اب پاکستانی کسانوں کو کوآپریٹ فارمنگ کرنا پڑیگی: عاشق کرمانی
اشاعت کی تاریخ: 15th, February 2025 GMT
---فائل فوٹو
وزیرِ زراعت پنجاب عاشق کرمانی نے کہا ہے کہ ایگریکلچر سیکٹر میں پرانی مشینری سےنقصان ہو رہا ہے، جدید میکنزم طریقے سے نئی مشینری سے فائدہ ہو گا، کوآپریٹ فارمنگ دنیا بھرمیں ہو رہی ہے، اب پاکستانی کسانوں کو ایسا کرنا پڑے گا، فوڈ سیکیورٹی کے لیے کارپوریٹ فارمنگ ضروری ہے۔
پریس کانفرنس کے دوران عاشق کرمانی نے کہا کہ بہت سی اہم مشینری جو فارمرز کے پاس نہیں ہے، اگر سمت کا تعین نہیں کریں گے تو کام نہیں کر سکیں گے، جی پی آئی میں زراعت کے شعبے کو بہتر بنانے کے منصوبے شامل ہیں، فارمرز کو بتائیں گے کہ موسمی حالات کیا ہیں؟ پانی کب لگانا ہے؟
عاشق کرمانی نے کہا کہ کسانوں کو ڈرونز سمیت زرعی مشینری کرائے پر دستیاب ہو گی، زرعی تحقیق، سہولت مرکز میں زراعت سے متعلق تمام اشیاء و سہولتیں دستیاب ہوں گی، آج پانی کو ضائع ہونے سے بچائیں گے تو کل کام آئے گا۔
آرمی چیف جنرل سید عاصم منیر نے وزیرِ اعلیٰ پنجاب مریم نواز کے ہمراہ جنوبی پنجاب میں کنڈائی اور شاہپور کے علاقوں میں گرین مال اینڈ سروس کمپنی کے اسمارٹ ایگری فارم، زرعی تحقیق اور سہولت مرکز کا افتتاح کر دیا۔
وزیرِ زراعت پنجاب عاشق کرمانی کا کہنا ہے کہ زراعت کے شعبےکا ملکی معیشت میں اہم مقام ہے، وزیرِ اعلیٰ پنجاب زراعت کی ترقی سے متعلق مثالی اقدامات پر عمل پیرا ہیں، پہلی بار مریم نواز نے روایت توڑی کہ ملبہ دوسری حکومت کی نالائقیوں پر نہیں ڈالا، انہوں نے ایک سال میں لوگوں سے کیے ہوئے وعدے پورے کیے۔
عاشق کرمانی نے کہا ہے کہ پہلی بار جانور کیو آر کوڈ کے ساتھ ٹیگ ہو رہے ہیں، ایگری مال کے تحت کسانوں کو تمام سہولتیں ایک ہی چھت تلے دستیاب ہوں گی، کسان کارڈ سے فارمرز فائدہ اٹھا رہے ہیں۔
انہوں نے کہا کہ پہلی بار انٹرن شپ پروگرام متعارف کرایا، لائیو اسٹاک کارڈ متعارف کرایا ہے، ایک لاکھ جانور رجسٹر ہو چکے، لائیو اسٹاک کارڈ سے70کروڑ روپےکی خریداری ہو چکی ہے۔
صوبائی وزیر کا کہنا ہے کہ 60 فیصد ٹریکٹرز رینٹل سروس پر چل رہے ہیں، ہم نے کسانوں کو بتانا ہے کہ کون سی فصل لگانی ہے، ادویات کون کون سی ہوں گی، زراعت ریڑھ کی ہڈی ہے، جس میں بہتری لائی جا سکتی ہے۔
عاشق کرمانی نے یہ بھی کہا کہ گرین پاکستان انیشیٹو وفاقی حکومت کا ادارہ ہے، 1 سال میں 80 سے زائد منصوبے شروع کرائے، اسموگ کے خاتمے کے لیے 1 ہزار سپر سیڈرز دے دیے ہیں، چاول کی اگلی فصل سے پہلے 5 ہزار سپر سیڈز دے دیں گے۔
.ذریعہ: Jang News
کلیدی لفظ: عاشق کرمانی نے کہا کسانوں کو کہا کہ
پڑھیں:
وزیر اعلیٰ پنجاب کی انتخابی کامیابی کے خلاف دائر درخواست مسترد
لاہور:الیکشن ٹربیونل لاہور نے وزیرِ اعلیٰ پنجاب مریم نواز شریف کی انتخابی کامیابی کے خلاف دائر درخواست مسترد کر دی۔
پی ٹی آئی کے امیدوار مہر شرافت علی نے درخواست دائر کی تھی جنہوں نے لاہور کے صوبائی حلقہ پی پی 159 سے مریم نواز کی کامیابی کو چیلنج کیا تھا۔
الیکشن ٹربیونل کے جج رانا زاہد محمود نے محفوظ فیصلہ سناتے ہوئے قرار دیا کہ درخواست گزار نے الیکشن ایکٹ 2017 کے رول 144 کی شرائط پوری نہیں کیں، اس لیے درخواست قابلِ سماعت نہیں۔
فیصلے کے مطابق، درخواست گزار کے الیکشن پٹیشن کے ہر صفحے پر دستخط موجود نہیں تھے، جبکہ بیانِ حلفی میں اوتھ کمشنر کی تصدیق والے صفحے پر درخواست گزار کا نام اور والد کا نام درج نہیں تھا۔
وزیرِ اعلیٰ مریم نواز کی جانب سے پیش ہونے والے وکیل بیرسٹر اسداللہ چھٹہ نے قانونی نکات پر دلائل دیتے ہوئے مؤقف اختیار کیا کہ درخواست ناقابلِ سماعت ہے اور اس میں بنیادی قانونی تقاضے پورے نہیں کیے گئے۔
فیصلے میں کہا گیا کہ بیرسٹر اسداللہ چھٹہ کے دلائل میں وزن ہے، اور یہ کہ درخواست کو باقاعدہ ٹرائل کے لیے پیش نہیں کیا جا سکتا۔
الیکشن ٹربیونل کے فیصلے کے ساتھ ہی وزیرِ اعلیٰ پنجاب مریم نواز کی پی پی-159 سے کامیابی برقرار رہی۔
پشاور میں ہسپانوی ثقافت کی جھلک، فلیمنکو رقص نے سماں باندھ دیا