جے ایف 17 تھنڈر طیاروں کی ایک بار پھر دنیا بھر میں دھوم
اشاعت کی تاریخ: 15th, February 2025 GMT
فخر پاکستان، جے ایف 17 تھنڈر بلاک تھری طیاروں نے ایک بار پھر دھوم مچا دی، سعودی عرب میں سپئیرز آف وکٹری 202 مشقوں کے دوران جے ایف 17 تھنڈر لڑاکا طیاروں کی دنیا کے جدید ترین لڑاکا طیاروں کے مقابلے میں شاندار پرفارمنس دیکھ کر سب دنگ رہ گئے۔
آئی ایس پی آر کے مطابق سعودی عرب کی شاہ عبدالعزیز ایئر بیس پر سپیٔرز آف وکٹری ایکسرسائز 2025ء میں پاک فضائیہ کے دستے نے بھرپور انداز میں حصہ لیا، فضائیہ کے دستے میں جے ایف 17 تھنڈر بلاک تھری لڑاکا طیارے، کومبیٹ پائلٹس اور ٹیکنیکل گراؤنڈ کریو شامل تھا، پاک فضائیہ کے طیاروں اور عملے نے ایکسرسائز میں بہترین پیشہ وارانہ انداز میں حصہ لیا۔
بین الاقوامی ڈپلائمنٹ کے لیے پاک فضائیہ کے طیاروں نے ہوم بیس سے سعودی عرب تک اور واپسی پر نان اسٹاپ پرواز کی ۔پاک فضائیہ تھنڈرز نے دوران پرواز ایئر ٹو ایئر ری فیولنگ کا مظاہرہ بھی کیا۔
ایکسرسائز سپئیرز آف وکٹری میں شرکت اور واپسی کے لیے نان اسٹاپ پرواز جے ایف 17 تھنڈر بلاک تھری طیاروں کی لانگ رینج اپریشنل صلاحیتوں کی مظہر ہے، سپیٔرز آف وکٹری ایکسرسائز کا مقصد حقیقت سے قریب ترین فضائی جنگ کے ماحول میں اشتراک کار کو فروغ دینا تھا۔
سپیٔرز آف وکٹری ایکسرسائز میں میزبان سعودی عرب، پاکستان، بحرین اور فرانس نے شرکت کی جبکہ یونان، قطر، متحدہ عرب امارات ،امریکا اور برطانیہ نے بھی مشقوں میں حصہ لیا۔
.ذریعہ: Express News
کلیدی لفظ: جے ایف 17 تھنڈر پاک فضائیہ فضائیہ کے ا ف وکٹری
پڑھیں:
پاک سعودی معاہدہ مسلم دنیا کا بلاک بننے کی جانب اہم قدم ہے: مولانا فضل الرحمٰن
جمعیت علمائے اسلام ف کے امیر مولانا فضل الرحمٰن—فائل فوٹوجمعیت علماء اسلام ف کے امیر مولانا فضل الرحمٰن کا کہنا ہے کہ پاکستان اور سعودی عرب کا معاہدہ مسلم دنیا کا بلاک بننے کی جانب اہم قدم ہے۔
کراچی میں جمعیت علماء اسلام (جے یو آئی۔ف) کے مارچ سے خطاب کرتے ہوئے انہوں نے کہا کہ میں نے کچھ دن پہلے کہا تھا کہ مسلم ملکوں کا ایک بلاک بننا چاہیے، میں نے کہا تھا کہ قطر میں مسلم ممالک جمع ہو رہے ہیں تو یہ خوش آئند ہے۔
مولانا فضل الرحمٰن نے کہا کہ ہم نے کہا تھا اسلامی ملکوں کی ایک مشترکہ قوت ہونی چاہیے، ہم نے کہا تھا دنیا میں کہیں بھی مسلمانوں پر ظلم ہو تو سعودی عرب اور پاکستان اسے روکنے کے لیے قائدانہ کردار ادا کریں، جب فلسطینی ایک فلسطین کی بات کرتے ہیں تو ہمیں بھی ایک فلسطین کی بات کرنی چاہیے۔
یہ بھی پڑھیے مولانا فضل الرحمان کراچی پہنچ گئے، آج امن مارچ سے خطاب کریں گے جے یو آئی کا سندھ امن مارچ اپنی منزل کراچی کی طرف رواں دواںمولانا فضل الرحمٰن نے کہا ہے کہ امن کے لیے سندھ، بلوچستان اور خیبر پختونخوا میں امن مارچ کیا ہے، ہم امن کا پرچار کر رہے ہیں، یہی ہمارا منشور ہے، اپنے منشور پر عمل کرنا ہم دوسروں سے زیادہ جانتے ہیں، ہم یہ بھی جانتے ہیں کہ ہمارا مینڈیٹ کیسے چوری ہوا۔
ان کا کہنا ہے کہ ہم اسلام آباد جانا نہیں چاہتے لیکن آپ کا رویہ مجبور کر رہا ہے، اب ایسے نہیں چلے گا کہ عوامی رائے کے خلاف الیکشن کے نتائج آئیں، قوم اپنے خیر خواہوں کو پہچاننے لگی ہے، پاکستان معاشی لحاظ سے کمزور ہے، یہاں بیروزگاری اور مہنگائی ہے۔
سربراہ جے یو آئی کا کہنا ہے کہ حکمراں قربانی دینے کی بات کرتے ہیں لیکن قربانی صرف عوام کو دینی پڑتی ہے، ہم نے ہمیشہ امن اور محبت کا پرچار کیا ہے، جمعیت صرف پاکستان کی نہیں امتِ مسلمہ کی آواز ہے۔
دیر لوئر میں دہشت گردوں سے جھڑپ کے دوران دو ایف سی اہلکار شہید، ایک زخمی