صوبائی وزیرصحت کی زیر صدارت اجلاس ، ہسپتال مینجمنٹ وکانفیلکٹ مینجمنٹ کورسز کا جائزہ لیا
اشاعت کی تاریخ: 13th, March 2025 GMT
لاہور (اُردو پوائنٹ اخبارتازہ ترین - اے پی پی۔ 13 مارچ2025ء) صوبائی وزیر صحت خواجہ سلمان رفیق کی زیر صدارت محکمہ سپیشلائزڈ ہیلتھ کیئر اینڈ میڈیکل ایجوکیشن میں اہم اجلاس منعقدہوا جس میں سیکرٹری صحت پنجاب عظمت محمود نے شرکت کی۔اجلاس کے دوران ہیلتھ پروفیشنلز کیلئے ہسپتال مینجمنٹ، پروکیورمنٹ اینڈانوینٹری کنٹرول، فنانشل اینڈ ریسورس مینجمنٹ، بجٹنگ اینڈ فنانشل پلاننگ، ہیومن ریسورس اینڈ لیڈرشپ، ایتھکس اینڈ لیگل ایسپیکٹس اور کانفیلکٹ مینجمنٹ کے کورسز کا جائزہ لیا گیا۔
ڈین آئی پی ایچ نے اس حوالے سے کورس آئو ٹلائنز سمیت دیگر تجاویز پیش کیں۔صوبائی وزیر صحت نے کہاکہ ہسپتال کے ایم ایس میں ایک لیڈر کی خصوصیات ہونی چاہئیں جو پوری ٹیم کو ساتھ لے کر چلے، سرکاری ہسپتالوں میں سہولیات عوام کی امانت ہیں، اللہ تعالی نے ہمیں ہسپتالوں میں آنے والی دکھی انسانیت کی خدمت کرنے کا نادر موقع فراہم کیا ہے۔(جاری ہے)
خواجہ سلمان رفیق نے انسٹیٹیوٹ آف پبلک ہیلتھ کو ہیلتھ پروفیشنلز کیلئے جدید کورسز ڈیزائین کرنے کی ہدایت کی ۔اجلاس میں سپیشل سیکرٹری آپریشنز طارق محمود رحمانی، ایڈیشنل سیکرٹری ٹیکنیکل ڈاکٹر محمد وسیم، ایڈیشنل سیکرٹری سدرہ سلیم، ڈین انسٹیٹیوٹ پبلک ہیلتھ پروفیسر سائرہ افضل اور ڈپٹی سیکرٹری ایڈمن نے شرکت کی۔
.ذریعہ: UrduPoint
کلیدی لفظ: تلاش کیجئے
پڑھیں:
راولپنڈی: ویسٹ مینجمنٹ کمپنی کا عید صفائی آپریشن کامیابی سے مکمل
— فائل فوٹوراولپنڈی میں ویسٹ مینجمنٹ کمپنی کا عید صفائی آپریشن کامیابی سے مکمل ہوگیا۔
عید صفائی آپریشن کے دوران راولپنڈی ڈویژن کی 22 تحصیلوں سے 72 گھنٹوں میں 20 ہزار ٹن سے زائد آلائشیں تلف کی گئیں۔
حکام کے مطابق 11 ہزار 687 ورکرز نے 2900 سے زائد گاڑیوں کے ساتھ صفائی آپریشن میں حصہ لیا اور 10 لاکھ 26 ہزار بائیو ڈی گریڈ ایبل ویسٹ بیگز تقسیم کیے گئے تھے۔
ڈی سی راولپنڈی حسن وقار چیمہ اور سی ای او رانا ساجد صفدر نے فیلڈ مانیٹرنگ کی۔
کمشنر عامر خٹک نے صفائی آپریشن کی خود نگرانی کی اور اضلاع کے دورے کیے جبکہ سینئر وزیر مریم اورنگزیب، طاہرہ اورنگزیب اور ارکان اسمبلی نے بھی ٹرانسفر اسٹیشنز کا دورہ کیا۔
راولپنڈی ڈویژن میں 22 کنٹرول رومز قائم کیے گئے، 800 سے زائد شکایات کا فوری ازالہ کیا گیا۔
علاوہ ازیں 73 مستقل اور 168 عارضی کلیکشن پوائنٹس سے آلائشوں کو بروقت اٹھایا گیا۔
عید کے پہلے دن 9085 ٹن اور دوسرے دن 9734 ٹن آلائشیں ٹھکانے لگائی گئیں جبکہ 17 ڈمپ سائٹس پر 34 خندقوں میں آلائشیں دفن کر کے چونا ڈالا گیا۔
آلائشیں ٹھکانے لگانے کے بعد گلی محلوں کو عرق گلاب سے دھویا جارہا ہے: کمشنر لاہور
راولپنڈی، اٹک، چکوال، جہلم، مری، تلہ گنگ، ٹیکسلا، گوجرخان سمیت ہر تحصیل میں ٹیمیں متحرک رہیں، 135 بڑی اجتماعی قربان گاہوں پر خصوصی عملہ تعینات رہا، عوام کو سوشل میڈیا اور ایس ایم ایس سروس کے ذریعے بھی آگاہی دی گئی۔
اسلام آباد میں صفائی آپریشن عید کے تیسرے روز بھی جاریدوسری جانب اسلام آباد میں صفائی آپریشن عید کے تیسرے روز بھی جاری ہے، عید کے دوسرے دن تک 65 ہزار 138چھوٹے اور 46 ہزار 52 بڑے جانوروں کی آلائشیں اکٹھی کی گئیں۔
عید کے دوسرے روز مجموعی طور پر 502 ٹن آلائشیں ٹھکانے لگائی گئیں جبکہ 12 ہزار 373 بڑے اور 17 ہزار 695 چھوٹے جانوروں کی آلائشیں اکٹھی کی گئیں۔
ڈی سی اسلام آباد نے بتایا کہ قربانی والے مقامات کی عرق گلاب اور فینائل سے فوری طور پر دھلائی کی گئی، سیف سٹی میں قائم کنٹرول روم سے بھی صفائی آپریشن کی نگرانی کی جا رہی ہے۔
ڈی سی اسلام آباد نے یہ بھی بتایا کہ شہریوں سے درخواست ہے کہ آلائشیں کھلے مقامات پر ہرگز نہ پھینکیں۔
ہماری معاشی خود انحصاری کا دارومدار سستی بجلی اور زراعت پر ہے: وزیراعظم