کیا صحیفہ جبار کسی پریشانی کا شکار ہیں؟ سوشل میڈیا اکاؤنٹ بھی ڈیلیٹ کردیا
اشاعت کی تاریخ: 9th, March 2025 GMT
پاکستانی ڈراما انڈسٹری کی معروف اداکارہ صحیفہ جبار خٹک نے ایک بار پھر اپنے فینز کو حیران کر دیا ہے۔
صحیفہ نے چار سال کے وقفے کے بعد جہاں اداکاری کے میدان میں واپسی کی، وہیں انہوں نے سوشل میڈیا سے کنارہ کشی کا اعلان کرکے سب کو تجسس میں ڈال دیا ہے۔
حال ہی میں صحیفہ نے انسٹاگرام پر ایک طویل پوسٹ شیئر کی، جس میں انہوں نے بتایا کہ وہ تمام سوشل میڈیا پلیٹ فارمز سے دوری اختیار کر رہی ہیں۔
انہوں نے لکھا، ’’آج میں نے کامیابی کے ساتھ اپنا فیس بک اکاؤنٹ ڈیلیٹ کر دیا ہے۔ مجھے امید ہے کہ ایک دن میں سوشل میڈیا پر اپنی موجودگی کے تمام نشانات مٹا دوں گی۔‘‘
View this post on InstagramA post shared by Saheefa Jabbar Khattak (@saheefajabbarkhattak)
صحیفہ نے اپنی پوسٹ میں ماضی کے کچھ فیصلوں پر افسوس کا اظہار کیا۔ انہوں نے لکھا، ’’ہر وہ نادان، بے وقوفانہ اور غیر سنجیدہ انٹرویو، ہر وہ فوٹو شوٹ جو مجھے پسند نہیں تھا، اور ہر وہ پروجیکٹ جس میں میرا دل نہیں تھا، ان سب پر مجھے شرمندگی ہوتی ہے۔ لیکن ساتھ ہی، میں اس انڈسٹری کی دی گئی نعمتوں کا شکر گزار بھی ہوں۔‘‘
انہوں نے اپنے کیریئر کے دوران حاصل ہونے والی کامیابیوں کا ذکر کرتے ہوئے کہا، ’’مالی طور پر اس انڈسٹری نے مجھے وہ مواقع دیے جو شاید میں کہیں اور حاصل نہ کر پاتی۔ اس نے مجھے دنیا گھومنے، اپنے گھر والوں کو بہتر زندگی دینے، اور ان کے ساتھ اچھے لمحات گزارنے کا موقع دیا۔ لیکن اگر آپ مجھ سے پوچھیں، تو اب بھی کئی ایسے پروجیکٹس، انٹرویوز اور رائے ہیں جن پر مجھے فخر نہیں۔‘‘
صحیفہ نے اپنی ذہنی کیفیت پر بات کرتے ہوئے لکھا، ’’میرا ماننا ہے کہ سکون ہی وہ چیز ہے جس کی ہم سب کو تلاش ہے۔ میں اپنے حال سے بہتر مستقبل کی خواہش رکھتی ہوں۔ میں ایسے لوگوں سے ملنا چاہتی ہوں جو مجھے متاثر کریں۔ میں اپنے والدین اور شوہر کے ساتھ زیادہ وقت گزارنا چاہتی ہوں۔ ہم نے ایک خاندان کے طور پر اپنے مستقبل کی تعمیر کے لیے بے شمار قربانیاں دی ہیں۔‘‘
انہوں نے سوشل میڈیا کے منفی اثرات پر بھی روشنی ڈالی۔ صحیفہ نے لکھا، ’’سوشل میڈیا اب میری زندگی میں کوئی مثبت قدر نہیں لا رہا۔ یہ میرا اپنا فیصلہ ہے، اور مجھے اپنی طاقت ثابت کرنے کے لیے کسی زہریلے ماحول میں رہنے کی ضرورت نہیں۔ اگر آپ سمجھتے ہیں کہ زہریلے ماحول سے لڑنے کا مطلب اسی میں پھنسے رہنا ہے، تو شاید آپ کو سوچنا چاہیے کہ حقیقی لڑائیاں کون سی ہیں جنہیں لڑنا چاہیے۔‘‘
صحیفہ نے سوشل میڈیا پر پھیلنے والی منفیت اور جعلی خوشیوں پر بھی تنقید کی۔ انہوں نے لکھا، ’’یہ پریشان کن ہے کہ لوگ بے معنی مواد، جعلی زندگیوں، اور حقیقت سے دور چیزوں میں گم ہو چکے ہیں۔ یہ مجھے مایوس کرتا ہے، اور ان کے لیے افسوس ہوتا ہے۔‘‘
اپنے طویل کیپشن کے اختتام پر صحیفہ نے اپنے فینز کو ایک اہم پیغام دیا۔ انہوں نے لکھا، ’’کسی مضبوط اور خودمختار عورت کو نیچا دکھانے کے لیے جو گھٹیا الفاظ تم لکھتے ہو، وہ تمہاری پرورش کا آئینہ ہیں۔ اگر تمہارے الفاظ کسی کے لیے اچھائی نہیں لا سکتے، تو بہتر ہے کہ اپنی زبان بند رکھو۔‘‘
.ذریعہ: Express News
کلیدی لفظ: انہوں نے لکھا سوشل میڈیا صحیفہ نے کے لیے
پڑھیں:
وفاق کو قرض دینے کی حیثیت بھی رکھتے ہیں ، وزیراعلیٰ خیبرپختونخواکادعویٰ
ڈیرہ اسماعیل خان: خیبرپختونخوا کے وزیراعلیٰ علی امین گنڈاپور نے کہا ہے کہ صوبے کے ریونیو میں اضافہ ہوا ہے اور اب ہم وفاق کو قرض دینے کی حیثیت بھی رکھتے ہیں۔
میڈیا سے گفتگو کرتے ہوئے علی امین گنڈا پور نے کہا کہ ہمارا بجٹ ٹیکس فری بجٹ ہوگا جس میں عوام کو ریلیف دیں گے اور روزگار کے نئے مواقع فراہم کریں گے۔
انہوں نے کہا کہ روزگار کے پہلے جو پراجیکٹس چل رہے ہیں جن میں لوگوں کو بلاسود قرضہ دے کر اپنے پیروں پر کھڑا کررہے ہیں، اس پر بھی کام ہوگا اور ہم ہیومن ڈیولپمنٹ پر دوبارہ فوکس کررہے ہیں۔
ان کا کہنا تھا کہ ہمارے صوبے کے جو ایسے پراجیکٹس جن سے معیشت بہتر ہوگی اور روزگار میں اضافہ ہوگا، اس پر فوکس کریں گے۔
انہوں نے کہا کہ ہمارے میگا پراجیکٹس میں تعلیم شامل ہے، تعلیمی ایمرجنسی لگائیں گے جس کے تحت اسکول نہ جانے والے طلبہ کی تعداد کم کریں گے اور ساتھ ہی تعلیم کا معیار بھی بہتر کریں گے، صرف ڈگری دینا ہمارا مقصد نہیں ہے بلکہ اس ڈگری کی قدر بڑھانی ہے۔
وزیراعلیٰ خیبرپختونخوا نے کہا کہ اس کے علاوہ ہم صحت پر بھی فوکس کریں گے اور جن علاقوں میں صحت کی ضروریات کی کمی ہے اس کو فوری طور پر پورا کریں گے جب کہ ہم ذراعت پر بھی فوکس کریں گے اور بجلی سے متعلق پراجیکٹس بھی شامل ہیں اور سوات سمیت دیگر موٹرویز پر بھی کام ہوگا۔
انہوں نے کہا کہ پاکستان کے اس وقت جو معاشی حالات ہیں ان کو دیکھ کر تمام صوبوں کو عمران خان کے ویژن کے مطابق اپنے پیروں پر کھڑا ہونا پڑے گا کیوں کہ مقروض قومیں کبھی بھی خود مختار اور خدار نہیں ہوسکتی۔
انہوں نے کہا کہ شکر ہے ہمارا صوبہ اپنے پیروں پر کھڑا ہوگیا ہے اور وفاقی حکومت کی تو یہ حالت ہے کہ وہ ہم سے امداد مانگ رہی ہے اور ہم امداد دینے کی حیثیت بھی رکھتے ہیں کیوں کہ خیبر پختونخوا کے ریونیو میں اضافہ ہوا ہے، اب تو ہم وفاق کوبھی قرضہ دے سکتے ہیں۔
انہوں نے کہا کہ این ایف سی بہت ضروری ہے جو 15 سال سے نہیں ہوئی، جس سے ہمارے ضم اضلاع کے پیسے ہمیں نہیں مل رہے، اب فیصلہ ہوا ہے کہ اگست میں این ایف سی ہوگی تو اس میں ہمارے صوبے کا آئینی حق ہمیں مل جائے گا اور اس سے بھی ہمیں پیسے ملیں گے۔
علی امین گنڈا پور کا کہنا تھا کہ 50 ارب تک کا قرضہ ہم نے پچھلے سال میں اتارا ہے اور ایک روپے بھی مزید قرضہ نہیں لیا جب کہ اس وقت ہم نے اکاؤنٹ میں صرف قرض اتارنے کے لیے ڈیڑھ سو ارب روپے رکھے ہوئے ہیں۔
انہوں نے کہا کہ افغانستان کے حوالے سے پہلے دن سے ہمارا یہی ایجنڈا اور ویژن ہے کہ مذاکرات کے ذریعے مسائل حل ہوں، وفاقی حکومت نے جو مذاکرات کا سلسلہ شروع کیا ، جرگے میں دوبارہ ان سے کہا کہ صوبائی حکومت کو بھی اس عمل میں شامل کیا جائے اور قبائلی مشران کو بھی اس کا حصہ بنایا جائے تاکہ مذاکرات کے ذریعے مسائل حل کیے جائیں۔
انہوں نے کہا کہ عمران خان کی رہائی عدلیہ سے منسلک ہے اور ہماری عدلیہ آزاد ہی نہیں ہے، ہم بار بار کہہ رہے ہیں ان پر کوئی کیس نہیں، ابھی ہم نے دوبارہ پورے پاکستان میں تحریک شروع کریں گے کیوں کہ ہمیں لگ رہا ہے عدلیہ اپنے فیصلوں میں خودمختار نہیں ، اس لیے ہم انہیں سپورٹ دیں گے کہ آپ اپنے فیصلے خود کریں۔
بنارس کی تاریخی اور مسلم اکثریتی بازار کے انہدام پر کورٹ سے راحت