کیا صحیفہ جبار کسی پریشانی کا شکار ہیں؟ سوشل میڈیا اکاؤنٹ بھی ڈیلیٹ کردیا
اشاعت کی تاریخ: 9th, March 2025 GMT
پاکستانی ڈراما انڈسٹری کی معروف اداکارہ صحیفہ جبار خٹک نے ایک بار پھر اپنے فینز کو حیران کر دیا ہے۔
صحیفہ نے چار سال کے وقفے کے بعد جہاں اداکاری کے میدان میں واپسی کی، وہیں انہوں نے سوشل میڈیا سے کنارہ کشی کا اعلان کرکے سب کو تجسس میں ڈال دیا ہے۔
حال ہی میں صحیفہ نے انسٹاگرام پر ایک طویل پوسٹ شیئر کی، جس میں انہوں نے بتایا کہ وہ تمام سوشل میڈیا پلیٹ فارمز سے دوری اختیار کر رہی ہیں۔
انہوں نے لکھا، ’’آج میں نے کامیابی کے ساتھ اپنا فیس بک اکاؤنٹ ڈیلیٹ کر دیا ہے۔ مجھے امید ہے کہ ایک دن میں سوشل میڈیا پر اپنی موجودگی کے تمام نشانات مٹا دوں گی۔‘‘
View this post on InstagramA post shared by Saheefa Jabbar Khattak (@saheefajabbarkhattak)
صحیفہ نے اپنی پوسٹ میں ماضی کے کچھ فیصلوں پر افسوس کا اظہار کیا۔ انہوں نے لکھا، ’’ہر وہ نادان، بے وقوفانہ اور غیر سنجیدہ انٹرویو، ہر وہ فوٹو شوٹ جو مجھے پسند نہیں تھا، اور ہر وہ پروجیکٹ جس میں میرا دل نہیں تھا، ان سب پر مجھے شرمندگی ہوتی ہے۔ لیکن ساتھ ہی، میں اس انڈسٹری کی دی گئی نعمتوں کا شکر گزار بھی ہوں۔‘‘
انہوں نے اپنے کیریئر کے دوران حاصل ہونے والی کامیابیوں کا ذکر کرتے ہوئے کہا، ’’مالی طور پر اس انڈسٹری نے مجھے وہ مواقع دیے جو شاید میں کہیں اور حاصل نہ کر پاتی۔ اس نے مجھے دنیا گھومنے، اپنے گھر والوں کو بہتر زندگی دینے، اور ان کے ساتھ اچھے لمحات گزارنے کا موقع دیا۔ لیکن اگر آپ مجھ سے پوچھیں، تو اب بھی کئی ایسے پروجیکٹس، انٹرویوز اور رائے ہیں جن پر مجھے فخر نہیں۔‘‘
صحیفہ نے اپنی ذہنی کیفیت پر بات کرتے ہوئے لکھا، ’’میرا ماننا ہے کہ سکون ہی وہ چیز ہے جس کی ہم سب کو تلاش ہے۔ میں اپنے حال سے بہتر مستقبل کی خواہش رکھتی ہوں۔ میں ایسے لوگوں سے ملنا چاہتی ہوں جو مجھے متاثر کریں۔ میں اپنے والدین اور شوہر کے ساتھ زیادہ وقت گزارنا چاہتی ہوں۔ ہم نے ایک خاندان کے طور پر اپنے مستقبل کی تعمیر کے لیے بے شمار قربانیاں دی ہیں۔‘‘
انہوں نے سوشل میڈیا کے منفی اثرات پر بھی روشنی ڈالی۔ صحیفہ نے لکھا، ’’سوشل میڈیا اب میری زندگی میں کوئی مثبت قدر نہیں لا رہا۔ یہ میرا اپنا فیصلہ ہے، اور مجھے اپنی طاقت ثابت کرنے کے لیے کسی زہریلے ماحول میں رہنے کی ضرورت نہیں۔ اگر آپ سمجھتے ہیں کہ زہریلے ماحول سے لڑنے کا مطلب اسی میں پھنسے رہنا ہے، تو شاید آپ کو سوچنا چاہیے کہ حقیقی لڑائیاں کون سی ہیں جنہیں لڑنا چاہیے۔‘‘
صحیفہ نے سوشل میڈیا پر پھیلنے والی منفیت اور جعلی خوشیوں پر بھی تنقید کی۔ انہوں نے لکھا، ’’یہ پریشان کن ہے کہ لوگ بے معنی مواد، جعلی زندگیوں، اور حقیقت سے دور چیزوں میں گم ہو چکے ہیں۔ یہ مجھے مایوس کرتا ہے، اور ان کے لیے افسوس ہوتا ہے۔‘‘
اپنے طویل کیپشن کے اختتام پر صحیفہ نے اپنے فینز کو ایک اہم پیغام دیا۔ انہوں نے لکھا، ’’کسی مضبوط اور خودمختار عورت کو نیچا دکھانے کے لیے جو گھٹیا الفاظ تم لکھتے ہو، وہ تمہاری پرورش کا آئینہ ہیں۔ اگر تمہارے الفاظ کسی کے لیے اچھائی نہیں لا سکتے، تو بہتر ہے کہ اپنی زبان بند رکھو۔‘‘
.ذریعہ: Express News
کلیدی لفظ: انہوں نے لکھا سوشل میڈیا صحیفہ نے کے لیے
پڑھیں:
عائزہ خان کے نیدرلینڈز میں سیر سپاٹے، دلکش تصاویر وائرل
پاکستان شوبز انڈسٹری کی معروف اداکارہ اور فیشن آئیکون عائزہ خان نے حال ہی میں نیدرلینڈز سے اپنی تصاویر سوشل میڈیا پر شیئر کی ہیں جو سوشل میڈیا کی زینت بنی ہوئی ہیں۔
عائزہ خان جنہیں 2013 کے مشہور ڈرامے پیارے افضل سے شہرت ملی، بعد ازاں میرے پاس تم ہو میں مہوش کے کردار سے دنیا بھر میں مشہور ہوئیں۔ انہوں نے اپنے کیرئیر میں کئی ڈرامے کیے اور اپنی شاندار اداکاری سے ناظرین کی خوب داد سمیٹ رہی ہیں۔
ان دنوں گرمیوں کی چھٹیاں منانے کیلئے اداکارہ بیرون ملک موجود ہیں اور فینز کے ساتھ اپنی حسین تصاویر شیئر کر رہی ہیں۔ انسٹاگرام پر شیئر کی گئی حالیہ تصاویر میں انہیں نیدرلینڈز کے کھلے میدانوں میں مارننگ یوگا کرتے اور پرامن مناظر کا لطف اٹھاتے دیکھا گیا ہے۔
https://www.instagram.com/p/DMejoRTNQCY/انہوں نے کیپشن میں اپنے مداحوں کے لیے دعا دیتے ہوئے لکھا: "صبح بخیر، آپ سب کے لیے آج کے دن کے لیے سکون، مثبت سوچ اور نرمی بھری توانائی کی دعا ہے۔"
ان تصاویر پر سوشل میڈیا صارفین نے عائزہ خان سے محبت کا اظہار کرتے ہوئے انہیں خوب سراہا اور ان کی قدرتی خوبصورتی اور مثبت طرز زندگی کی بھی تعریف کی۔
ویمن یونیورسٹی کی ویڈیو ٹک ٹاک پر شیئر: ڈپٹی کمشنر صوابی عدالت طلب