چین کا چیلنجز کے باوجود پانچ فیصد اقتصادی ترقی کا ہدف
اشاعت کی تاریخ: 5th, March 2025 GMT
اسلام آباد (اُردو پوائنٹ ۔ DW اردو۔ 05 مارچ 2025ء) بیجنگ نے بدھ کے روز اعلان کیا کہ 2025 میں چین کی اقتصادی ترقی کا ہدف پانچ فیصد ہے۔ تجزیہ کاروں کا کہنا ہے کہ فوج کی مسلسل تجدید اور جغرافیائی سیاسی چیلنجز کے درمیان چین کے بڑھتے ہوئے اثر و رسوخ کے دوران اس سے بیجنگ کے عزائم کی عکاسی ہوتی ہے۔
چینی پارلیمان کے سالانہ اجلاس کا آغاز ہو گیا ہے اور وزیر اعظم لی کیانگ نے معیشت سے متعلق یہ اعداد و شمار مقننہ میں نیشنل پیپلز کانگریس کے افتتاحی اجلاس کے دوران ایک رپورٹ میں پیش کیے ہیں۔
امریکی صدر ڈونلڈ ٹرمپ نے فروری میں چینی اشیاء پر 10 فیصد محصولات کا اعلان کیا تھا اور پھر منگل کے روز انہوں نے اس میں اضافہ کر کے اسے 20 فیصد کر دیا۔ چین نے بھی امریکی سامان پر اپنے محصولات کے ساتھ جوابی کارروائی کی ہے اور تجارتی جنگ میں "تلخ انجام" تک لڑنے کے اپنے عزم کا اظہار کیا ہے۔
(جاری ہے)
امریکہ کے لیے انڈو پیسیفک ترک کرنا 'ناممکن' ہے، تائیوان
معیشت کے اعتبار سے دنیا کے دو بڑے ممالک کے درمیان یہ تجارتی کشیدگی ایک ایسے وقت سامنے آئی ہے، جب چین اپنی سست رو مجموعی گھریلو پیداوار اور گھریلو صارفین کی مانگ میں کمی سے نمٹنے کی کوشش میں ہے، جس کی وجہ رئیل اسٹیٹ مارکیٹ میں کمی واقع ہوئی ہے۔
بین الاقوامی مالیاتی فنڈ نے پیش گوئی کی ہے کہ رواں برس چین کی معیشت 4.
چین نے رواں برس میں اپنے دفاعی اخراجات میں 7.2 فیصد اضافہ کرنے کا اعلان کیا ہے۔ یہ شعبہ دفاع کی ترقی میں مسلسل اضافہ کو برقرار رکھنے کی پالیسی ہے کیونکہ چینی معیشت کو اندرون اور بیرون ملک سے چیلنجز کا سامنا ہے۔
بجٹ کا مسودہ بھی افتتاحی اجلاس میں پیش کیا گیا اور اس کے مطابق گزشتہ برس میں دفاعی بجٹ میں اسی قدر یعنی سات اعشاریہ دو فیصد کا اضافہ کیا گیا تھا۔
چین کی امریکی محصولات کے خطرے کا مقابلہ کرنے کی تیاریاں
سن 2013 میں صدرشی جن پنگ کے اقتدار میں آنے کے فوری بعد سے چین کا دفاعی بجٹ اب دو گنا سے بھی زیادہ ہو چکا ہے۔ ایشیائی سپر پاور چین امریکہ کے بعد فوج پر خرچ کرنے والا دنیا کا دوسرا سب سے بڑا ملک ہے۔
تائیوان کے ساتھ دوبارہ اتحاد کو مضبوطی سے آگے بڑھانے کا فیصلہملک کے بڑھتے ہوئے دفاعی اخراجات خود مختار جزیرہ تائیوان کے لیے تشویش کا باعث ہیں، جسے چین اپنی ہی سرزمین کا ایک حصہ سمجھتا ہے۔ بیجنگ نے اس سے قبل جزیرے کے آس پاس بڑی جنگی مشقیں کی ہیں اور کہا ہے کہ تائیوان کے اتحاد کے لیے ضرورت پڑنے پر وہ طاقت کے استعمال سے بھی گریز نہیں کرے گا۔
بدھ کے روز کی سالانہ رپورٹ میں چینی وزیر اعظم لی کیانگ نے لکھا، "ہم چین کے دوبارہ اتحاد کے مقصد کو مضبوطی سے آگے بڑھائیں گے اور تائیوان میں اپنے ساتھی چینیوں کے ساتھ مل کر چینی قوم کی بحالی کے شاندار مقصد کو حاصل کرنے کے لیے کام کریں گے۔"
چین کی جنگی مشقوں پر آسٹریلیا کی تشویش
پچھلے سال لی نے تائیوان کے ساتھ دوبارہ اتحاد کی بات کرتے ہوئے وضاحت کے لیے "پرامن" کا لفظ استعمال کیا تھا، جسے اس بار "مضبوط رہنے" کی خواہش کے ساتھ بدل دیا گیا ہے۔ اس سال انہوں نے قوم کو دوبارہ متحدہ کرنے کے لیے "تائیوان میں چینی ساتھیوں" کے ساتھ مل کر کام کرنے کی خواہش کا ذکر بھی کیا۔
ص ز/ ج ا (روئٹرز، ڈی پی اے، اے پی، اے ایف پی)
ذریعہ: UrduPoint
کلیدی لفظ: تلاش کیجئے تائیوان کے میں چین کے ساتھ چین کی کے لیے
پڑھیں:
وفاقی حکومت کئی معاشی اہداف حاصل کرنے میں ناکام،قومی اقتصادی سروے کل جاری کیا جائے گا
وفاقی حکومت کئی معاشی اہداف حاصل کرنے میں ناکام،قومی اقتصادی سروے کل جاری کیا جائے گا WhatsAppFacebookTwitter 0 8 June, 2025 سب نیوز
اسلام آباد: وفاقی حکومت کئی معاشی اہداف حاصل کرنے میں ناکام رہی،رواں مالی سال کا اکنامک سروے کل دوپہر ڈھائی بجےجاری کیا جائےگا۔
میڈیا رپورٹس کے مطابق وفاقی حکومت متعددمعاشی اہداف میں ناکام رہی،گزشتہ سال کی نسبت کارکردگی بہتررہی،معاشی شرح نمو کا 3.6 فیصد ہدف پورا نہ ہو سکا،رواں مالی سال معاشی شرح نمو 2.7 فیصد ریکارڈ کی گئی،مہنگائی 12 فیصد ہدف کےمقابلے صرف 5 فیصد تک محدود رہی،فی کس آمدنی مقرر ہدف سے 34 ہزار ،794 روپےکم رہی،سالانہ فی کس آمدن 5 لاکھ 9 ہزار 174 روپے ریکارڈ کی گئی،فی کس آمدن کا ہدف 5 لاکھ 43 ہزار 968 روپے مقررکیا تھا تھا، سروے،بالواسطہ ٹیکس آمدن 7799 ارب ہدف کے مقابلے 8393 ارب روپے رہی۔
زرعی شعبےکی کارکردگی 2 فیصد ہدف کےمقابلے 0.6 فیصد ریکارڈکی گئی،اہم فصلوں کی پیداوارمنفی 4.5 فیصد ہدف کے مقابلےمنفی 13.5 فیصد رہی،کاٹن 30.7 فیصد، مکئی 15.4 فیصد اور گنے کی پیداوار 3.9 فیصد گر گئی،چاول 1.4 فیصد، گندم کی پیداوار میں بھی 8.9 فیصد کمی ریکارڈ کی گئی،چھوٹی فصلوں کی پیداوار 4.3 فیصد ہدف کی نسبت 4.8 فیصد رہی،سبزیوں، پھلوں، آئل سیڈز، مصالحہ جات، سبز چارے کی پیداوار میں اضافہ ریکارڈ کیا گیا۔
صنعتی شعبےکا گروتھ ٹارگٹ 4.4 فیصد اورکارکردگی 4.8 فیصد ریکارڈکیاگیا،ٹیکسٹائل، گاڑیوں، ملبوسات، تمباکو، پیٹرولیم کی پیداوار میں اضافہ ہوا،خوراک، کیمیکلز، لوہے، اسٹیل، الیکڑیکل، مشینری،فرنیچرکی پیداوار گر گئی،سروسز سیکٹر کا سالانہ ہدف 4.1 فیصد، کارکردگی 2.9 فیصد رہی۔
تعمیراتی شعبےکی کارکردگی 5.5 فیصد ہدف کےمقابلے6.6 فیصدریکارڈکیا گیا،بڑی صنعتوں کا پیداواری ہدف 3.5 فیصد،کارکردگی منفی 1.5 فیصدریکارڈکی گئی،چھوٹی صنعتوں کا ہدف 8.2 فیصد،کارکردگی 8.8 فیصد رہی۔
بجلی، گیس، واٹرسیکٹرکی گروتھ 2.5 فیصد ہدف کےمقابلے 28.9 فیصد رہی،صحت کےشعبےکا ہدف 3.2 فیصد، کارکردگی 3.7 فیصد رہی،تعلیم کےشعبےکی کارکردگی 3.5 فیصد ہدف کی نسبت 4.4 فیصد رہی،نجی شعبےکو قرضے 294 ارب سے بڑھ کر 870 ارب روپےتک پہنچ گئے،مجموعی ریونیو 36.7 فیصد اضافے سے 13 ہزار 367 ارب روپے رہا،ٹیکس ٹو جی ڈی پی 6 فیصد سے بڑھ کر 8 فیصد تک پہنچ گئی،
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرفیصل آباد سے گرفتار بھارتی ایجنسی ’را‘ کے 3 ایجنٹس کا 5 روزہ جسمانی ریمانڈ منظور فیصل آباد سے گرفتار بھارتی ایجنسی ’را‘ کے 3 ایجنٹس کا 5 روزہ جسمانی ریمانڈ منظور پاورڈویژن نے بجلی کے 2 میٹر لگانے پر پابندی کی خبریں جعلی قرار دے دیں چین کا اہم اقدام؛ بھارتی معیشت کے لیے خطرے کی گھنٹی بج گئی پاکستانی سفارتی وفد امریکا سے برطانیہ پہنچ گیا، امن کی اہمیت پر زور طاقتور شخصیات کی جنگ، ٹرمپ کی مسک کو ڈیموکریٹس کی حمایت پر سنگین نتائج کی دھمکی کسی بھی جارحیت کو شکست دینے کیلئے مکمل تیار ہیں، فیلڈ مارشل کا ایل او سی پر جوانوں سے خطابCopyright © 2025, All Rights Reserved
رابطہ کریں ہمارے بارے ہماری ٹیم
پاکستان ائیرپورٹس اتھارٹی کا نیو گوادر انٹرنیشنل ایئر پورٹ کے متعلق بڑا فیصلہ