جانیں؛ دنیا کی خوش باش قوم اور رہنے کیلیے بہترین ملک کے بارے میں
اشاعت کی تاریخ: 16th, February 2025 GMT
آج کل لوگ مختلف مسائل کا شکار ہیں، بیروزگاری اور نوکری کے دباؤ نے ذہنی مریض بنا دیا، بڑھتی ہوئی مہنگائی نے کمر توڑ دی اور رہی سہی کسر جرائم نے پوری کردی۔
اگر آپ بہترین معیار زندگی کے حامل ملک میں رہنا چاہتے ہیں جہاں کے لوگ خوش باش اور جو خوشحال بھی ہو تو فن لینڈ آپ کی منزل ہے۔
یورپی ملک فن لینڈ مسلسل 10 برسوں سے دنیا کے سب سے خوشحال ملک قرار دیا جا رہا ہے اور اب بھی 7.
فن لینڈ میں امیر اور غریب کے درمیان فرق دیگر ممالک کی نسبت کم ہے۔ کرپشن نہ ہونے کے برابر ہے، عوامی نقل و حمل مؤثر ہے اور لوگوں کو مضبوط سماجی حمایت حاصل ہے۔
اس کے علاوہ، یہاں کا تعلیمی نظام بھی بہترین ہے اور رہائشی پالیسی بھی بہت مضبوط ہے۔
فن لینڈ کا صحت کا نظام بھی عالمی سطح پر بہت سراہا جاتا ہے، جہاں کووڈ کی وبا کے بدترین دنوں میں بھی کم انتظار کا سامنا کرنا پڑا۔
فن لینڈ دنیا کے سب سے محفوظ ممالک میں سے ایک ہے، جہاں جرائم کی شرح بہت کم ہے۔
خیال رہے کہ دنیا کے سب سے خوش حال ملک اور خوش رہنے والی قوم کا تعین کرنے کے لیے ورلڈ پاپولیشن ریویو کے محققین نے گزشتہ 3 سالوں میں 143 ممالک کے سروے کے ڈیٹا کا مطالعہ کیا تھا۔
جس میں خوشی کا اندازہ چھ عوامل پر کیا گیا جن میں اقتصادی دولت (فی کس جی ڈی پی)، سماجی حمایت، زندگی کی متوقع مدت، ذاتی آزادی، سخاوت اور کرپشن کی سطح شامل ہیں۔
اس طرح مجموعی اسکورز کو جمع کیا گیا اور ایک خیالی انتہائی ناخوش ملک کے خلاف ناپا گیا، جو خوشی کی کم ترین سطح کے طور پر کام کرتا ہے۔
دنیا کے خوش حال ترین ممالک میں فن لینڈ کے بعد دوسرے نمبر ڈنمارک ہے جس کے بعد آئی لینڈ، سویڈن، اسرائیل، نیدرلینڈز اور ناروے کا نمبر آتا ہے۔
خوش ترین ممالک کی اس فہرست میں 145 ممالک میں سے پاکستان کا نمبر 108 جب کہ بھارت کا 126 ہے۔
ذریعہ: Express News
پڑھیں:
نیوزی لینڈ نے ون ڈے سیریز میں انگلینڈ کو وائٹ واش کردیا
نیوزی لینڈ نے تیسرے ون ڈے میں 2 وکٹوں سے فتح حاصل کرکے انگلینڈ کو سیریز میں وائٹ واش کردیا۔
ویلنگٹن میں کھیلے گئے میچ میں نیوزی لینڈ نے ٹاس جیت کر جیت کر پہلے بولنگ کرنے کا فیصلہ کیا جو درست ثابت ہوا۔
انگلش ٹیم 40.2 اوورز میں 222 رنز بناکر آل آؤٹ ہوگئی۔
انگلینڈ کے ٹاپ 5 بلے باز 44 کے مجموعی اسکور پر پویلین لوٹ چکے تھے تاہم جیمی اوورٹن (68)، جوز بٹلر (38) اور برائیڈن کارس (36) نے ٹیم کا اسکور 222 تک پہنچا دیا۔
نیوزی لینڈ کی جانب سے بلیئر ٹکنر نے 4، جیکب ڈفی نے 3، زیک فولکس نے 2 اور مچل سینٹنر نے ایک وکٹ حاصل کی۔
نیوزی لینڈ نے 223 رنز کا ہدف 44.4 اوورز میں 8 وکٹوں کے نقصان پر حاصل کرلیا۔ رچن رویندرا 46، ڈیرل مچل 44 اور ڈیوون کونوے 34 رنز بناکر نمایاں رہے۔
انگلینڈ کی جانب سے جیمی اوورٹن اور سیم کرن نے 2،2 جبکہ عادل رشید اور برائیڈن کارس نے ایک ایک وکٹ حاصل کی۔
Ticks and Foulkesy get us home! Another win and a 3-0 series victory over England ????
See the full scorecard here - https://t.co/kglS8ydJ1S#NZvENG
???? @PhotosportNZ pic.twitter.com/XeKIjBCSLp
واضح رہے کہ یہ نیوزی لینڈ کی انگلینڈ کیخلاف مجموعی طور پر 12 سال اور ہوم گراؤنڈ پر 17 سال بعد ون ڈے سیریز میں فتح ہے۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق