کراچی، رمضان کے پہلے 4 روز میں 4 شہری ڈکیتی مزاحمت پر زندگی سے محروم
اشاعت کی تاریخ: 6th, March 2025 GMT
کراچی:
شہر قائد میں دنداناتے ہوئے ڈاکوؤں نے رمضان المبارک کے پہلے 4 روز میں 4 شہریوں کو ڈکیتی کے دوران مزاحمت پر فائرنگ کر کے انھیں زندگی سے محروم کر دیا۔
وزیر داخلہ سندھ ضیاالحسن لنجار کی جانب سے یکم مارچ کو رمضان المبارک کے پہلے عشرے میں پولیس کو سیکیورٹی کے فل پروف اقدامات کی واضح ہدایت کے باوجود شہر میں دنداناتے ہوئے ڈاکوؤں نے رمضان میں پہلے عشرے کے صرف 4 روز میں 4 شہریوں کو ڈکیتی کے دوران مزاحمت پر فائرنگ کر کے انھیں زندگی سے محروم کر دیا۔
گزشتہ روز شہر میں ڈاکوؤں کی فائرنگ سے مزاحمت کے دوران نوجوان کی ہلاکت کے دوسرے واقعہ نے پولیس کی کارکردگی پر نہ صرف سوال اٹھا دیئے۔
شہر میں رواں سال ڈکیتی کے دوران مزاحمت پر ڈاکوؤں کی فائرنگ سے قتل کیے جانے والے شہریوں کی مجموعی تعداد 18 ہوگئی ۔ سہراب گوٹھ کے علاقے سپرہائی وے پنجاب بس اڈے کے قریب ڈاکوؤں نے موٹر سائیکل چھیننے کے دوران مزاحمت پر ایک نوجوان کو فائرنگ کر کے شدید زخمی کر دیا جسے انتہائی تشویشناک حالت میں عباسی شہید اسپتال لیجایا گیا۔
سر پر گولی لگنے کی وجہ سے نوجوان جناح اسپتال منتقل کر دیا گیا جہاں وہ دوران علاج زخموں کی تاب نہ لاتے ہوئے زندگی کی بازی ہار گیا۔
ترجمان کراچی پولیس کی جانب سے ایس ایچ او سہراب گوٹھ کے حوالے سے جاری اعلامیے میں بتایا گیا ہے واقعہ ڈکیتی کے دوران ڈاکوؤں کی فائرنگ سے پیش آیا ہے جس میں مضروب نوجوان کی شناخت 20 سالہ وسیم کے نام سے کی گئی جبکہ واقعہ موٹر سائیکل چھیننے کے دوران مزاحمت پر پیش آنے کا بتایا جا رہا ہے۔
بعدازاں پولیس نے مقتول نوجوان کی لاش تلاش ورثا کے لیے چھیپا سرد خانے میں رکھوا دی ہے واضح رہے گزشتہ روز بدھ کی شام شاہ لطیف ٹاؤن میں ڈاکوؤں نے کولڈ ڈرنک کے ڈسٹری بیوٹر 35 سالہ بابر کو فائرنگ کر کے قتل کیا تھا۔
اس سے قبل منگل کو بھی ڈاکوؤں نے شاہ لطیف ٹاؤن قائد آباد مرغی خانہ ریڈیو پاکستان کے قریب نجی گارمنٹس فیکٹری کے ملازم عمران کو ڈاکوؤں نے فائرنگ کر کے ابدی نیند سلا دیا تھا۔
اس کے علاوہ یکم رمضان بروز اتوار 2 مارچ کو سچل کے علاقے عبداللہ شاہ غازی گوٹھ میں ڈاکوؤں نے ڈکیتی کے دوران مزاحمت پر دکاندار 65 سالہ خان محمد کو فائرنگ کر کے قتل کر دیا تھا۔
ڈسٹرکٹ ملیر اور ڈسٹرکٹ ایسٹ میں ڈاکوؤں نے یکم رمضان سے 4 رمضان تک 4 شہریوں کو فائرنگ کر کے موت کے گھاٹ اتار دیا گیا جبکہ پولیس چین کی بانسری بجا رہی ہے ۔
.ذریعہ: Express News
کلیدی لفظ: ڈکیتی کے دوران مزاحمت پر کو فائرنگ کر کے میں ڈاکوو ں ڈاکوو ں نے کر دیا
پڑھیں:
راولپنڈی، باپ بیٹے کو فائرنگ کرکے قتل کردیا گیا
تھانہ دھمیال کے علاقے گرجا روڈ میں دہرے قتل کی لرزہ خیز واردات کی گئی جہاں باپ بیٹے کو بے دردی سے فائرنگ کرکے قتل کردیا گیا۔
راولپنڈی پولیس کے مطابق فائرنگ اور دہرے قتل کا واقعہ گرجا روڈ بسم اللّٰہ آباد کے علاقے میں پیش آیا اور مقتولین کی شناخت 54 سالہ میر افضل اور16 سالہ جانباز کے نام سے ہوئی ۔
پولیس نے بتایا کہ نامعلوم ملزمان نے گھر میں گھس کر فائرنگ کی اورفرارہوگئے، مقتول امیر افضل کے بڑے بیٹے نے پسند کی شادی کر رکھی تھی، جو الگ رہتا ہے، پولیس اور فرانزک ٹیموں نے جائے وقوع سے شواہد اکٹھے کرکے لاشیں پوسٹمارٹم کے لیے ہسپتال منتقل کردیں۔
پولیس حکام کا کہنا تھا کہ نامعلوم ملزمان گھر میں مقتولین سے ملکر بات چیت بھی کرتے رہے، جس کے دوران انہوں نے فائرنگ کی اور فرار ہوگئے۔
سی پی او راولپنڈی سید خالد ہمدانی نے واردات کا نوٹس لیا اور ایس پی صدر سے واقعے کی رپورٹ طلب رکلی اور ملزمان کی فوری گرفتاری کا حکم دیا۔
پولیس نے بتایا کہ ایس پی صدر محمد نبیل کھوکھر پولیس نفری کے ہمراہ موقع پر پہنچے اور تحقیقات کی نگرانی کی۔
ایس پی صدر کا کہنا تھا کہ موقع سے شواہد اکٹھے کیے جا رہے ہیں، واقعے کی تمام زاویوں پر تحقیقات کی جارہی ہیں اور ملزمان کو گرفتار کر کے قانون کے کٹہرے میں لایا جائے گا۔
سرکاری ملازمین کی تنخواہوں میں اضافے کا نوٹیفکیشن جاری