آئی سی سی کی نئی ون ڈے رینکنگ: عظمت اللہ عمر زئی نمبر ون آل راؤنڈر بن گئے
اشاعت کی تاریخ: 5th, March 2025 GMT
آئی سی سی نے ون ڈے کی نئی پلیئرز رینکنگ جاری کردی جس میں افغانستان کرکٹرز کا راج رہا۔
افغانستان کے ابھرتے ہوئے آل راؤنڈر عظمت اللہ عمرزئی نے آئی سی سی ون ڈے رینکنگ میں زبردست ترقی کرتے ہوئے دنیا کے نمبر ون آل راؤنڈر کا اعزاز اپنے نام کر لیا۔
انہوں نے اپنے ہی ہم وطن اور سینئر آل راؤنڈر محمد نبی کو پیچھے چھوڑ دیا جو اب دوسرے نمبر پر چلے گئے ہیں۔
مزید پڑھیں: سیمی فائنل میں بھارت سے شکست، آسٹریلوی کپتان کا ریٹائرمنٹ کا اعلان
عمرزئی کی یہ شاندار پیش قدمی آئی سی سی چیمپئنز ٹرافی 2025 میں ان کی عمدہ کارکردگی کی بدولت ممکن ہوئی، جہاں انہوں نے انگلینڈ کے خلاف پہلی بار پانچ وکٹیں حاصل کیں اور آسٹریلیا کے خلاف نصف سنچری بھی اسکور کی۔
اس کارکردگی کے بعد وہ دو درجے ترقی پا کر 296 ریٹنگ پوائنٹس کے ساتھ پہلی پوزیشن پر قابض ہوگئے۔
مزید پڑھیں: روہت شرما کا بڑا کارنامہ، تاریخ ساز ریکارڈ بنانے والے دنیا کے پہلے کپتان بن گئے
بھارت کے اکشر پٹیل نے بھی آل راؤنڈر رینکنگ میں 17 درجے ترقی کر کے 13ویں پوزیشن حاصل کرلی اور 194 ریٹنگ پوائنٹس کے ساتھ کیریئر کی بہترین رینکنگ پر پہنچ گئے۔
عمرزئی نے بیٹنگ رینکنگ میں بھی شاندار ترقی کی، چیمپئنز ٹرافی میں 126 رنز بنانے کے بعد وہ 12 درجے اوپر آکر 24 ویں نمبر پر پہنچ گئے۔
مزید پڑھیں: ’بھارت کو ناجائز وینیو ایڈوانٹیج‘ گوتم گمبھیر ناقدین پر برس پڑے
افغانستان کے اوپنر ابراہیم زادران نے بھی انگلینڈ کے خلاف لاہور میں 177 رنز کی شاندار اننگز کھیل کر 13 درجے ترقی پائی اور وہ اب 10 ویں نمبر پر پہنچ چکے ہیں۔
دیگر کھلاڑیوں میں آسٹریلیا کے اسٹیو اسمتھ چھ درجے ترقی کے بعد 16ویں نمبر پر پہنچے، جبکہ نیوزی لینڈ کے کپتان کین ولیمسن نے بھی آٹھ درجے ترقی حاصل کرتے ہوئے 29ویں پوزیشن سنبھال لی۔
مزید پڑھیں: افغان بلے باز نے چیمپئنز ٹرافی میں تاریخ رقم کردی
بھارت کے شبھمن گل بدستور ون ڈے بیٹنگ رینکنگ میں پہلے نمبر پر موجود ہیں، جبکہ ویرات کوہلی نے آسٹریلیا کے خلاف سیمی فائنل میں شاندار کارکردگی کے بعد ایک درجہ ترقی پاتے ہوئے چوتھی پوزیشن حاصل کرلی۔
نیوزی لینڈ کے میٹ ہنری نے چیمپئنز ٹرافی میں شاندار بولنگ کے بعد تین درجے ترقی کر کے بولنگ رینکنگ میں تیسری پوزیشن حاصل کرلی ہے۔
جنوبی افریقہ کے کیشو مہاراج دو درجے ترقی پکر دوسرے نمبر پر براجمان ہیں جبکہ سری لنکا کے اسپنر مہیش تھیکشنا بدستور پہلے نمبر پر ہیں۔
بھارت کے محمد شامی نے بھی تین درجے ترقی حاصل کرتے ہوئے 11ویں نمبر پر جگہ بنائی، جبکہ جنوبی افریقہ کے مارکو جانسن 9 درجے اوپر جا کر 18ویں نمبر پر پہنچ گئے۔
انگلینڈ کے فاسٹ بولر جوفرا آرچر نے 13 درجے ترقی کے بعد 19ویں پوزیشن حاصل کی۔
.ذریعہ: Express News
کلیدی لفظ: چیمپئنز ٹرافی نمبر پر پہنچ پوزیشن حاصل مزید پڑھیں کے خلاف کے بعد نے بھی
پڑھیں:
ایشیا کپ: اوپننگ بیٹر صائم ایوب کا انوکھا کارنامہ
ایشیا کپ میں قومی ٹیم کے اوپننگ بلے باز صائم ایوب نے انوکھا کارنامہ انجام دے ڈالا۔صائم ایوب نے ایشیا کپ کے تینوں گروپ میچز میں عمان، بھارت اور یو اے ای کے خلاف صفر پر آؤٹ ہونے کی ہیٹ ٹرک کرلی۔وہ ٹی ٹوئنٹی انٹرنیشنل کیریئر میں مجموعی طور پر آٹھویں مرتبہ صفر پر آؤٹ ہوئے جو کہ شاہد آفریدی کے ریکارڈ کے برابر ہے۔ناقص بیٹنگ فارم کی وجہ سے صائم ایوب کو شائقین کی جانب سے سوشل میڈیا پر کافی تنقید کا نشانہ بنایا جارہا ہے۔تاہم دوسری جانب وہ ایونٹ میں سب سے زیادہ وکٹیں حاصل کرنے والوں میں تیسرے نمبر پر ہیں۔یو اے ای کے جنید صدیقی نو وکٹوں کے ساتھ، بھارت کے کلدیپ یادیو سات وکٹوں کے ساتھ دوسرے نمبر پر ہیں جبکہ صائم ایوب نے چھ وکٹیں حاصل کر رکھی ہیں۔واضح رہے کہ ٹی ٹوئنٹی انٹرنیشنل میں سب سے زیادہ مسلسل صفر پر آؤٹ ہونے کا بدترین ریکارڈ پاکستان کے عبداللہ شفیق کے پاس ہے جو لگاتار چار اننگز میں صفر پر آؤٹ ہوئے تھے۔
شاہین آفریدی نے کس کھلاڑی کو مشکل ترین قرار دیا؟