پٹریوں پر بم ملنے کے بعد پیرس کے اسٹیشن پر ٹرینوں کی آمد و رفت متاثر
اشاعت کی تاریخ: 7th, March 2025 GMT
اسلام آباد (اُردو پوائنٹ ۔ DW اردو۔ 07 مارچ 2025ء) فرانسیسیدارالحکومت پیرس کے گارڈے نورڈ ٹرین اسٹیشن کے قریب دوسری عالمی جنگ کے زمانے کا ایک بم ملنے کے بعد آج بروز جمعہ وہاں ٹرینوں کی آمد و رفت رک گئی۔
اس حوالے سے فرانس کی سرکاری ریل کمپنی ایس این سی ایف نے ایک بیان میں بتایا کہ اسٹیشن پر پیرس اور لندن کے درمیان چلنے والی یورو اسٹار ٹرین اور شہر سے شمال کی طرف سفر کرنے والی دیگر ٹرینوں کی آمد و رفت پولیس کی درخواست پر روکی گئی۔
خبر رساں ادارے روئٹرز نے مزید تفصیلات کے لیے فرانسیسی پولیس سے بھی رابطہ کیا لیکن ان کی جانب سے فوری طور پر کوئی جواب موصول نہیں ہوا۔
دریں اثنا برطانیہ کو باقی یورپ سے ملانے والی یورو اسٹار ٹرین کی ویب سائٹ پر موجود تفصیلات کے مطابق آج پیرس اور لندن کے درمیان چلنے والے اس کی تمام ٹرینوں کی آمد و رفت منسوخ کر دی گئی ہے اور مسافروں سے کسی اور دن سفر کرنے کی درخواست کی گئی ہے۔
(جاری ہے)
بم کب اور کہاں ملا؟ایس این سی ایف کی ماتحت ایچ (H) لائن کی جانب سے سوشل میڈیا پلیٹ فارم ایکس پر ایک پوسٹ میں بتایا گیا، ''پیرس گارڈے نورڈ اسٹیشن کے قریب (مینٹیننس کے) کام کے دوران گزشتہ شب دوسری عالمی جنگ کے زمانے کا ایک بم ملنے کے بعد اس اسٹیشن سے ٹریفک کی آمد و رفت رک گئی۔‘‘
اس پوسٹ میں مزید کہا گیا ہے کہ یہ بم اسٹیشن سے ڈھائی کلومیٹر دور ریل کی پٹریوں پر ملا۔
خبر رساں ادارے اے ایف پی کی رپورٹ میں بتایا گیا ہے کہ یہ بم دراصل عل الصبح چار بجے سین سینٹ ڈینس کے علاقے میں ملا، جس کے بعد بارودی سرنگیں صاف کرنے والے عملے کو وہاں بھیج دیا گیا۔ اس رپورٹ کی اشاعت تک اس عملے کا آپریشن جاری تھا اور روئٹرز کی رپورٹ کے مطابق یہ آپریشن مکمل ہونے تک اسٹیشن پر ریل ٹریفک متاثر رہے گا۔
’ٹریفک تمام دن شدید متاثر رہے گا‘فرانسیسی وزیر ٹرانسپورٹ فلیپ تباغو نے بتایا ہے کہ اس اسٹیشن پر ٹریفک آج پورا دن ''شدید‘‘ متاثر رہے گا اور دوپہر تک ٹرین سروس ایک محدود حد تک ہی بحال کی جا سکے گی۔
انہوں نے شہریوں سے سفر کا ادارہ مؤخر کرنے کی بھی درخواست کی۔فرانس کے سڈ ریڈیو سے بات کرتے ہوئے انہوں نے مزید کہا کہ اسٹیشن کے پاس رہائش پذیر شہریوں کو کسی دھماکے کے خطرے کا ''کوئی ڈر نہیں‘‘ ہونا چاہیے کیونکہ ایسے بموں کو ناکارہ بنانے کا طریقہ کار موجود ہے۔
گارڈے نورڈ ریلوے اسٹیشن یورپ میں اس لحاظ سے اہم ہے کہ یہاں سے فرانس سے شمالی کی طرف بین الاقوامی سفر کرنے والی کئی ٹرینیں گزرتی ہیں، جو برسلز، لندن اور نیدرلینڈز بھی جاتی ہیں۔ پیرس کے ٹورسٹ آفس کے مطابق یہ دنیا کا تیسرا مصروف ترین ٹرین اسٹیشن ہے۔
م ا/ا ب ا (اے پی، روئٹرز)
.ذریعہ: UrduPoint
کلیدی لفظ: تلاش کیجئے ٹرینوں کی ا مد و رفت اسٹیشن پر کے بعد
پڑھیں:
سی ٹی ڈی پولیس اسٹیشن پشاور کے اندر بارودی مواد پھٹنے سے دھماکا، اہلکار شہید
پشاور میں سی ٹی ڈی پولیس اسٹیشن کے اندر بارودی مواد پھٹنے سے دھماکے کے نتیجے میں ایک اہلکار شہید اور دو زخمی ہوگئے۔
ابتدائی اطلاعات کے مطابق دھماکا پولیس اسٹیشن کے اسلحہ خانے میں موجود پرانے بارودی مواد کے پھٹنے کے نتیجے میں ہوا۔ دھماکے کے بعد آگ لگ گئی جو دیگر گولہ بارود تک بھی پھیل گئی، جس سے مزید دھماکے ہونے کی اطلاعات ملی ہیں۔
واقعے کی اطلاع ملتے ہی پولیس اور سیکیورٹی فورسز نے علاقے کو گھیرے میں لے لیا جبکہ بی ڈی یو، ریسکیو اور فائر بریگیڈ کی ٹیمیں موقع پر پہنچ کر کارروائیاں جاری رکھے ہوئے ہیں۔ تمام ملزمان کو حوالات سے بحفاظت نکال لیا گیا ہے اور کلیئرنس آپریشن کا عمل جاری ہے۔
سی سی پی او پشاور میاں سعید کے مطابق ابتدائی تجزیے میں یہ واقعہ دہشت گردی کا نہیں لگتا بلکہ پرانے دھماکا خیز مواد کے اچانک پھٹنے سے پیش آیا اور ہوسکتا کہ کسی شارٹ سرکٹ کے باعث باردوی مواد پھٹا ہو۔
انہوں نے بتایا کہ دھماکے کے باعث ایک سی ٹی ڈی اہلکار شہید اور دو اہلکار زخمی ہوئے، جنہیں فوری طور پر اسپتال منتقل کیا گیا۔
پولیس حکام کا کہنا ہے کہ واقعے کی مکمل تحقیقات کی جا رہی ہیں تاکہ دھماکے کی وجوہات کا تعین کیا جا سکے۔
الیکشن کمیشن کےپاس اختیار نہیں کہ چیئرمین سینیٹ کے ریفرنس کےبغیر کسی رکن کو نااہل کرے، بیرسٹر گوہر