ملتان میں ترک ثقافت کے رنگ بکھیرتا منفرد ریسٹورنٹ
اشاعت کی تاریخ: 19th, February 2025 GMT
جنوبی پنجاب کا سب سے بڑا اور تاریخی شہر ملتان اپنی ثقافت، مہمان نوازی اور منفرد روایات کے لیے جانا جاتا ہے۔ اس شہر میں ایک ایسا ریسٹورنٹ قائم کیا گیا ہے جو ترک ثقافت اور سلطنت عثمانیہ کی عظمت کو نمایاں کرتا ہے۔ یہ ریسٹورنٹ اپنی خوبصورت تعمیرات، منفرد ماحول اور روایتی ترک کھانوں کی وجہ سے بے حد مقبول ہو رہا ہے۔
آپ جیسے ہی اس ریسٹورنٹ میں داخل ہوتے ہیں تو آپ کو ایسا محسوس ہوتا ہے گویا وقت کا پہیہ الٹا گھوم گیا ہو اور آپ سلطنت عثمانیہ کے عہد میں جا پہنچے ہوں۔
یہ بھی پڑھیں: کرغیز خانہ بدوش جنہیں تُرک صدر کی ہدایت پر چترال سے ترکی لے جاکر آباد کیا گیا
ریسٹورنٹ کے داخلی راستے پر عثمانی دور کے روایتی لباس میں ملبوس ایک میزبان ہاتھ میں تلوار اور نیزا تھامے مہمانوں کا پرتپاک استقبال کرتا ہے۔ اس کی مہمان نوازی اور رویہ ایسا ہوتا ہے جیسے وہ کسی سلطنت کے دربار کا حصہ ہو۔
ریسٹورنٹ کے مالک،علی ہاشمی ترک ثقافت سے بے حد متاثر ہیں اور اسی محبت کے تحت انہوں نے یہ جگہ تعمیر کی۔ ان کے مطابق یہ ریسٹورنٹ کائی قبیلے کی طرز پر ڈیزائن کیا گیا ہے جو ترک ڈرامہ ’ارطغرل غازی‘ کی بدولت پاکستان میں مقبول ہوا۔
علی ہاشمی کا کہنا ہے کہ کائی قبیلے کی روایات اور اسلامی طرز زندگی ہمارے لیے ایک سبق ہیں اور اسی سوچ کے ساتھ انہوں نے اس منفرد ریسٹورنٹ کی بنیاد رکھی۔
مزید پڑھیے: پاکستان اور ترکیہ کے تعلقات کی کہانی
ریسٹورنٹ میں 2 خاص ڈومز موجود ہیں جن میں سے ایک کو ’کائی ڈوم‘ کہا جاتا ہے جو ترک ثقافت کی بھرپور عکاسی کرتا ہے۔ دوسرا ڈوم مشرقی اور مغربی طرز کا حسین امتزاج پیش کرتا ہے تاکہ نئی نسل کے شوق اور دلچسپی کو بھی مدنظر رکھا جائے۔
ان ڈیزائنز کو حقیقت کا روپ دینے کے لیے علی ہاشمی نے ترکیہ کا دورہ کیا تھا جہاں انہوں نے ترک طرز تعمیر اور روایات کو قریب سے دیکھا اور انہیں اپنے ریسٹورنٹ میں شامل کیا۔
مزید پڑھیں: پاکستان اور ترکیہ کا مشترکہ ٹی وی نشریات اور اسلاموفوبیا کے خلاف مل کر جدوجہد کرنے پر اتفاق
وہ بتاتے ہیں کہ ریسٹورنٹ کی تعمیر میں استعمال ہونے والا تمام میٹریل ترکی سے درآمد کیا گیا ہے اور ایک سال کی محنت کے بعد یہ ریسٹورنٹ مکمل ہوا جو اب ملتان کے مشہور تفریحی مقامات میں شامل ہو چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارطغرل غازی ترک ثقافت ترک ریسٹورنٹ ملتان ملتان کا قدیم طرز کا ریسٹورنٹ.ذریعہ: WE News
کلیدی لفظ: ترک ثقافت ترک ریسٹورنٹ ملتان ترک ثقافت کیا گیا کرتا ہے
پڑھیں:
علامہ ڈاکٹر شبیر حسن میثمی کی ملتان میں استاد العلماء علامہ سید محمد تقی نقوی سے اہم ملاقات
اس موقع پر جامعہ کے علماء کرام و طلباء عظام بھی موجود تھے، حالیہ پنجاب میں سیلاب سے ہونیوالی تباہ کاریوں کے حوالے سے زہرا(س) اکیڈمی پاکستان کیجانب سے مسلسل سیلاب زدگان کی خدمات اور دیگر ملی و قومی امور پر تفصیلی تبادلہ خیال ہوا۔ اسلام ٹائمز۔ چیئرمین زہرا (س) اکیڈمی، پاکستان و سیکرٹری جنرل شیعہ علماء کونسل پاکستان، علامہ ڈاکٹر شبیر حسن میثمی اور مرکزی سیکرٹری اطلاعات جناب زاہد علی آخونزادہ کی جامعہ مخزن العلوم الجعفریہ شیعہ میانی ملتان میں استاد العلماء علامہ سید محمد تقی نقوی سے اہم ملاقات ہوئی۔ اس ملاقات میں قبلہ محترم نے سیکرٹری جنرل کی تشریف آوری پر شکریہ ادا کیا۔
اس موقع پر جامعہ کے علماء کرام و طلباء عظام بھی موجود تھے، حالیہ پنجاب میں سیلاب سے ہونے والی تباہ کاریوں کے حوالے سے زہرا(س) اکیڈمی پاکستان کی جانب سے مسلسل سیلاب زدگان کی خدمات اور دیگر ملی و قومی امور پر تفصیلی تبادلہ خیال ہوا۔ اس موقع پر زہرا ( س) اکیڈمی پاکستان کے رفقاء جناب سہیل رضا صالحی، رفعت عباس زیدی، مولانا رفیق مہدی و دیگر ہمراہ موجود تھے۔
ڈکی بھائی کیخلاف جوئے کی ایپ کی تشہیر کے مقدمے میں اہم پیشرفت