جماعت اسلامی جلد صوبہ بھر میں بھرپور احتجاجی تحریک چلائے گی، عبدالواسع
اشاعت کی تاریخ: 15th, February 2025 GMT
امیر جماعت اسلامی خیبر پختونخوا کا کہنا تھا کہ آج ہمارے معاشرے میں قتل و غارت گردی، بدامنی، لاقانونیت، ٹارگٹ کلنگ اور ظلم کا نظام قوم پر مسلط ہے، موجودہ صورتحال اسلامی نظام سے دوری کا شاخسانہ ہے۔ اسلام ٹائمز۔ امیر جماعت اسلامی خیبر پختونخوا وسطی عبدالواسع نے کہا ہے کہ پیپلزپارٹی، مسلم لیگ ن، جنرل (ر) پرویز مشرف اور تبدیلی کی دعوے دار تحریک انصاف کی حکومتوں میں آنے کے بعد اپنے منظور نظر صنعتکاروں کو نوازتے ہوئے ان کی مہنگی آئی پی پیز کے ساتھ شرمناک معاہدوں کے زریعے قوم کی جیبوں پر اربوں روپے کا ڈاکہ ڈالا ہے لیکن اس کے باوجود ملک بھر بالخصوص خیبر پختونخوا کے طول و عرض میں عوام 12 اور بعض علاقوں میں 18 گھنٹوں کی طویل ترین ناروا لوڈشیڈنگ سے دوچار ہیں جس کے خلاف جماعت اسلامی جلد صوبہ بھر میں بھرپور احتجاجی تحریک چلائے گی۔ آج ہمارے معاشرے میں قتل و غارت گردی، بدامنی، لاقانونیت، ٹارگٹ کلنگ اور ظلم کا نظام قوم پر مسلط ہے، موجودہ صورتحال اسلامی نظام سے دوری کا شاخسانہ ہے۔ ان خیالات کا اظہار جماعت اسلامی خیبرپختونخوا وسطی کے امیر عبدالواسع نے پیربالاورسک روڈ پرجماعت اسلامی این اے28 پشاورکے تحت منعقدہ ورکرزکنونشن سے خطاب کرتے ہوئے کیا۔اس موقع پر جماعت اسلامی کےضلعی امیر بحراللہ خان ایڈوکیٹ،این اے28کے امیر افتخاراحمدخان اور زونل امیر وسابق صوبائی وزیر حافظ حشمت خان نے خطاب کرتے ہوئے کہا کہ اس وقت ایک طرف ملک پر فارم47کےنتیجے میں مسلط وفاقی حکومت صوبے کے عوام کو مسلسل نظرانداز کررہی ہے اور صوبے کو اس کے آئینی حقوق سے محروم رکھا ھے جبکہ دوسری طرف گزشتہ 12سالوں سے تبدیلی اور انصاف کے نام پر برسراقتدار صوبائی حکومت کی ترجیحات میں عوام کو ریلیف کی فراہمی دور دور تک نظر نہیں آرہی ہے۔مقررین نے کہا کہ عوام کو صحت ،تعلیم، روزگار اور امن وامان کی فراہمی حکومت وقت کی اولین ذمہ داری ھے ان حالات میں حکمرانوں کے مظالم سے نجات کے لئے قوم کو متحدہوناپڑے گااوراس وقت قوم کے پاس حقیقی تبدیلی کے لئے جماعت اسلامی کے علاوہ کوئی دوسرا آپشن نہیں بچاھے
.ذریعہ: Islam Times
کلیدی لفظ: جماعت اسلامی
پڑھیں:
5 اگست کو عوام اپنی بیزاری کا بھرپور اظہار کریں گے: سلمان اکرم راجہ
سلمان اکرم راجہ—فائل فوٹوپاکستان تحریکِ انصاف (پی ٹی آئی) کے سیکریٹری جنرل سلمان اکرم راجہ کا کہنا ہے کہ 5 اگست کو عوام اپنی بیزاری کا بھرپور اظہار کریں گے اور یہ آئینی ہو گا۔
پی ٹی آئی کے سیکریٹری جنرل سلمان اکرم راجہ نے پریس کانفرنس میں کہا کہ اس ملک کو درست سمت میں لے کر جانا ہے، یہ ملک ڈنڈے کے زور پر نہیں چلایا جا سکتا۔
ان کا کہنا ہے کہ بانیٔ پی ٹی آئی کی ہدایت ہے کہ یہ تحریک صرف پی ٹی آئی کی نہیں، ہماری تحریکِ تحفظِ آئینِ پاکستان آئینی ہے، نظریاتی ہے، جس کا مقصد توڑ پھوڑ نہیں ہے، کوئی اس تحریک کو ہم پر ظلم کے ضابطے نافذ کرنے کے لیے استعمال نہ کرے۔
جیو نیوز کے پروگرام کیپٹل ٹاک میں گفتگو کرتے ہوئے سلمان اکرم راجہ نے کہا کہ منصوبہ سازوں کا ارادہ ہے کہ بانی پی ٹی آئی بھی اِس سیلاب کی زد میں آجائیں۔
سلمان اکرم راجہ نے کہا کہ ہمارے لوگوں کو صرف اس لیے سزا دی گئی کہ وہ پی ٹی آئی سے تعلق رکھتے تھے، آج سڑک پر چلنا، اکٹھا ہونا، آواز بلند کرنا جرم بنا دیا گیا ہے، ان حقوق کو اقوامِ متحدہ مانتی ہے، آئین مانتا ہے، ہمارا دین مانتا ہے۔
انہوں نے کہا کہ آج 5 گھنٹے جیل کے باہر کھڑے ہو کر آیا ہوں، مجھے بانیٔ پی ٹی آئی سے ملنے نہیں دیا گیا، بانیٔ پی ٹی آئی کا جیل ٹرائل وکلاء اور خاندان کے بغیر چلایا جا رہا ہے۔
پی ٹی آئی کے سیکریٹری جنرل نے کہا کہ میں بانی پی ٹی آئی کا وکیل ہوں، میرے پاس وکالت نامہ ہے، ہم اس ظلم کے خلاف ہر صورت آواز اٹھائیں گے۔
کیا انبیا علیہم السلام کی تعلیمات میں فلسفہ شامل تھا؟