چیمپیئنز ٹرافی میں ناقص کارکردگی کے باوجود سرفراز احمد کا قومی کرکٹ ٹیم کا دفاع
اشاعت کی تاریخ: 9th, March 2025 GMT
2017 میں پاکستان کرکٹ ٹیم کو چیمپیئنز ٹرافی جتوانے والے سابق کپتان سرفراز احمد نے حالیہ آئی سی سی چیمپیئنز ٹرافی میں ناقص کارکردگی کے باوجود قومی ٹیم کا دفاع کیا ہے۔
یہ بھی پڑھیں چیمپیئنز ٹرافی میں شرمناک شکست، قومی کرکٹ ٹیم کی سرجری کا حتمی فیصلہ
سرفراز احمد نے کہاکہ کوئی بھی ٹیم میچ ہارنے کے لیے میدان میں نہیں اترتی، ٹیم پر مثبت اور تعمیری تنقید ہونی چاہیے، جو لوگ آج ٹی وی پر بیٹھ کر تنقید کررہے ہوتے ہیں وہ بھی ان مراحل سے گزر چکے ہیں۔
سرفراز احمد نے دورہ نیوزی لینڈ کے لیے اعلان کردہ قومی اسکواڈ پر اعتماد کا اظہار کرتے ہوئے شائقین کرکٹ پر زور دیا کہ وہ ٹیم کی حمایت جاری رکھیں۔
سابق کپتان نے کہاکہ دورہ نیوزی لینڈ کے لیے پاکستانی ٹیم نوجوان کھلاڑیوں پر مشتمل ہے، مجھے امید ہے کہ نتائج ہمارے حق میں ہوں گے، لیکن نیوزی لینڈ میں حالات ہمیشہ چیلنجنگ رہے ہیں۔
واضح رہے کہ سرفراز احمد کی قیادت میں قومی کرکٹ ٹیم نے 2017 میں آئی سی سی چیمپیئنز ٹرافی کا ٹائٹل اپنے نام کیا تھا۔
یہ بھی پڑھیں قومی کرکٹ ٹیم نے قوم کا سر فخر سے بلند کردیا، محسن نقوی کی رضوان الیون کو تاریخی جیت پر مبارکباد
حالیہ چیمپیئنز ٹرافی ایونٹ میں قومی ٹیم نے انتہائی ناقص کارکردگی کا مظاہرہ کیا اور کوئی ایک میچ جیتنے میں بھی ناکام رہی، بنگلہ دیش کے خلاف آخری گروپ میچ بارش کی نذر ہو جانے کے باعث قومی ٹیم کو صرف ایک پوائنٹ مل سکا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعتماد تنقید چیمپیئنز ٹرافی دفاع سرفراز احمد قومی کرکٹ ٹیم ناقص کارکردگی وی نیوز.
ذریعہ
ذریعہ: WE News
کلیدی لفظ: چیمپیئنز ٹرافی دفاع قومی کرکٹ ٹیم ناقص کارکردگی وی نیوز چیمپیئنز ٹرافی ناقص کارکردگی قومی کرکٹ ٹیم کے لیے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ