پی سی بی کا ملک کا نام روشن کرنے والے قومی کرکٹرز کو خراج تحسین
اشاعت کی تاریخ: 16th, February 2025 GMT
کراچی: پاکستان کرکٹ بورڈ (پی سی بی) نے ملک کا نام روشن کرنے والے قومی کرکٹرز کی خدمات کو خراج تحسین پیش کرنے کے لیے ایک منفرد قدم اٹھایا ہے۔
ایکسپریس نیوز کے مطابق پی سی بی کی جانب سے میڈیا سینٹر کی دیوار کو خوبصورت بلیک اینڈ وائٹ تصاویر سے سجا دیا گیا ہے۔
اس اقدام کا مقصد عظیم کرکٹرز کی شاندار خدمات کو یادگار بنانا اور نئی نسل کو ان کی کامیابیوں سے متعارف کرانا ہے۔ اس دیوار پر پاکستان کے نامور کرکٹرز کی تصاویر آویزاں کی گئی ہیں، جن میں چیمپینز ٹرافی 2017 کے فاتح کپتان سرفراز احمد کی تصویر بھی شامل ہے۔
سرفراز احمد کی قیادت میں پاکستان نے چیمپینز ٹرافی جیت کر ملک کو عالمی کرکٹ میں ایک بار پھر بلند مقام پر پہنچایا تھا۔ اس کے علاوہ فاتح ٹیم کا گروپ فوٹو بھی دیوار کی زینت بنا ہوا ہے، جو اس تاریخی کامیابی کو یاد دلاتا ہے۔
ویمن کرکٹ میں پاکستان کی نمائندگی کرنے والی کرن بلوچ کی تصویر بھی اس دیوار پر نمایاں طور پر آویزاں کی گئی ہے۔
کرن بلوچ نے ٹیسٹ کرکٹ میں 242 رنز کی شاندار اننگ کھیل کر عالمی ریکارڈ قائم کیا تھا، جو پاکستانی خواتین کرکٹ کی تاریخ میں ایک سنہری باب ہے۔ ان کی یہ کامیابی نہ صرف پاکستان بلکہ پوری دنیا میں خواتین کرکٹ کے فروغ کا باعث بنی۔
دیوار پر سابق ٹیسٹ کپتان اور دیگر ریکارڈ ساز کھلاڑیوں کی تصاویر بھی لگائی گئی ہیں۔ ان میں ون ڈے کرکٹ میں پہلی ہیٹرک بنانے والے جلال الدین کی تصویر بھی شامل ہے، جنہوں نے اپنی باؤلنگ کے ذریعے پاکستان کو کئی یادگار فتوحات دلائیں۔
پی سی بی کے ترجمان کے مطابق اس اقدام کا مقصد ان کرکٹرز کی عظیم خدمات کو خراج عقیدت پیش کرنا ہے، جنہوں نے پاکستان کا نام عالمی سطح پر بلند کیا۔
انہوں نے کہا کہ یہ تصاویر نہ صرف ماضی کی کامیابیوں کو یاد دلاتی ہیں، بلکہ نئی نسل کو بھی حوصلہ دیتی ہیں کہ وہ اپنے ہیروز سے متاثر ہو کر ملک کے لیے بڑے کارنامے انجام دیں۔
.
ذریعہ
ذریعہ: Express News
کلیدی لفظ: کرکٹرز کی کرکٹ میں پی سی بی
پڑھیں:
داتا دربار کے نذرانوں میں کروڑوں کا غبن کرنے والے 5 افسران کو سزا
اوقاف بورڈ نے زائرین کے نذرانوں میں کروڑوں روپے کی کرپشن کرنے کے الزام میں داتا دربار کے 5 سینئر افسران کو سزا سنادی۔
ملزمان میں سابق ایڈمنسٹریٹر داتا دربار شیخ جمیل احمد، سابق مینجر طاہر مقصود، سابق اسٹینو گرافر ثاقب نسیم سمیت دیگر ملازمین شامل ہیں۔
محکمہ اوقاف بورڈ کی ہدایات کی روشنی میں مجاز اتھارٹی نے انکوائری کے بعد سابق ایڈمنسٹریٹر داتا دربار شیخ جمیل احمد کو انکے اصل مستقل عہدے سے 5 سال کی مدت کے لئے کم درجے کے عہدے (BS-15) اور پے اسکیل پر تنزلی کا حکم دیا ہے۔
شیخ جمیل احمد کی 5 سال کی پچھلی سروس بھی ضبط کر لی گئی ہے، انہیں 9,265,800 روپے ادا کرنے ہوں گے جبکہ انکے سروس ریکارڈ میں منفی اندراج بھی کیا جائے گا، مستقبل میں اُنہیں کسی بھی کیش ہینڈلنگ آفس یا فیلڈ ریونیو پوسٹ پر تعینات کرنے پر مستقل پابندی عائد کردی گئی ہے۔
اسی طرح سابق مینیجر داتا دربار طاہر مقصود کو سرکاری ملازمت سے برطرفی کی سزا دی گئی ہے، اسکے ساتھ 11,324,867 روپے (ان کا 55 فیصد واجب الادا حصہ) کی انفرادی مالیاتی ریکوری اور مستقبل میں فیلڈ پوسٹنگز پر مستقل پابندی عائد کی گئی ہے۔
سابق اسٹینو گرافر ایڈمنسٹریٹر آفس ثاقب نسیم کو 4 سال کی مدت کےلئے پچھلی سروس ضبط کرنے کی سزا دی گئی ہے اور ان پر انتظامی پابندی عائد کرتے ہوئے انہیں کسی بھی خفیہ برانچ ایڈمنسٹریٹر دفاتر اور حساس دفاتر یا سی سی ٹی وی سیکیورٹی سے متعلقہ سائنمنٹس پر تعینات کرنے سے روک دیا گیا ہے۔
سابق کیئر ٹیکر نور حسین کو تین سال کی مخصوص مدت کےلئے سالانہ ترقیاں روکنے کی سزا دی گئی ہے اور انہیں داتا دربار یا کسی بھی بڑے کیش جنریٹنگ مزار پر مستقبل میں تعینات کرنے پر پابندی لگا دی گئی ہے۔
سابق کیئر ٹیکر محمد شریف اگرچہ اس مخصوص انکوائری رپورٹ کے الزامات سے بری ہو گئے ہیں لیکن مزار پر ایک زائر سے نقدی چوری کرنے کی وائرل ویڈیو کلپ سامنے آنے کے بعد انکے خلاف فوری طور پر علیحدہ اور آزادانہ تادیبی کارروائی شروع کرنے کی ہدایت کی گئی ہے، انہیں داتا دربار یا کسی بھی دوسرے بڑے مزار پر تعیناتی سے مستقل طور پر روک دیا گیا ہے۔
اس حوالے سے سیکرٹری و چیف ایڈمنسٹریٹر اوقاف پنجاب ڈاکٹر احسان بھٹہ کا کہنا تھا کہ حکومت پنجاب کے غیر متزلزل عزم کا اعادہ کرتے ہوئے مقدس مذہبی اداروں کے اندرکرپشن عوامی اعتماد کی سنگین خلاف ورزی کارروائیوں کا آغاز کردیا ہے، کرپشن کے ناسور کو جڑ سے اکھاڑ پھینک دیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ