آئی ایم ایف کی قسط لینا آسان، ٹیم کا اگلے مرحلے میں جانا مشکل ہوگیا، گورنر سندھ
اشاعت کی تاریخ: 23rd, February 2025 GMT
کراچی:
چیمپیئنز ٹرافی میں کرکٹ ٹیم کی مایوس کن کارکردگی سے شائقین کی طرح گورنر سندھ کا بھی دل ٹوٹ گیا، انہوں نے قومی ٹیم کی چیمپیئنز ٹرافی کے اگلے مرحلے میں رسائی کو آئی ایم ایف سے قرض کی قسط لینے سے بھی مشکل قرار دے دیا۔
چیمپیئنز ٹرافی کے انتہائی اہم میچ میں بھارت کے ہاتھوں قومی کرکٹ ٹیم کی شکست پر دل گرفتہ ہوکرگورنر سندھ کامران ٹیسوری نے کہا کہ آئی ایم ایف کی قسط لینا آسان، ٹیم کا اگلے مرحلہ میں جانا مشکل ہوگیا۔
گورنر سندھ کا کہنا تھا کہ بیٹنگ لائن لڑ کھڑائی، بالر کپکپائے، یہ دیکھ کر سارہ مزہ کر کرا ہوگیا، انہوں نے کہا کہ چیئرمین پی سی بی نے جیسے اسٹیڈیم بنائے ویسی ٹیم بھی بناتے۔
گورنر سندھ کا کہنا تھا کہ بہترین صلاحیتوں کے حامل بلےبازوں اور جان لڑانے والے فیلڈرز کی ضرورت ہے، ایک بار اعلی ترین معیار اپنا کر ٹیم بنالی تو شائقین کبھی مایوس نہیں ہوں گے۔
انہوں نے کہا کہ بہت خوشی ہوتی اگر ٹیم میچ جیتتی تو ایک کروڑ روپے انعام دیتا، گورنر ہاؤس میں جیسے ارشدندیم پر انعامات کی بارش ہوئی، وہ تاریخ دہراتا۔
.ذریعہ: Express News
کلیدی لفظ: گورنر سندھ کا
پڑھیں:
گرین لائن منصوبے کی بندش سے یومیہ2کروڑکا نقصان
عوامی مفاد میں جاری ترقیاتی منصوبے مقررہ وقت پر مکمل کیے جائیں،گورنر سندھ
منصوبوں میں کسی قسم کی کوتاہی یا غفلت برداشت نہیں کی جائے گی،اجلاس سے خطاب
گورنر سندھ کو دی گئی ایک بریفنگ میں انکشاف ہوا ہے کہ کراچی میں گرین لائن منصوبے کی توسیع کے کام کی بندش کی وجہ سے روزانہ 2 کروڑ روپے کا نقصان ہو رہا ہے۔گورنر سندھ کامران ٹیسوری کی زیرِ صدارت وفاقی کمپنی پاکستان انفراسٹرکچر ڈیولپمنٹ کمپنی لمیٹڈ کا ایک اجلاس منعقد ہوا، جس میں جنرل منیجر انجینئرنگ اور دیگر افسران نے جاری منصوبوں پر بریفنگ دی۔بریفنگ میں گرین لائن منصوبے کی تکمیل میں تاخیر کی وجہ سے حکومت کو ہونے والے نقصانات کے بارے میں بتایا گیا، جس پر گورنر سندھ نے پی آئی ڈی سی ایل کے ترقیاتی منصوبوں میں تاخیر کا نوٹس لیا۔بریفنگ میں بتایا گیا کہ مختلف منصوبوں پر بار بار ٹینڈر کرنے کی وجہ سے تاخیر ہو رہی ہے، گورنر سندھ نے منصوبوں کی تکمیل میں تاخیر پر برہمی کا اظہار کیا اور مکمل اور زیرِ تعمیر منصوبوں کی تفصیلی رپورٹ طلب کی، اور ہدایت کی کہ منصوبوں کی تکمیل میں حائل وجوہ اور رکاوٹیں فوری طور پر دور کی جائیں۔انھوں نے کہا عوامی مفاد میں جاری تمام ترقیاتی منصوبے مقررہ وقت پر مکمل کیے جائیں، ان منصوبوں میں کسی قسم کی کوتاہی یا غفلت برداشت نہیں کی جائے گی۔ گورنر سندھ نے پی آئی ڈی سی ایل حکام کو شفافیت، معیار اور رفتار یقینی بنانے کی ہدایت بھی کی۔
معاشی طور پر کمزور طبقات کو ریلیف فراہم کرنا ہماری اولین ترجیحات میں شامل ہے، بلال اظہر کیانی