سمندر کے راستے پاکستانیوں کو یورپ بجھوانے والا گینگ بے نقاب
اشاعت کی تاریخ: 15th, February 2025 GMT
سمندرکے راستے پاکستانیوں کویورپ بجھوانے میں ملوث ایک اورمنظم گینگ بے نقاب ہوگیا، جناح ٹرمینل ایئرپورٹ پر بیرون ملک سے آنے والے5مسافروں سے پوچھ گچھ کی گئی۔
ترجمان ایف آئی اے کے مطابق امیگریشن عملے نے کراچی ایئرپورٹ پر کارروائیوں کے دوران سینیگال سے براستہ ایتھوپیا کراچی پہنچنے والے5مسافروں سے پوچھ گچھ کی، مسافروں کی شناخت افتخاراحمد ، نصیراحمد، راشد فاروق، شمریز اور ثقلین مرتضی کے نام سے ہوئی۔
ترجمان کے مطابق مسافروں کا تعلق وزیر آباد، منڈی بہاء الدین، گجرانوالہ اور سیالکوٹ سے ہے، مذکورہ مسافر فلائٹ نمبر ٹی کے 708 کے ذریعے موریطانیہ سے کراچی پہنچے۔
ابتدائی تفتیش کے مطابق افتخار احمد نامی مسافر وزٹ ویزے پر سینیگال گیاتھا، ثقلین مرتضی نامی مسافر دبئی کے راستے موریطانیہ گیا تھا جبکہ دیگر 3 مسافر عمرہ ویزے پر پہلے سعودی عرب پہنچے اور بعدازاں ایجنٹ نے موریطانیہ بجھوایا۔
ترجمان کاکہنا ہے کہ مسافر یورپ جانے کے لیے محمد افخل اور علی حسن نامی انسانی اسمگلرز سے رابطے میں تھے، ایجنٹوں کا تعلق سیالکوٹ اور گجرانوالہ سے ہے، مذکورہ ایجنٹس نے مسافروں کو فی کس 35 لاکھ روپے کے عوض قانونی طریقے سے اسپین پہنچانے کا وعدہ کیا تاہم موریطانیہ پہنچ کر ایجنٹ نے مسافروں کو غیرقانونی طور پر یورپ بجھوانے کی کوشش کی۔
مسافروں نے سمندر کے راستے غیرقانونی سفر کرنے سے انکار کیا اور واپس آگئے، مسافروں کو ایجنٹوں کی نشاندہی کے لیے انسدادِ انسانی اسمگلنگ سرکل کراچی منتقل کر دیا گیا۔
.ذریعہ: Express News
کلیدی لفظ: کے راستے
پڑھیں:
کورنگی میں غیر ت کے نام پرخاتون چھریوں کے وار سے قتل
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں حادثات وپرتشدد واقعات میں خاتون سمیت 8 افراد جاںبحق ہوگئے دیگر واقعات میں 8افراد زخمی ہوئے، عوامی کالونی تھانے کی حدود کورنگی بلال کالونی بدھ بازار سیکٹر 9 کیٹل کالونی نزد جامع مسجد اقصیٰ کے قریب گھر سے خاتون کی گلا کٹی لاش ملی۔مقتولہ کی شناخت 40 سالہ زینت بی بی زوجہ قمر علی لغاری کے نام سے ہوئی،مقتولہ کو شوہر اور بھائی نے غیرت کے نام پر چھریوں کے وار سے قتل کیا کورنگی تھانے کی حدود ضیاء کالونی سیکٹر 32 اے کے قریب گھر سے16سالہ نوجوان حیدر علی ولد امانت علی کی پھندا لگی لاش ملی۔ متوفی نے دل برداشت ہوکر پھندا لگا کر خودکشی کرلی۔ لانڈھی بھینس کالونی موڑ کے قریب گاڑی کی ٹکر 45 سالہ صدیق نامی شخص جابحق ہوگیا ۔ اتحاد ٹاؤن میں 32 سالہ فیصل آگ میں جھلس کر شدید زخمی ہوگیا تھا تاہم سول اسپتال برنس وارڈ میں دوران علاج دم توڑ گیا ڈیفنس سی ویو بلاک 28 اپارٹمنٹ کی پارکنگ میں کھڑی سفید رنگ کی پراڈو گاڑی سے خاتون اور مرد کی لاشیں ملیں ، مر د کی شناخت ریٹائرڈ کیپٹن شہباز ملک جبکہ خاتون کی شناخت کی جارہی ہے ، دنوں لاشوں کو قانونی کاروائی کیلیے جناح اسپتال منتقل کر دیا گیا ۔ کلا کورٹ تھانے کی حدود لیاری چاکیواڑہ نمبر 2 توحید پلازہ 48 سالہ نعیم ولد امین نامی شخص کی پھندا لگی لاش ملی۔ جمشید کوارٹر کے علاقے اسلامیہ کالج یو ٹرن کے قریب تیز رفتار رکشے کی ٹکر سے طاہر ہ نامی خاتون جاں بحق ہوگئی۔
نیپال میں ’جنریشن زی‘ تحریک، بھارت کے خطے میں بالادستی کے عزائم بے نقاب