وادیٔ نیلم: آٹھ مقام میں مطلع صاف، بالائی علاقوں میں سردی کی شدت برقرار
اشاعت کی تاریخ: 2nd, March 2025 GMT
— فائل فوٹو
وادیٔ نیلم کی تحصیل آٹھ مقام میں مطلع صاف ہے لیکن بالائی علاقوں میں سردی کی شدت برقرار ہے۔
آٹھ مقام میں سڑکوں پر جمی برف کے باعث ہلمت، تاوبٹ، گریس سمیت متعدد علاقوں کی سڑکیں بند ہیں۔
یہ بھی پڑھیے خیبر پختون خوا: بارشوں سے تباہی، 2 افراد جاں بحقآٹھ مقام میں بجلی اور انٹرنیٹ سروسز بھی متاثر ہیں اور انفرا اسٹرکچر کی بحالی میں سست روی سے شہری پریشان ہیں۔
محکمۂ موسمیات کے مطابق بالائی علاقوں میں 2 تا 4 مارچ بارش اور برفباری کا امکان ہے۔
.ذریعہ: Jang News
پڑھیں:
تعلیمی اداروں میں اسکاؤٹ یونٹ کا قیام لازمی قراردیا جائے، جسٹس ظفر راجپوت
قائم مقام چیف جسٹس سندھ ہائیکورٹ جسٹس ظفر احمد راجپوت نے کہا ہے کہ سند بھر کے تعلیمی اداروں میں اسکاؤٹ یونٹ کا قیام لازمی قرار دیا جائے تاکہ ہم مستقبل کے لیے اچھے معمار تیار کر سکیں۔
وہ سندھ بوائے اسکاؤٹس ایسوسی ایشن کے زیر اہتمام اسکاؤٹس آڈیٹوریم میں جشن آزادی کی تقریبات کے افتتاح کے موقع پر منعقدہ اسکارف ڈے کی تقریب سے بحیثیت مہمان خصوصی خطاب کر رہے تھے۔
تقریب سے صوبائی کمشنر جسٹس ریٹائرڈ حسن فیروز اور صوبائی سیکرٹری سید اختر میر نے بھی خطاب کیا۔ اس موقع پر ڈی جی کالجز پروفیسر نوید رب، انٹر میڈیٹ بورڈ کراچی کے سابق ناظم امتحانات عمران چشتی، انور علی بھٹی اور دیگر بھی موجود تھے۔
قائم مقام چیف جسٹس نے مزید کہا کہ اسکاؤٹس مستقبل کے معمار ہیں، انہیں چاہیے کہ اچھے معاشرے کی تشکیل کے لئے بنیان المرصوص کو مشعل راہ بنائیں تاکہ قوم ایک سیسہ پلائی ہوئی دیوار کی طرح معرکہ حق کیلئے متحد ہو جائے۔
انھوں نے مزید کہا کہ اسکاؤٹس معاشرے میں خاموش رہ کر جو خدمات انجام دے رہے ہیں، میری خواہش ہے کہ ایک دن ضرور انہیں اس کا صلہ ملے گا۔
صوبائی اسکاؤٹ کمشنر جسٹس (ر) حسن فیروز کا کہنا تھا کہ آج سے ملک بھر میں معرکہ حق جشن آزادی تقریبات کا آغاز کیا جا رہا ہے۔اس سلسلے میں سندھ بوائےاسکاؤٹس ایسوسی ایشن نے ورلڈ اسکارف ڈے منا کر جشن آزادی کی تقریبات کا آغاز کیا ہے جو خوش آئند بات ہے۔
اسکاؤٹس تحریک سے وابستہ نوجوان مستقبل کے معمار ہیں وقت پڑنے پر یہ نوجوان وطن کی حفاظت کے لیے سیسہ پلائی ہوئی دیوار ثابت ہوسکتے ہیں۔
صوبائی اسکاؤٹس سیکریٹری سید اختر میر نے استقبالیہ کلمات ادا کرتے ہوئے اسکاؤٹ اسکارف کی تاریخ پر روشنی ڈالی اور کہا کہ نوجوانوں کو با کردار بنانا اور مفید ہونا بہت ضروری ہے جو اسکاؤٹ تحریک کی تربیت کے ذریعہ ہی ممکن ہے۔
تقریب میں مہمان خصوصی سندھ ہائی کورٹ کے قائم مقام چیف جسٹس ظفر احمد راجپوت کو صوبائی اسکاؤٹ کمشنر جسٹس (ر) حسن فیروز اور صوبائی سیکریٹری سید اختر میر نے اسکارف پہنایا اور انہیں شیلڈ پیش کی۔
اس موقع پر قائم مقام چیف جسٹس نے جسٹس (ر) شاہنواز طارق کو اسکارف پہنایا، تقریب میں اسکاؤٹ وعدہ دہرانے کے ساتھ ساتھ ملی نغمات بھی پیش کیے گئے۔
واضح رہے کہ سندھ بوائے اسکاؤٹس ایسوسی ایشن کے زیر اہتمام 14 روزہ معرکہ حق جشن آزادی تقریبات کےسلسلے کی یہ پہلی کڑی تھی۔
راولپنڈی میں غیرت کے نام پر قتل کے پیچھے جرگے کا اندھا انصاف بے نقاب