وزیر اعظم یوتھ پروگرام خواتین کو نئے مواقع فراہم کرنے کی کوشش کر رہا ہے ،خواتین کے عالمی دن کے موقع پر چیئرمین پرائم منسٹرز یوتھ پروگرام رانا مشہود کا پیغام
اشاعت کی تاریخ: 8th, March 2025 GMT
اسلام آباد (اُردو پوائنٹ اخبارتازہ ترین - اے پی پی۔ 08 مارچ2025ء) وزیراعظم یوتھ پروگرام کےچیئرمین رانا مشہود حسین نے کہا ہے کہ وزیر اعظم یوتھ پروگرام خواتین کو نہ صرف نئے مواقع فراہم کرنے کی کوشش کر رہا ہے بلکہ ان کی رہنمائی اور حقوق کے تحفظ کے لیے ہمیشہ مصروف عمل ہے، وزیر اعظم یوتھ پروگرام خواتین کو اپنے خوابوں کو حقیقت میں بدلنے کے لیے مساوی مواقع فراہم کررہا ہے، چاہے وہ آئی ٹی ، ایجو کیشن یا سکلز سے منسلک ہوں ،کاروبار کے متعلق ہوں یا کھیلوں کے مقابلے ہوں پرائم منسٹرز یوتھ پروگرام ہر فیلڈ میں آپ کے ساتھ ہے۔
وزیراعظم آفس کے یوتھ افیئرز ونگ سے ہفتہ کو جاری بیان کےمطابق ان خیالات کا اظہار انہوں نے خواتین کے عالمی دن کے موقع پر اپنے پیغام میں کیا۔(جاری ہے)
خواتین کے عالمی دن کے موقع پر میں پاکستان کی تمام خواتین کو دل کی گہرائیوں سے خراج تحسین پیش کرتا ہوں۔ جو زندگی کے ہر میدان میں نمایاں کردار ادا کر رہی ہیں۔ خواتین نے ہمیشہ اپنی صلاحیتوں اور حوصلے سے دنیا کو حیران کن کامیابیاں دکھائی ہیں۔
رانا مشہود حسین نے کہا کہ قومیں خواتین کے بغیر کبھی بھی ترقی نہیں کر سکتیں، پاکستان کی خواتین نے ہر شعبہ زندگی میں اپنی محنت اور عزم سے یہ ثابت کیا ہے کہ وہ کسی بھی چیلنج کا سامنا کرنے کی مکمل طاقت رکھتی ہیں۔ انہوں نےکہا کہ عالمی یوم خواتین کے موقع پر میں ہر پاکستانی خاتون کی کامیابیوں کا اعتراف کرتا ہوں، آپ کی کامیابیاں ہماری قوت ہیں، آپ ہمارے معاشرے کی بنیاد ہیں اور آپ ہی ہمارے مستقبل کی تعمیر کر رہی ہیں۔انہوں نےکہا کہ وزیر اعظم یوتھ پروگرام خواتین کو نہ صرف نئے مواقع فراہم کرنے کی کوشش کر رہا ہے بلکہ ان کی رہنمائی اور حقوق کے تحفظ کے لیے ہمیشہ مصروف عمل ہے۔ وزیر اعظم یوتھ پروگرام خواتین کو اپنے خوابوں کو حقیقت میں بدلنے کے لیے مساوی مواقع فراہم کررہا ہے، چاہے وہ آئی ٹی سے منسلک ہوں ، ایجو کیشن یا سکلز سے منسلک ہو ،کاروبار کے متعلق ہوں یا کھیلوں کے مقابلے ہوں پرائم منسٹرز یوتھ پروگرام ہر فیلڈ میں آپ کے ساتھ ہے۔ رانا مشہود حسین نے کہا کہ آپ کو یہ پیغام دینا چاہتا ہوں کہ آپ کی صلاحیتیں لا محدود ہیں، آپ تعلیم ، صحت ، ٹیکنالوجی، اور ہر شعبے میں اپنا لوہا منوا سکتی ہیں، آگے بڑھیں اور دنیا کو دکھا دیں آپ کر سکتی ہیں اور کر کے دکھائیں گی۔.ذریعہ: UrduPoint
کلیدی لفظ: تلاش کیجئے مواقع فراہم رانا مشہود کے موقع پر خواتین کے کرنے کی کے لیے
پڑھیں:
چیئرمین سی ڈی اے محمد علی رندھاوا نے اسلام آباد کے لیے کون کون سے منصوبوں کی منظوری دی؟
چیئرمین کیپیٹل ڈویلپمنٹ اتھارٹی (سی ڈی اے) و چیف کمشنر اسلام آباد محمد علی رندھاوا کی زیر صدارت جمعرات کو سی ڈی اے بورڈ کا 16واں اجلاس منعقد ہوا، جس میں بورڈ کے ممبران اور متعلقہ افسران نے شرکت کی۔ اجلاس میں شہری سہولت، اسپتالوں کی بہتری اور انتظامی امور سے متعلق متعدد اہم منصوبوں کی منظوری دی گئی۔
اجلاس میں فیصلہ کیا گیا کہ قبر کھدائی اور میت بس کے چارجز معاف کیے جائیں گے اور قبرستانوں میں اضافی میت بسیں فراہم کی جائیں گی تاکہ شہریوں کو دکھ کی گھڑی میں سہولت فراہم کی جا سکے۔
مزید پڑھیں: شاہ اللہ دتہ میں اسپورٹس انکلیو بنایا جائے گا، چیئرمین سی ڈی اے
کیپیٹل اسپتال کے معیار کو بہتر بنانے اور آمدن بڑھانے کے لیے انسٹیٹوشنل بیسڈ پرائیویٹ پریکٹس (آئی بی پی پی) کے تحت پرائیویٹ مریضوں کی فیسوں پر نظر ثانی کی جائے گی۔ چیئرمین نے اسپتال کے لیے جدید کمپیوٹرز اور کیش لیس نظام کے آلات فراہم کرنے کی بھی ہدایت دی۔
سی ڈی اے انٹرنشپ پالیسی 2025 کی منظوری دی گئی، جس کے تحت پاکستان کی بہترین یونیورسٹیوں سے فارغ التحصیل گریجویٹس کو شفاف اور میرٹ پر مبنی انٹرنشپ فراہم کی جائے گی تاکہ ادارے میں جدید مہارتوں سے لیس افرادی قوت میسر ہو۔
مزید پڑھیں: اللہ نے پاکستان کی عزت رکھی، چیئرمین پی سی بی محسن نقوی
اجلاس میں نیو اسلام آباد انٹرنیشنل ایئرپورٹ کے قریب اے این ایف آفس کے قیام اور اسلام آباد میں پولیس اسٹیشن کی تعمیر کے لیے زمین کی منظوری دی گئی۔ سیکٹر F-10 کی سروس روڈ (ایسٹ) کا نام قومی کھلاڑی ’ارشد ندیم روڈ‘ رکھنے کی تجویز وفاقی حکومت کو بھیجی جائے گی۔
اسلام آباد میونسپل سالڈ ویسٹ مینجمنٹ کی لینڈ فل سائٹ کے استعمال کے لیے راولپنڈی ویسٹ مینجمنٹ کمپنی (آر ڈبلیو ایم سی) کے ساتھ کرایہ اور خدمات کی مدت میں توسیع کی منظوری بھی دی گئی۔
مزید پڑھیں: اسلام آباد: دکھ کے لمحات میں شہری سہولت، قبر کھدائی اور میت بس سروس اب بلا معاوضہ
علاوہ ازیں، گریڈ 15 اور 16 میں تعینات سٹیٹسکل اسسٹنٹ ملازمین کے اپ گریڈیشن کے طریقہ کار کی منظوری فنانس ڈویژن کے رولز کے مطابق دی گئی۔
چیئرمین سی ڈی اے محمد علی رندھاوا نے تمام فیصلہ جات پر شفاف اور مؤثر عملدرآمد کو یقینی بنانے کی ہدایت کی تاکہ اسلام آباد کی تعمیر و ترقی اور شہری سہولت کی فراہمی بہترین انداز میں ممکن ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد چیئرمین سی ڈی اے محمد علی رندھاوا
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان