پٹرولیم مصنوعات کی قیمتوں میں پانچ روپے فی لیٹر تک کمی کر دی گئی
اشاعت کی تاریخ: 15th, February 2025 GMT
حکومت نے پٹرولیم مصنوعات کی قیمتوں میں پانچ روپے فی لیٹر تک کمی کر دی جس کا اطلاق آج رات 12 بجے سے ہوگا۔
وزارت خزانہ کی جانب سے جاری نوٹیفکیشن کے مطابق پیٹرولیم کی مختلف مصنوعات کی قیمتوں میں کمی کی گئی ہے۔
قیمتوں میں کمی کے بعد مختلف پیٹرولیم مصنوعات کی نئی قیمتیں درج ذیل ہیں:
پٹرول کی قیمت 1 روپے کمی کے بعد 256.13 روپے فی لیٹر ہوگئی۔ ہائی اسپیڈ ڈیزل کی قیمت میں 4 روپے کمی کے بعد نئی قیمت 263.95 روپے فی لیٹر مقرر کی گئی۔ مٹی کا تیل 3.20 روپے سستا کر دیا گیا جس کے بعد اس کی نئی قیمت 164.63 روپے فی لیٹر ہوگی۔ لائٹ ڈیزل آئل کی قیمت میں سب سے زیادہ 5.25 روپے کمی کی گئی جس کے بعد اس کی نئی قیمت 155.81 روپے فی لیٹر مقرر کی گئی ہے۔
عوامی حلقوں نے حکومت کی جانب سے قیمتوں میں اس کمی کو خوش آئند قرار دیا ہے
ذریعہ: Express News
کلیدی لفظ: روپے فی لیٹر قیمتوں میں مصنوعات کی کی قیمت کی گئی کے بعد
پڑھیں:
عید قرباں سے قبل مارکیٹوں میں منافع خوری عروج پر پہنچ گئی
سبز مصالحوں اور سبزیوں سمیت مختلف اشیاء کی قیمتوں میں تین گنا اضافہ ہوگیا
پرائس کنٹرول مجسٹریٹ غائب،عوام ناجائز منافع خوروں کے ہاتھوں لٹنے پہ مجبور
عید قرباں قریب آتے ناجائز منافع خوری عروج پر پہنچ گئی،سبز مصالحہ جات سمیت سبزیوں کی قیمتوں میں تین گنا اضافہ ہوگیا،پرائس کنٹرول مجسٹریٹ غائب،عوام ناجائز منافع خوروں کے ہاتھوں لٹنے پہ مجبور، تفصیلات کے مطابق عید قرباں سے قبل مارکیٹ میں ناجائز منافع خوری عروج پر پہنچ گئی،سبز مصالحوں اور سبزیوں سمیت مختلف اشیاء کی قیمتوں میں تین گنا اضافہ کردیا گیا حکومت کے جاری کردہ نرخ ناموں پر عمل درآمد کے لئے پرائس کنٹرول مجسٹریٹ کہیں نظر نہیں آرہے تین روز قبل دس روپے میں فروخت ہونے والی ہرا دھنیا اور پودینے کی گڈی اب مارکیٹ میں 30 سے 40روپے میں فروخت ہورہی ہے 50َروپے کلو فروخت ہونے والا ٹماٹر اب 150 روپے کلو تک کھلے عام فروخت کیا جارہا ہے 20روپے کلو میں فروخت ہونے والا پیاز 60روپے کلو تک پہنچ گیا ہے نیا آلو جو 60روپے کلو فروخت کیا جارہا تھا اب 120روپے تک جاپہنچا ہے اسی طرح دیگر سبزیوں کی قیمتوں میں بھی من مانے اضافے کرکے عوام کو دونوں ہاتھوں سے لوٹا جارہا ہے انتظامیہ کی جانب سے اس ناجائز منافع خوری کے خلاف کوئی کاروائی نظر نہیں آرہی۔ شہر قائد کے شہریوں نے متعلقہ اداروں سے فوری نوٹس لینے کا مطالبہ کیا۔
حکومت کا سارا زور تنخواہ دار اور کارپوریٹ طبقے پر رہا