ٹڈاپ کرپشن کیس، یوسف رضا گیلانی سمیت 40 ملزم بری
اشاعت کی تاریخ: 8th, March 2025 GMT
کراچی (سٹاف رپورٹر+ نوائے وقت رپورٹ) وفاقی اینٹی کرپشن عدالت نے ٹڈاپ کرپشن کیس میں 3 مقدمات میں چیئرمین سینٹ یوسف رضا گیلانی سمیت 40 سے زائد ملزمان کو بری کر دیا۔ ٹڈاپ کرپشن کیس کی وفاقی اینٹی کرپشن عدالت میں سماعت ہوئی۔ چیئرمین سینٹ سید یوسف رضا گیلانی بھی عدالت میں پیش ہوئے۔ عدالت نے کہا کہ گیلانی صاحب آپ کے خلاف کوئی الزام ثابت نہیں ہوا، آپ بس با عزت بری ہیں، آپ کے خلاف گواہی دینے والے اب خود ملزم بن گئے ہیں۔ بعدازاں وفاقی اینٹی کرپشن عدالت نے 3 مقدمات میں چیئرمین سینٹ یوسف رضا گیلانی سمیت 40 سے زائد ملزمان کو بری کر دیا۔ کیس کی سماعت کے بعد میڈیا سے گفتگو کرتے ہوئے یوسف رضا گیلانی نے کہا کہ مجھ پر 2009 میں یہ کیس بنایا گیا، آج تمام وعدہ معاف گواہ ملزم بن گئے اور ملک سے فرار ہیں۔ مجھ پر کیس ہماری موجودہ اتحادی حکومت نے ہی بنایا تھا، ہمیں ان پر کوئی گلہ نہیں، ہم حکومت کی مکمل سپورٹ کریں گے، اتحادی حکومت کو بیک سٹیپ نہیں کریں گے، صدر آصف زرداری اور چیئرمین بلاول بھٹو مل کر اپنا مؤقف بیان کریں گے۔ علاوہ ازیں یوسف رضا گیلانی نے کہا کہ پنجاب حکومت گرفتار سینیٹرز کو پیش کرے ورنہ آج احتجاجاً اجلاس کی صدارت نہیں کروں گا۔ ٹڈاپ کیس میں وعدہ معاف گواہ آج ملزم ہے اور ملک سے فرار ہے، مجھ پر کیس بنانے والے ہماری اتحادی حکومت کا حصہ ہیں۔ انہوں نے کہاکہ میں ہمیشہ قانون کے مطابق چلتا ہوں، جو بھی کام کرتا ہوں آئین کے مطابق کرتا ہوں۔ یوسف رضا گیلانی نے کہا کل کچھ ارکان کہہ رہے تھے کہ چیئرمین سینٹ سیر سپاٹے کرتے ہیں، ایوان میں نہیں آتے، سینٹ کا رکن پہلی بار نہیں بنا، کئی سالوں قومی اسمبلی اور سینٹ میں رہا ہوں۔ چیئرمین سینٹ نے کہا کہ اگر کوئی رکنِ سینٹ جیل میں ہے تو رول کے مطابق میں پروڈکشن آرڈر جاری کرسکتا ہوں۔ انہوں نے کہا ایک اور ممبر کو بھی اٹھایا گیا ہے، پنجاب اور وفاق حکومت سے کہتا ہوں کہ دونوں ارکان کو پروڈیوس کریں، اگر نہ کیا تو میں پروڈکشن آرڈر جاری کروں گا۔ انہوں نے کہا کہ پنجاب حکومت گرفتار سینیٹر کو پیش کرے، گرفتار سینیٹر کو پیش نہ کیا تو احتجاجاً اجلاس کی صدارت پھر نہیں کروں گا۔ یوسف رضا گیلانی نے کہاکہ میں نے ایک معزز رکن سینٹ کے پروڈکشن آرڈر جاری کئے تھے، معزز رکن سینٹ کا آئینی حق ہے کہ وہ سیشن میں آئے۔ گزشتہ روز جس معزز رکن سینٹ کو گرفتار کیاگیا ہے اسے بھی سینٹ میں لایا جائے۔ نہروں کا معاملہ میرٹ پر حل ہونا چاہئے۔ فاروق نائیک نے کہا کہ 12 سال بعد کیس کا فیصلہ آیا جو ثبوت ہے انصاف مل گیا۔ علاوہ ازیں چیئرمین سینٹ سید یوسف رضا گیلانی نے سینیٹر اعجاز چودھری اور سینیٹر عون عباس بپی کے موجودہ سیشن کیلئے پروڈکشن آرڈر جاری کر دیئے۔ خط میں کہا گیا ہے کہ چیئرمین سینٹ ضروری سمجھتے ہیں کہ سینیٹر اعجاز چودھری اور سینیٹر عون عباس کی سینٹ کے 346 ویں اجلاس میں شرکت کو یقینی بنایا جائے۔
.ذریعہ: Nawaiwaqt
پڑھیں:
حیدرآباد: امیر جماعت اسلامی سندھ کاشف سعید شیخ زوم پر جبکہ صوبائی جنرل سیکرٹری محمد یوسف، امیر جماعت اسلامی حیدرآباد حافظ طاہر مجید، ضلعی جنرل سیکرٹری محمد حنیف شیخ مرکز تبلیغ اسلام میں اجتماع ارکان سے خطاب کررہے ہیں
data-id="863a0a8" data-element_type="widget" data-widget_type="theme-post-content.default"> جسارت نیوز
سیف اللہ
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ