لاہور: رمضان سے قبل پھلوں و سبزیوں کی نئی قیمت سامنے آ گئی
اشاعت کی تاریخ: 1st, March 2025 GMT
لاہور میں ماہ صیام سے پہلے شہریوں کے لیے دستیاب پھل اور سبزیوں کی قیمتیں سامنے آ گئیں۔
لاہور شہر میں شہریوں کے لیے خربوزہ 150 روپے کلو، کیلے ڈیڑھ سو سے 300 روپے فی درجن دستیاب ہیں، اسی طرح اسٹرابری 400 روپے، سیب 350 روپے، کینو 300 روپے، امرود 300 روپے فی کلو میں شہری حاصل کر سکتے ہیں۔
دیگر پھلوں میں موسمبی 300 روپے، پپیتا 300 روپے، انگور 600 روپے اور انار 600 روپے فی کلو میں دستیاب ہیں
روز مرہ کے استعمال میں آنے والی سبزیاں ٹماٹر 100 روپے، پیاز 100 روپے، آلو 60 روپے سے 80 روپے فی کلو میں دستیاب ہیں۔
جبکہ لہسن 650 روپے، ادرک 560 روپے فی کلو میں مل رہی ہیں، اسی طرح گاجر 40 روپے، شملہ مرچ 100 روپے، بینگن 100 روپے، بھنڈی 200 روپے کلو میں دستیاب ہے
.ذریعہ: Nawaiwaqt
کلیدی لفظ: روپے فی کلو میں
پڑھیں:
ٹماٹر کی قیمتیں آسمان سے باتیں کرنے لگیں
اسلام آباد (وقائع نگار) ملک بھر میں ٹماٹر کی قیمتوں میں ایک بار پھر ہوشربا اضافہ ریکارڈ کیا گیا ہے، جس نے شہریوں کو شدید پریشانی میں مبتلا کر دیا ہے۔ مختلف شہروں میں ٹماٹر کی فی کلو قیمت 120 روپے سے بڑھ کر 180 روپے تک جا پہنچی ہے۔
مارکیٹ ذرائع کے مطابق ایرانی ٹماٹر کی قیمت میں نمایاں اضافہ دیکھنے میں آیا ہے۔ 9 کلو وزن کے نارمل کوالٹی ٹماٹر کی قیمت 600 سے 750 روپے، درمیانی کوالٹی کی 800 سے 950 روپے، جبکہ سپیشل کوالٹی کی 1000 سے 1250 روپے تک جا پہنچی ہے۔
اسی طرح سندھ کے ٹماٹر (10 کلو وزن) 900 سے 1400 روپے میں فروخت ہو رہے ہیں، جبکہ سوات اور دیر کے ٹماٹر (14 سے 16 کلو وزن) کی نارمل کوالٹی 1500 سے 2000 روپے اور سپیشل کوالٹی 2000 سے 2800 روپے تک دستیاب ہے۔
مارکیٹ میں 5 کلو وزن والے ٹماٹر کے نرخ بھی کم نہیں رہے۔ نارمل کوالٹی 600 سے 700 روپے، سپیشل کوالٹی 750 سے 850 روپے جبکہ بعض جگہوں پر 900 روپے تک فروخت ہو رہے ہیں۔
تاجروں کا کہنا ہے کہ ملک میں مقامی فصل کم اور درآمدی ٹماٹر پر انحصار بڑھنے سے قیمتوں میں مسلسل اضافہ ہو رہا ہے۔ شہریوں نے حکومت سے مطالبہ کیا ہے کہ وہ ٹماٹر کی درآمد اور ترسیل کے نظام کو بہتر بناتے ہوئے قیمتوں کو کنٹرول میں لانے کے لیے فوری اقدامات کرے۔
کیریبین جزائر میں رواں سال کا طاقتور ترین طوفان داخل، 3 افراد ہلاک