کیا تمنا بھاٹیا اور وجے ورما کی جوڑی بھی ٹوٹ گئی؟
اشاعت کی تاریخ: 5th, March 2025 GMT
بالی ووڈ میں ان دنوں مشہور جوڑیوں کے درمیان طلاق اور علیحدگی کی خبریں سامنے آرہی ہیںِ، ایسے میں بالی ووڈ کی ایک اور جوڑی تمنا بھاٹیا اور وجے ورما کے درمیان بریک اپ کی افواہیں نے مداحوں کو تشویش میں مبتلا کردیا ہے۔
دونوں اداکاروں نے حال ہی میں اپنے انسٹاگرام اکاؤنٹس سے ایک دوسرے کے ساتھ شیئر کی گئی تصاویر کو ڈیلیٹ کر دیا ہے، جس نے مداحوں میں تشویش پیدا کردی ہے۔ کیا یہ جوڑی واقعی ایک دوسرے سے الگ ہوگئی ہے؟
تمنا بھاٹیا اور وجے ورما کی محبت کی کہانی بالی ووڈ کی سب سے پیاری کہانیوں میں سے ایک تھی۔ دونوں نے 2023 میں ریلیز ہونے والی فلم ’لسٹ اسٹوری 2‘ میں ایک ساتھ کام کیا تھا، جس کے بعد ان کی کیمسٹری نے نہ صرف پردے پر بلکہ حقیقی زندگی میں بھی سب کو متاثر کیا۔ دونوں کی بڑھتی قربتیں افیئر کی خبروں کو ہوا دیتی رہیں، اور ان کی جوڑی کو مداحوں کی بے پناہ محبت ملی۔
تاہم اب بھارتی میڈیا رپورٹس کے مطابق تمنا اور وجے نے چند ہفتے قبل ہی اپنے تعلقات کو ختم کردیا ہے۔ دونوں نے اپنے انسٹاگرام اکاؤنٹس سے ایک دوسرے کے ساتھ لی گئی تصاویر کو ڈیلیٹ کردیا ہے، اور اب صرف پروموشنل یا خاص ایونٹس کی ہی چند تصاویر باقی ہیں۔
ماضی میں دیے گئے ایک انٹرویو میں وجے ورما نے کہا تھا کہ وہ اپنے تعلقات کو چھپانے کے بجائے نجی رکھنا پسند کرتے ہیں۔ انہوں نے کہا تھا، ’’کسی تعلق کو راز میں رکھنا غیر ضروری دباؤ ڈالنے کے مترادف ہے۔‘‘ وجے نے یہ بھی کہا تھا کہ وہ اور تمنا دونوں ایک ہی صفحے پر ہیں، اور وہ اس بات پر یقین رکھتے ہیں کہ ان کا تعلق ایسا ہے جسے سیلیبریٹ کرنا چاہیے۔
تمنا بھاٹیا نے بھی ایک انٹرویو میں اپنے تعلقات پر کھل کر بات کی تھی۔ انہوں نے کہا تھا کہ وجے کی ایمانداری اور سچ گوئی نے انہیں اپنے جذبات سمجھنے میں مدد کی۔ تمنا نے کہا تھا، ’’وجے میری زندگی میں خوشی کا بڑا ذریعہ بنے ہیں، اور وہ ہمیشہ میرے لیے سکون کا باعث رہے ہیں۔‘‘
اگرچہ دونوں نے اپنے تعلقات کو ختم کرنے کا فیصلہ کیا ہے، لیکن وہ ایک دوسرے کےلیے عزت و محبت کا جذبہ رکھتے ہیں۔ رپورٹس کے مطابق، دونوں اچھے دوست رہنے کا ارادہ رکھتے ہیں اور اپنے کیریئر اور ذاتی ترقی پر توجہ مرکوز کرنے کا فیصلہ کرچکے ہیں۔
اسٹار جوڑی کے چاہنے والے اس بریک اپ کو قبول کرنے سے انکاری ہیں۔ کچھ مداحوں کو امید ہے کہ یہ خبر جھوٹی ہوسکتی ہے، یا شاید دونوں کے درمیان معمولی لڑائی ہوئی ہو جو جلد ٹھیک ہوجائے گی۔ واضح رہے کہ اگرچہ دونوں نے انسٹاگرام سے تصاویر ڈیلیٹ کر دی ہیں، لیکن ایک دوسرے کو انسٹاگرام پر اَن فالو نہیں کیا ہے۔
.ذریعہ: Express News
کلیدی لفظ: اپنے تعلقات نے کہا تھا ایک دوسرے اور وجے
پڑھیں:
نوبیاہتا جوڑے نے ٹرین کے نیچے لیٹ کر زندگی کا خاتمہ کرلیا؛ گردنیں تن سے جدا
نوبیاہتا جوڑے نے ٹرین کے نیچے لیٹ کر اپنے ہاتھوں اپنی زندگی کا خاتمہ کرلیا۔ دونوں میاں بیوی کی گردنیں تن سے جدا ہو گئیں۔
ایکسپریس نیوز کے مطابق فیصل آباد میں تھانہ ملت ٹاؤن کے علاقے چیئرمین اسٹاپ کے قریب نوبیاہتا جوڑے نے ٹرین کے نیچے آ کر خودکشی کر لی، جس سے علاقے میں افسوس کی لہر دو ڑ گئی۔
پولیس کے مطابق متوفی ساجد پاور لومز پر کام کرتا تھا اور اس کی ڈھائی ماہ قبل رضیہ سے شادی ہوئی تھی۔
دونوں میاں بیوی نے مبینہ طور پر ٹرین کی پٹڑی پر لیٹ کر اپنی زندگی کا خاتمہ کیا۔ ٹرین گزرنے کے باعث دونوں کی گردنیں دھڑ سے جدا ہو گئیں۔
پولیس نے موقع پر پہنچ کر دونوں لاشوں کو تحویل میں لے کر اسپتال منتقل کر دیا ہے، جب کہ خودکشی کی وجوہات جاننے کے لیے تحقیقات کا آغاز کر دیا گیا ہے۔
ایلون مسک نے ڈونلڈ ٹرمپ کے مجوزہ اخراجات بل کو’ ’گھناﺅنی حرکت“ قراردے دیا