امریکہ: وائٹ ہاؤس کے نزدیک سیکریٹ سروس کی فائرنگ سے مسلح شخص زخمی
اشاعت کی تاریخ: 11th, March 2025 GMT
ویب ڈیسک —امریکی دارالحکومت واشنگٹن میں وائٹ ہاؤس کے نزدیک مزاحمت کے دوران ایک مسلح شخص سیکریٹ سروس کے اہلکار کی فائرنگ سے زخمی ہوگیا ہے۔
سیکریٹ سروس کی جانب سے اتوار کو جاری کیے گئے بیان کے مطابق فائرنگ کا واقعہ نصف شب کے قریب وائٹ ہاوس کے قریب پیش آیا۔
واقعے کے وقت صدر ڈونلڈ ٹرمپ وائٹ ہاؤس میں موجود نہیں تھے اور ریاست فلوریڈا گئے ہوئے تھے۔
بیان کے مطابق فائرنگ میں زخمی ہونے والا شخص بظاہر امریکی ریاست انڈیانا سے آرہا تھا۔ حکام کے مطابق فائرنگ میں کوئی اور زخمی نہیں ہوا۔
سیکریٹ سروس کو مقامی پولیس سے ایک مبینہ ’’خود کُش شخص‘‘ کے انڈیانا سے سفر کرنے کی اطلاع ملی تھی اور سروس نے فراہم کی گئی معلومات سے مطابقت رکھنے والے شخص اور گاڑی کو تلاش کرلیا۔
بیان کے مطابق سیکرٹ سروس کے اہل کار مذکورہ شخص تک پہنچے تو اس نے اپنے پاس موجود ہتھیار لہرانا شروع کردیا جس کے بعد مسلح تصادم شروع ہوگیا جس میں فائرنگ تبادلہ ہوا۔
سیکریٹ سروس کے مطابق زخمی ہونے والا شخص اسپتال میں داخل ہے اور اس کی حالت کے بارے میں تفصیلات فراہم نہیں کی گئی ہیں۔
واشنگٹن کی میٹروپولیٹن پولیس نے کہا ہے کہ واقعے کی تحقیقات شروع کردی ہیں تاہم واقعے پر مزید تبصرہ نہیں کیا ہے۔
اس رپورٹ میں شامل معلومات خبر رساں ادارے ایسوسی ایٹڈ پریس سے لی گئی ہیں۔
.ذریعہ: Al Qamar Online
کلیدی لفظ: سیکریٹ سروس کے مطابق
پڑھیں:
چارسدہ میں اشتہاریوں کی فائرنگ سے پولیس اہلکار شہید‘ سب انسپکٹر زخمی
چارسدہ (نوائے وقت رپورٹ) پولیس نے چارسدہ کے علاقے ماجوگی میں اشتہاری ملزموں کی گرفتاری کیلئے چھاپہ مارا۔ ڈی پی او کے مطابق ملزموں کی فائرنگ سے پولیس اہلکار شہید اور سب انسپکٹر زخمی ہو گیا۔ ملزموں کی گرفتاری کیلئے سرچ آپریشن جاری ہے۔
سونے کی قیمت نئی بلند ترین سطح پر پہنچ گئی