مختلف علاقوں میں چھاپوں اور آپریشنز میں 30 ملزمان گرفتار
اشاعت کی تاریخ: 23rd, February 2025 GMT
کراچی (اسٹاف رپورٹر) شہر کے مختلف علاقوں میں پولیس کومبنگ آپریشن اور چھا پوں کے دوران 30ملزمان کو گرفتار کرلیا گیا ،ملزمان کے قبضے سے منشیات ،اسلحہ ،موبائل فون ،موٹر سائیکل اور مسروقہ سامان، بڑی مقدات میں گٹکا اور گٹکا بنانے کا سامان برآمد ہوا۔پولیس نے ملزمان کے خلاف مقدمات درج کرکے تفتیش شروع کردی۔ تفصیلات کے مطابق خواجہ اجمیر نگری میں چھاپے کے دوران عبید عرف گولی اور فرحان عرف ملا گرفتار جبکہ ایک ملزم فرار ہوگیا، بھاری مقدار میں گٹکاماوا اور تیاری کا سامان بھی برآمد ہوا تھانہ بغدادی اور چاکیواڑہ کی حدود سے اسٹریٹ کرائمز کی متعدد وارداتوں میں ملوث 2 ملزمان سجاد عرف ساجد اور عبدالرحمن کو گرفتار کرکے 2 پستول بمعہ گولیاں برآمد کرلیں۔ ملزمان عادی مجرم، اس سے قبل بھی گرفتار ہوکر جیل جا چکے ہیں۔ تھانہ سولجر بازار کے مختلف علاقوں سے پولیس نے ٹریفک روانی میں خلل اور پیشہ ورانہ گداگری کرنے والے6 ملزمان محمد وکیل، عبدالغفار، مینگل خان، سلیمان، اسلام اور عاشق حسین کو گرفتار کر لیا۔ ملزمان کے قبضے سے ایک سوزوکی اور 2 عدد ترازو قبضہ میں لے لیا گیا ہے۔ شریف آباد پولیس نے فیڈرل بی ایریا بلاک ون میں چھاپہ مارکر 2 ملزمان صمد ولد عبدالرزاق اور اسد ولد عبدالرزاق کو گرفتار کر لیا اور بھاری مقدار میں گٹکا اور تیاری کا سامان سمیت مشینیں بھی برآمد کرلیں۔ تھانہ ڈاکس پولیس نے مچھر کالونی میں جرائم پیشہ عناصر کی سرکوبی کیلیے داخلی و خارجی راستے بند کرکے سرچ اینڈ کومبنگ آپریشن کیا اور گھر گھر تلاشی لی گئی۔
، اس موقع پر 2 جرائم پیشہ عناصر سمیت 6 مشتبہ گان کو بھی حراست میں لیا گیا۔ دوران آپریشن سلمان خان نامی مطلوب اسٹریٹ کریمنل کو غیرقانونی پستول سمیت گرفتار کیا گیاجبکہ گٹکا فروشی میں ملوث اصغر علی نامی ملزم کو گرفتار کرکے 40 پڑیاں گٹکا برآمد کیا گیا۔ 6 مشتبہ افراد کو تفتیش کے بعد رہا کردیا گیا۔ جمشید ڈویژن پولیس نے کارروائی کر کے منشیات فروشی میں ملوث2 ملزمان حماس عرف گٹو ولد ذاکر اور عبد العزیز ولد مشتاق کو گرفتار کرکے قبضے سے ڈیڑھ کلو سے زاید اعلیٰ کوالٹی کی چرس اور فروختگی کی رقم برآمد کرلی تھانہ بلدیہ ٹاؤن پولیس نے بلدیہ کوہاٹی محلہ میں کارروائی کر کے منشیات فروشی میں ملوث اشتہاری ملزم عدنان کو ساتھی تنویر سمیت گرفتار کر لیا اور قبضے سے 240 گرام چرس برآمد کرلی۔ تھانہ کلری، عیدگاہ، کلاکوٹ، چاکیواڑہ اور نیپئر کی حدود سے 3 گٹکا سپلائرز سمیت 4 منشیات و شراب فروش گرفتار کرلیے، ملزمان کی شناخت عامر عرف کپی عرف پوڈری، اکبر، صدراللہ، عبداللہ، کامران، ونود اور اکبر خان کے ناموں سے ہوئی ہے، ملزمان سے 10 کلو گٹکا، 32 گرام کرسٹل اور 8 شراب کی بوتلیں برآمدہوئیں، ملزمان کے خلاف متعلقہ تھانہ جات میں مقدمات درج ہیں، ملزمان کو مزید قانونی کاروائی کیلیے انویسٹیگیشن حکام کے حوالے کیا جا رہا ہے۔
ذریعہ: Jasarat News
کلیدی لفظ: کو گرفتار کر ملزمان کے پولیس نے
پڑھیں:
محمکہ موسمیات نے ملک کے مختلف علاقوں میں بارش اور برفباری کی نوید سنا دی
محکمہ موسمیات کے مطابق منگل کے روز ملک کے بالائی علاقوں میں تیز ہواؤں، آندھی اور گرج چمک کے ساتھ بارش اور پہاڑوں پر برفباری کا امکان ہے۔
محکمہ نے مسافروں اور سیاحوں کو ہدایت کی ہے کہ وہ موسمی حالات کے مطابق، خصوصاً پہاڑی علاقوں میں، اپنے سفر کا مناسب بندوبست کریں کیونکہ آندھی، جھکڑ اور ژالہ باری کے باعث کمزور انفرا اسٹرکچر کو نقصان پہنچنے کا خدشہ ہے۔
بالائی خیبرپختونخوا، شمال مشرقی پنجاب، خطۂ پوٹھوہار، اسلام آباد، گلگت بلتستان اور کشمیر میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور برفباری متوقع ہے۔ چند مقامات پر ژالہ باری کا بھی امکان ظاہر کیا گیا ہے۔
مزید پڑھیں: ملک بھر میں موسم خشک، پنجاب کے کئی علاقے اسموگ کی لپیٹ میں رہنے کا امکان
دوسری جانب، ملک کے وسطی اور جنوبی علاقوں میں موسم خشک رہنے کا امکان ہے، جبکہ پنجاب کے کئی اضلاع میں اسموگ برقرار ہے۔
گزشتہ 24 گھنٹوں کے دوران بیشتر علاقوں میں موسم خشک اور پہاڑی علاقوں میں سرد رہا۔ مٹھی میں سب سے زیادہ 22 ملی میٹر بارش ریکارڈ کی گئی۔
آج ریکارڈ کیے گئے کم سے کم درجہ حرارت میں لیہہ منفی 3، اسکردو منفی 2، جبکہ بابوسر اور زیارت میں صفر ڈگری سینٹی گریڈ ریکارڈ کیا گیا۔
اسلام آباد اور گردونواح میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش کی توقع ہے، جبکہ چند مقامات پر ژالہ باری بھی ہو سکتی ہے۔
مزید پڑھیں: کوئٹہ میں سردیوں کی آمد، موسم کے ساتھ ساتھ لوگوں کے مزاج بھی بدلنے لگے
بالائی خیبرپختونخوا کے اضلاع بشمول چترال، دیر، سوات، کوہستان، مالم جبہ، کالام، ایبٹ آباد، مانسہرہ، ہری پور، بٹگرام، پشاور، مردان، نوشہرہ، چارسدہ، کرم اور وزیرستان میں بھی بارش اور برفباری کی پیشگوئی کی گئی ہے۔
گلگت بلتستان اور کشمیر میں مطلع ابر آلود رہنے کے ساتھ بارش اور پہاڑوں پر برفباری کا امکان ہے، جبکہ پنجاب کے شمالی اضلاع راولپنڈی، جہلم، گوجرانوالہ، سیالکوٹ، لاہور اور گردونواح میں بھی بارش اور ژالہ باری کی پیشگوئی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آندھی اور گرج چمک بارش برفباری محکمہ موسمیات موسم
پشاور میں ہسپانوی ثقافت کی جھلک، فلیمنکو رقص نے سماں باندھ دیا