حزب الله جیسا شجرہ طیبہ سید حسن نصر الله کا ورثہ ہے، ناصر کنعانی
اشاعت کی تاریخ: 22nd, February 2025 GMT
اپنے ایک ٹویٹ میں سابق ایرانی ترجمان دفتر خارجہ کا کہنا تھا کہ شہید نے فلسطین کے جھوٹے حامیوں، قوموں، فرقوں، مذاہب الہی اور فلسطینی بچوں و خواتین کے حقوق کے نام نہاد علمبرداروں کو اسلامی، انسانی اور عربی شرافت کا درس دیا۔ اسلام ٹائمز۔ اسلامی جمہوریہ ایران کے سابق ترجمان خارجہ "ناصر کنعانی" نے لبنان کی مقاومتی تحریک "حزب الله" کے سابق سربراہ شهید "سید حسن نصر الله" کے سفر آخرت کے موقع پر کہا کہ شہید نے فلسطین کے جھوٹے حامیوں، تمام اقوام، فرقوں، مذاہب الہی اور فلسطینی بچوں و خواتین کے حقوق کے نام نہاد علمبرداروں کو اسلامی، انسانی اور عربی شرافت کا درس دیا۔ انہوں نے انسانی حقوق کے دفاع کے سلسلے میں اپنے عہد و پیمان کو دوست و دشمن بالخصوص ہیومن رائٹس کے چیمپئنز پر ثابت کیا۔ ناصر کنعانی نے ان خیالات کا اظہار سماجی رابطے کی سائٹ ایکس پر اپنے ایک ٹویٹ میں کیا۔ سابق ترجمان دفتر خارجہ نے مزید کہا کہ انہوں نے آپ کو درجنوں وزنی امریکی بموں، جاسوسی اور بزدلانہ کارروائی میں شہید کیا۔ دشمن نے آپ کی طاقت و عزت کے سامنے اپنی اور اپنے ساتھیوں کی وحشیانہ اور شیطانی خصلت کی نشان دہی کی۔ دشمن نے اس مذموم کارروائی کے ذریعے اپنی رسوائی کا ڈھول پیٹا۔
.ذریعہ: Islam Times
پڑھیں:
جموں وکشمیر دنیا کا سب سے زیادہ عسکری علاقہ بن چکا ہے، الطاف وانی
اقوام متحدہ کی انسانی حقوق کونسل کے 60ویں اجلاس کے موقع پر مکالمے کے دوران گفتگو کرتے ہوئے اان کا کہنا تھا کہ جب تک کشمیری عوام کو ان کا ناقابل تنسیخ حق خودارادیت نہیں دیا جاتا، اس وقت تک ایک جمہوری اور منصفانہ عالمی نظام کے قیام کا عالمی وعدہ پورا نہیں ہو سکتا۔ اسلام ٹائمز۔ انسانی حقوق کے معروف کارکن اور کشمیر انسٹی ٹیوٹ آف انٹرنیشنل ریلیشنز کے چیئرمین الطاف حسین وانی نے کشمیری عوام کو ان کے ناقابل تنسیخ حق خودارادیت سے محروم رکھنے کی بھارت کی پالیسی کی شدید مذمت کی ہے۔ ذرائع کے مطابق الطاف وانی نے اقوام متحدہ کی انسانی حقوق کونسل کے 60ویں اجلاس کے موقع پر "جمہوری اور منصفانہ عالمی نظام کے فروغ" کے موضوع پر ایک آزاد ماہر کے ساتھ باضابطہ مکالمے کے دوران گفتگو کرتے ہوئے کہا کہ اقوام متحدہ کی سلامتی کونسل کی سنجیدہ یقین دہانیوں کے باوجود، بھارت نے کشمیریوں کے ساتھ اپنے وعدوں کو دس لاکھ سے زائد قابض فوجیوں کی تعیناتی، بڑے پیمانے پر نگرانی اور آبادی کے تناسب کو تبدیل کرنے جیسے سنگین اقدامات سے بدل دیا ہے۔ انہوں نے بھارت کے اگست2019ء میں جموں و کشمیر کی خصوصی حیثیت کی منسوخی کے یکطرفہ اورغیر قانونی اقدامات کا حوالہ دیا جن کے تحت جموں و کشمیر کے الحاق اور آبادی کے تناسب کو بگاڑنے کی کوشش کی جا رہی ہے۔ الطاف وانی نے خبردار کیا کہ جموں و کشمیر دنیا کا سب سے زیادہ عسکری علاقہ بن چکا ہے جہاں پرامن اختلافِ رائے کو جرم بنا دیا گیا ہے اور صحافیوں کو غیر قانونی سرگرمیوں کی روک تھام کے ایکٹ جیسے کالے قوانین کے تحت نشانہ بنایا جا رہا ہے۔ انہوں نے انسانی حقوق کونسل پر زور دیا کہ وہ اپنے آئندہ اجلاس سے قبل کشمیر پر ایک خصوصی بین الاجلاسی پینل طلب کرے، جموں و کشمیر میں انسانی حقوق کی پامالیوں کی نگرانی کے لیے اقوام متحدہ کا فیلڈ مشن دوبارہ قائم کرے اور مستقبل کے اقدامات میں کشمیری سول سوسائٹی کے نمائندوں کی شمولیت کو یقینی بنائے۔ انہوں نے زور دیا کہ جب تک کشمیری عوام کو ان کا ناقابل تنسیخ حق خودارادیت نہیں دیا جاتا، اس وقت تک ایک جمہوری اور منصفانہ عالمی نظام کے قیام کا عالمی وعدہ پورا نہیں ہو سکتا۔
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم