی ترجمان کے مطابق، وزیر دفاع اور وزیر ماحولیات اس سانحے میں ہلاک ہونے والے افراد میں شامل ہیں۔
ہیلی کاپٹر کے حادثے میں فضائیہ کے 3 اہلکار اور دیگر حکومتی اہلکار بھی جان کی بازی ہار گئے۔ گھانا کے صدر نے اس واقعے کو قومی سانحہ قرار دیتے ہوئے لواحقین سے گہرے دکھ کا اظہار کیا ہے۔
گھانا کی فوج نے اپنے بیان میں کہا ہے کہ ہیلی کاپٹر کا رابطہ منقطع ہوگیا تھا اور اس حادثے کے حوالے سے تحقیقات کی جائیں گی۔
Post Views: 3
وفاقی کابینہ نے پاکستان کا پہلا گرین بلڈنگ کوڈ منظور کر لیا