ماہ صیام کی آمد آمد ہے، اس کے لیے ہمیشہ کی طرح لوگوں کا جوش وخروش عروج پر ہے۔ مسلمان اس مقدس مہینے کا پورا سال انتظار کرتے ہیں۔ اس کے ساتھ ساتھ ہر رمضان المبارک میں یہ سوال درپیش ہوتا ہے کہ کھانے پینے میں ایسی کیا راہ اختیار کی جائے، جس سے سہولت حاصل اور توانائی برقرار رہے۔ یہ وہ مہینا ہے جو ہمیں اللہ کے ساتھ مضبوط تعلق قائم کرنے کا موقع دیتا ہے اور ہم اس سے اپنی برکتیں مانگ سکتے ہیں۔
روزوں کے بھرپور اہتمام کے دوران آپ کو رمضان کے دوران مختلف غذائیت بخش غذاؤں کی ضرورت ہوتی ہے، جو آپ کو توانائی دیں اور اسی توانائی کو افطار تک برقرار رکھ سکیں۔ ہم سَحری میں صحت مند غذا کو وزن کم کرنے کے لیے بھی استعمال کر سکتے ہیں۔ ہم یہ کہہ سکتے ہیں کہ رمضان ہمیں وزن کم کرنے کا موقع بھی دیتا ہے۔ سَحری کے کھانے میں کھجوروں کا استعمال ضرور کریں۔ ساتھ ہی تلی ہوئی چیزوں کے بہ جائے اپنی غذا کو پھلوں اور سبزیوں سے متوازن کریں، سلاد ضرور لیں۔ یہ غذائیت، آئرن، وٹامن، میگنیشیم، زنک، فولک ایسڈ وغیرہ سے بھرپور ہیں۔
آپ پھلوں اور سبزیوں کی مکس سلاد بھی بنا سکتی ہیں، جو آپ کو پورے دن کے لیے توانائی فراہم کرے گی۔ سورج کی گرمی آپ کو تھکاوٹ کا شکار کر سکتی ہے اگر آپ وٹامنز کی مقدار کا خیال نہیں رکھیں گے۔ جو لوگ کولیسٹرول کی زیادتی کا شکار نہیں، وہ رمضان میںپراٹھا اپنی غذا میں شامل کر سکتے ہیں۔ مکمل گندم کے آٹے کا پراٹھا فائبر سے بھرپور ہوتا ہے۔ ہم اسے دل کے لیے صحت بخش غذا کہہ سکتے ہیں، کیوں کہ اس میں فائبر، پروٹین، آئرن، میگنیشیم وغیرہ بھی شامل ہوتے ہیں۔
کیلے پوٹاشیم، وٹامن سی اور میگنیشیم سے بھرپور ہوتے ہیں، جو جسم کی توانائی کو بڑھانے میں مدد دیتے ہیں۔ رمضان میں آنتوں کی صحت بہت ضروری ہوتی ہے، ورنہ تھکان ہونے لگتیہے۔ کیلا آپ کے جسم کو حل پذیر اور غیر حل پذیر فائبر فراہم کرتا ہے تاکہ آپ کی آنتیں صحت مند رہیں۔
قدرت کی نعمتوں کا لطف اٹھائیں۔ خشک میوہ جات ایک نعمت ہیں، جو بہت کم مقدار میں بھی شاندار فوائد فراہم کرتے ہیں۔ موسم اجازت دے تو خشک میوہ جات کو گرم دودھ کے ساتھ نوش فرمائیں، یہ ایک بہترین امتزاج ہوگا اور آپ کو تھکاوٹ سے نجات دے گا۔ انڈے دنیا کے سب سے پروٹین سے بھرپور غذاؤں میں شامل ہے۔ آپ انڈے کا آملیٹ بنا سکتی ہیں، جس میں سبزیاں بھی شامل کر سکتے ہیں۔ ابلے ہوئے انڈے اور سلاد بھی آپ کی توانائی کو بڑھانے کا بہترین طریقہ ہیں۔ انڈے آپ کی بھوک کو پورا کرتے ہیں اور آپ کو پورے دن کے لیے بھرے رہنے کا احساس دیتے ہیں۔
رمضان المبارک میں عموماً ہمیں افطار میں تلی ہوئی خوراک اور سوڈا مشروبات پسند ہوتے ہیں، یہ ہمارے جسم پر منفی اثرات مرتب کرتے ہیں۔ ہم روزہ کھولنے کے لیے کھجوریں کھاتے ہیں، لیکن اس کے ساتھ سلاد جسم میں شکر کی سطح کو متوازن رکھ سکتا ہے۔ آپ اپنی افطار کی میز پر کچھ مزے دار کھانے ضرور شامل کر سکتے ہیں، جن میں سبزیاں اور گوشت شامل ہو۔ پالک آئرن سے بھرپور ہوتا ہے اور اگر کوئی شخص توانائی میں اضافے کا خواہش مند ہے تو یہ ضروری ہے کہ وہ اپنے کھانے میں پالک استعمال کرے۔ جسم میں آئرن کی کمی دماغ میں آکسیجن کے بہاؤ کو کم کر دیتی ہے اور انسان تھکاوٹ محسوس کرتا ہے۔ توانائی کی کمی سے بچنے کے لیے کھانے میں کچھ پالک شامل کریں۔
آدھی پیالی چنے کھانے سے جسم کو 15 گرام پروٹین کے ساتھ ساتھ فیٹس بھی ملتی ہیں جو کہ دل کی صحت کے لیے اہم ہیں۔ چنے کو سلاد میں شامل کیا جا سکتا ہے اور بھوننے کے بعد توس کی جگہ بھی لے سکتے ہیں۔ لیموں، پانی اور پودینے کے پتوں سے مشروب بہت مفید ہے، جسے افطار کے دوران پیا جا سکتا ہے۔ یہ وٹامن سی اور فائبر سے بھرپور مشروب ہے اور آپ اس مرکب میں ایک چمچا شہد بھی شامل کر سکتے ہیں۔ اس مشروب کا ایک گلاس دن بھر کے روزے کے بعد آپ کو صحت یابی اور توانائی دینے کے لیے کافی ہے۔ آپ 10 سے 12 بادام ایک پیالی پانی میں رات بھر بھگو دیں، سَحری میں بادام چھیل لیں۔ اس کے بعد دودھ کو بھگوئے ہوئے بادام، ایک چمچا شہد، اور الائچی کے ساتھ ملالیں۔ یہ مشروب غذائی فوائد سے بھرپور ہے، جو آپ کو اگلے دن روزہ رکھنے کے لیے درکار توانائی فراہم کرتا ہے۔
.ذریعہ: Express News
کلیدی لفظ: شامل کر سکتے ہیں سے بھرپور کرتے ہیں کے ساتھ ہے اور کے لیے
پڑھیں:
مہنگائی، شرحِ سود، توانائی کے نرخوں میں کمی خوش آئند ہے: جام کمال
اسلام آباد (ڈیلی پاکستان آن لائن )وفاقی وزیرِ تجارت جام کمال نے کہا ہے کہ پاکستان میں مہنگائی، شرحِ سود اور توانائی کے نرخوں میں کمی خوش آئند ہے۔
روز نامہ جنگ کے مطابق وفاقی وزیرِ تجارت جام کمال سے کرغیزستان کے سفیر نے ملاقات کی ہے جس میں دو طرفہ تجارت اور علاقائی روابط پر تبادلہ خیال کیا گیا۔اس موقع پر پاکستان اور کرغیزستان کے درمیان اقتصادی شراکت داری بڑھانے پر اتفاق ہوا۔
کرغیزستان کے سفیر نے کہا کہ پاکستان کی جغرافیائی حیثیت خطے میں تجارت کے لئے اہم ہے، کرغیزستان کا بڑا تجارتی وفد جلد پاکستان کا دورہ کرے گا۔
اس موقع پر دونوں ممالک کے درمیان نئے تجارتی راستوں پر بات چیت ہوئی۔
وزیر اعلیٰ کے معاون خصوصی کا " بھیس بدل کر" جنرل ہسپتال لاہور کا دورہ، مریضوں سے کیا کچھ پوچھا ۔۔؟ ویڈیو دیکھیں
مزید :
پشاور میں سماعت سے محروم بچوں کیلئے کوکلیئر امپلانٹ پروگرام کا آغاز