متحدہ عرب امارات جانے پر پاکستانیوں کو پابندی کا سامنا، اصل معاملہ کیا ہے؟
اشاعت کی تاریخ: 13th, March 2025 GMT
وزارت خارجہ نے قومی اسمبلی میں ایک تحریری جواب میں بتایا ہے کہ (متحدہ عرب امارات) یو اے ای کے حکام کے مطابق پاکستانی شہریوں پر کوئی رسمی ویزا پابندی عائد نہیں ہے۔
ڈاکٹر نفیسہ شاہ کے سوال کے جواب میں وزارت نے کہا کہ یو اے ای کے سفارتخانے نے اطلاع دی ہے کہ ان کی اتھارٹی برائے شناخت، شہریت، کسٹمز اور پورٹ سیکیورٹی نے 5 سالہ ویزے کا اعلان کیا ہے جس کے لیے راؤنڈ ٹرپ ٹکٹس، ہوٹل کی بکنگ، جائیداد کی ملکیت کا ثبوت (اگر لاگو ہو) اور 3 ہزار درہم کی ابتدائی ادائیگی ضروری ہے۔
مزید پڑھیں: یو اے ای گولڈن ویزا: طلبا کو کون سے بڑے فائدے مل سکتے ہیں؟
جواب میں کہا گیا کہ متعدد مسائل کی وجہ سے سخت جانچ پڑتال اور پابندیاں عائد کی گئی ہیں۔ بعض پاکستانی شہریوں کو جعلی ڈگریاں، ڈپلوما اور جعل سازی شدہ ملازمت کے معاہدے جمع کرواتے ہوئے پایا گیا ہے۔ پاکستان کے کچھ افراد نے اپنے ویزوں کی مدت سے زیادہ قیام کیا ہے اور بعض نے سیاسی اور مجرمانہ سرگرمیوں میں حصہ لیا ہے۔ پاکستانی کمیونٹی کے بعض ارکان کو سوشل میڈیا پلیٹ فارمز کو غیر مناسب طریقے سے استعمال کرتے ہوئے پایا گیا ہے۔
ابو ظہبی میں پاکستانی سفارتخانے نے اس معاملے کو متعلقہ وزیر اور سیکریٹری سطح پر یو اے ای حکومت کے ساتھ اٹھایا ہے۔ وزارت کے مشرق وسطیٰ کے شعبے کے سینئر افسران اسلام آباد میں یو اے ای کے سفارتخانے کے ساتھ اس معاملے کو اٹھا رہے ہیں۔
مزید پڑھیں: حکومت ملک ریاض پر ہاتھ ڈالے گی اور انہیں یو اے ای سے واپس لائے گی، خواجہ آصف
یو اے ای ویزے کے اجرا کے لیے وزارت کی جانب سے سفارش نامے بروقت یو اے ای کے سفارت خانے کے ساتھ شیئر کیے جاتے ہیں تاکہ ویزا کی سہولت میں آسانی ہو۔ یو اے ای کی حکام نے کہا کہ پاکستانی شہریوں پر کوئی رسمی ویزا پابندی عائد نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی شہری متحدہ عرب امارات ویزا پابندی یو اے ای.ذریعہ: WE News
کلیدی لفظ: پاکستانی شہری متحدہ عرب امارات ویزا پابندی یو اے ای یو اے ای کے
پڑھیں:
ایک برس میں 7 لاکھ 27 ہزار سے زائد پاکستانی ملازمت کیلیے بیرون ملک منتقل
ویب ڈیسک : ایک سال میں 7 لاکھ 27 ہزار سے زائد پاکستانی ملازمت کیلیے بیرون ملک منتقل ہوگئے
اقتصادی سروے رپورٹ سامنے آگئی ہے جس میں انکشاف کیا گیا ہے کہ رواں مالی سال کے دوران لاکھوں پاکستان روزگار کیلیے بیرون ملک چلے گئے ہیں۔اقتصادی سروے رپورٹ میں بتایا گیا ہے کہ بیرون ملک کام کیلئے جانے والوں کی تعداد سب سے زیادہ پنجاب سے ہے، جہاں سے ایک سال کے دوران 4 لاکھ 4 ہزار 345 افراد بیرون ملک گئے۔
نیشنل اکیڈمی کو جدید بنانا میرا سب سے بڑا مقصد ہے: عاقب جاوید
خیبر پختونخواہ سے بیرون ملک کام کیلئے جانے والے افراد کی تعداد 1 لاکھ 87 ہزار ہے، سندھ سے 60 ہزار 424 افراد بیرون ملک کام کیلئے گئے ہیں۔اسی طرح قبائلی علاقوں سے 29 ہزار 937 افراد بیرون ملک کام کیلئے گئے جبکہ آزاد کشمیر سے بیرون ملک جانے والی لیبر کی تعداد 29 ہزار 591 ہے، ایک سال میں وفاقی دارالحکومت سے 8 ہزار 621 ورکرز بیرون ملک گئے۔ بلوچستان سے بیرون ملک جانے والے ورکرز کی تعداد 5 ہزار 668 ہے، شمالی علاقہ جات سے بیرون ملک جانے والے افراد کی تعداد 1692 ہے۔
نان رجسٹرڈ ریسٹورنٹس اور شادی ہالز سے متعلق حکومتِ پنجاب کا بڑا فیصلہ
کسی کو پاکستان کی جانب میلی آنکھ سے نہیں دیکھنے دیں گے، صدر کی وزیراعظم سے گفتگو