آر ایس پی این کے زیر انتظام مقامی ترقی اور مواقع اجاگر کرنے کے لیے سالانہ کمیونٹی کنونشن کا انعقاد
اشاعت کی تاریخ: 27th, February 2025 GMT
آر ایس پی این کے زیر انتظام مقامی ترقی اور مواقع اجاگر کرنے کے لیے سالانہ کمیونٹی کنونشن کا انعقاد WhatsAppFacebookTwitter 0 27 February, 2025 سب نیوز
اسلام آباد(سب نیوز )رورل سپورٹ پروگرامز نیٹ ورک کے تحت سالانہ کمیونٹی کنونشن 2025 منعقد کیاگیاجس کا موضوع نوجوانوں کو بااختیار بنانا، موسمیاتی تبدیلیوں سے نبرد آزما ہونے کی مزاحمت اور صحت مند خاندانوں کی تشکیل تھا۔گزشتہ روز یہاں منعقدہ اس سالانہ تقریب میں ملک بھر سے ان کمیونٹیز کو اکٹھا کیا جاتا ہے جو دیہات میں نمایاں کام کر رہی ہیں اور دیہی ترقیاتی اداروں کے نیٹ ورک ساتھ مل کر مقامی لوگوں کی زندگی میں تبدیلی لا رہی ہیں۔
کمیونٹی کنونشن کا افتتاح کرتے ہوے چیف ایگزیکٹو آفیسر آر ایس پی این، شندانہ خان نے کمیونٹی ممبران، خاص طور پر خواتین اور نوجوانوں کی ان کامیاب کوششوں کو سراہا جو انہوں نے گھرانوں کی سطح پر غربت کم کرنے اور مقامی کمیونٹیز کو بااختیار بنانے کے لیے کی ہیں۔
چیئر مین رورل سپورٹ پروگرامز نیٹ ورک شعیب سلطان خان (نشان امتیاز)نے دیہی ترقی کی تنظیموں میں اپنی 43 سالہ جدوجہد کا ذکر کرتے ہویے پرنس کریم آغا خان چہارم کی خدمات کو خراج تحسین پیش کیا اور بتایا کہ آغا خان مرحوم کی سرپرستی میں پاکستان میں پہلی بار آغا خان رورل سپورٹ پروگرام کا آغاز ہوا اور بعد میں اسی طرز پر دیگر تنظیمیں بھی قایم کی گییں۔ اگر پرنس آغا خان کی سرپرستی نہ ہوتی، تو مقامی تنظیموں کی جانب سے کیے جانے والے ترقیاتی کاموں کی کامیابی کا جشن منانا ممکن نہ ہوتا۔
ڈپٹی ڈایریکٹر، محکمہ امورِ نوجوانان، حکومت سندھ سید محمد حبیب اللہ نے بھی خطاب کیا اور سندھ حکومت کی جانب سے نوجوانوں کو تعلیم، روزگار اور مہارتوں کے فروغ کے ذریعے بااختیار بنانے کے عزم پر بات کی۔ انہوں نے کہا کہ یہ ایک نعمت ہے کہ ہمارے پاس نوجوانوں کی ایک بڑی تعداد موجود ہے، لیکن ہمیں ان کے لیے سماجی و اقتصادی معاونت کے نیٹ ورکس کو متحرک کرنا ہوگا، کیونکہ یہ ہمارے قومی مستقبل کے لیے ضروری ہے۔
این آر ایس پی کے چیف ایگزیکٹیو آفیسر راشد باجوہ نے کہا کہ انکا ادارہ مقامی دیہی تنظیموں کی مالی و تکنیکی امداد جاری رکھے گا تاکہ مقامی سطح پر لوگوں کا معیار زندگی مسلسل بہتر بنایا جا سکے۔اس موقع پر، کمیونٹی ممبران نے اپنی قیمتی آرا کا اظہار کیا اور موسمیاتی مزاحمت، نوجوانوں کو بااختیار بنانے اور خاندانی منصوبہ بندی جیسے کلیدی موضوعات پر درپیش چیلنجز سے نمٹنے کے لیے ضروری اقدامات اور اپنی تنظیموں کی جانب سے کیے جانے والی کوششوں کو اجاگر کیا۔
اس موقع پر سندھ، بلوچستان، خیبر پختون خواہ، اور گلگت بلتستان سے آیی ہویی مقامی تنظیموں کی خواتین و نوجوان نمایندگان نے اپنے اپنے تجربات شییر کیے جبکہ ماہرین اور کمیونٹی رہنماوں نے مقامی سطح پر درپیش بڑے چلینجز بشمول موسمیاتی تبدیلیوں اور بڑھتی ہو ابادی پر کنٹرول کرنے جیسے چیلنجز پر قابو پانے اور پاییدار حل کے طریقوں پر روشنی ڈالی۔تقریب میں ڈول سوسایٹی، میڈیا اور اقوام متحدہ کے نمایندگان نے بھی خطاب کیا۔
.ذریعہ: Daily Sub News
کلیدی لفظ: کمیونٹی کنونشن آر ایس پی کے لیے
پڑھیں:
امریکا کے ساتھ غیر ٹیرف رکاوٹوں کو ختم کرنے پر بات چیت جاری ہے:وفاقی وزیرخزانہ
واشنگٹن (ڈیلی پاکستان آن لائن )وفاقی وزیرخزانہ محمد اورنگزیب نے کہا ہے کہ ہم امریکا کے ساتھ بڑے پیمانے پر معاشی روابط بڑھانا چاہتے ہیں، اس سلسلے میں جلد ہی ایک سرکاری وفد امریکا آئے گا۔
ڈان نیوز کے مطابق عالمی جریدے بلوم برگ کو انٹرویو دیتے ہوئے وزیرخزانہ محمد اورنگزیب نے کہا کہ ہم امریکا کے ساتھ بڑے پیمانے پر معاشی روابط بڑھانے کے خواہش مند ہیں، اس سلسلے میں جلد ہی ایک سرکاری وفد امریکا آئے گا، ہم تعمیری انداز میں آگے بڑھیں گے۔
وزیرخزانہ نے کہا کہ امریکا کے ساتھ غیر ٹیرف رکاوٹوں کو ختم کرنے پر بھی بات چیت جاری ہے تاکہ امریکی مصنوعات کے لئے پاکستانی منڈیوں کے دروازے کھل سکیں، انہوں نے کہا کہ امریکی مصنوعات پر پاکستان میں کوئی غیر ضروری جانچ پڑتال یا رکاوٹیں ہیں تو اس کا جائزہ لینے کو تیار ہیں۔
محمد اورنگزیب نے انٹرویو میں کہا کہ پاکستان میں امریکی فرموں کی سرمایہ کاری کو خوش آمدید کہیں گے،خصوصی طور پر کان کنی اور معدنیات کے نئے شعبوں میں امریکی سرمایہ کاری کی حوصلہ افزائی کریں گے۔
وفاقی وزیر خزانہ نے کہا کہ پاکستان امریکا سے مزید کپاس اور سویا بین خریدنے کا خواہش مند ہے۔
وزیرخزانہ کا کہنا تھا کہ پاکستان معیشت کو پائیدار ترقی کی راہ پر ڈالنے کا خواہشمند ہے، ترقی کے سفر میں سرمائے کے حصول کے لئے عالمی مالیاتی منڈیوں سے رجوع کریں گے۔
وزیر خزانہ نے مزید کہا کہ پاکستان کو معاشی اتار چڑھاو¿ کے چکر سے نکالنا ہمارا نصب العین ہے اور حکومت پاکستان کو مستحکم ترقی کے سفر پر گامزن کرنے کے لئے پرعزم ہے۔
اداکارہ عفت عمر نے پنجاب حکومت کا عہدہ لینے سے معذرت کرلی
مزید :
بجلی صارفین کے لیے اچھی خبر؛ 4 پاور پلانٹس ٹیرف کمی پر رضامند