گاڑی چوری میں ملوث پولیس اہلکار دو سگے بھائیوں اور ساتھی سمیت گرفتار، کار برآمد
اشاعت کی تاریخ: 13th, March 2025 GMT
گرفتار ملزمان میں شامل پولیس اہلکار فیضان سیکیورٹی ٹو میں تعینات ہے، جبکہ وہ اورنگی ٹاؤن کے رہائشی ہیں اور اس ںے ابتدائی تفتیش میں گاڑی چوری کرنے کی وجہ کو مالی تنگدستی اور قرض کی رقم ادا کرنا قرار دیا ہے، جس کی پولیس مزید تحقیقات کر رہی ہے۔ اسلام ٹائمز۔ شہر قائد میں اینٹی وہیکل لفٹنگ سیل پولیس نے گاڑی چوری کرنے میں ملوث پولیس اہلکار سمیت 3 سگے بھائیوں کو چوتھے ساتھی سمیت گرفتار کرکے کار برآمد کرلی، ملزمان میں شامل پولیس اہلکار کا ایک بھائی چوری کی جانے والی کار کے مالک کا ڈرائیورتھا اور اس نے گاڑی کا ڈپلیکٹ ریموٹ بنوا رکھا تھا۔ تفصیلات کے مطابق نارتھ کراچی کے علاقے سیکٹر الیون بی سے نامعلوم ملزمان گھر کے باہر کھڑی 2025ء ماڈل کی ہنڈا سٹی گاڑی چوری کرکے فرار ہوگئے، جس کا مقدمہ نمبر 133 سال 2025ء سرسید ٹاؤن پولیس نے درج کرکے اے وی ایل سی نیو کراچی ڈویژن کے انچارج سب انسپکٹر قیصر آفریدی کے سپرد کر دیا، جس کے بعد پولیس نے گاڑی کی چوری کے حوالے تحقیقات کرتے ہوئے گاڑی کا سراغ لگا کر اسے برآمد کرلیا۔
قیصر آفریدی نے بتایا کہ گاڑی کی چوری میں ملوث گاڑی کے مالک کے ڈرائیور اعظم کو اس کے پولیس اہلکار بھائی فیضان اور احسن سمیت چوتھے ساتھی آصف رضی کے ساتھ گرفتار کرلیا، جبکہ ڈرائیور اعظم نے کار کا ڈپلیکیٹ ریموٹ گلستان جوہر کے علاقے سے 7 ہزار روپے میں بنوایا تھا اور کار چوری کرنے بعد سرجانی ٹاؤن کے علاقے میں قائم پیٹرول پمپ کے قریب ٹاپ کور ڈال کر پارک کی تھی۔ ملزمان گاڑی فروخت کرنے کیلئے بلوچستان بھی گئے، تاہم قیمت اچھی نہ ملنے پر وہ کار فروخت نہ کر سکے۔
انہوں نے بتایا کہ ملزمان گاڑی فروخت کرنے ملتان لے جا رہے تھے کہ پولیس پارٹی نے خفیہ ذرائع سے ملنے والی اطلاع پر اندرون سندھ میں چھاپہ مار کر ملزمان کو گرفتار کرکے کار برآمد کرلی۔ قیصر آفریدی نے بتایا کہ گرفتار ملزمان میں شامل پولیس اہلکار فیضان سیکیورٹی ٹو میں تعینات ہے، جبکہ وہ اورنگی ٹاؤن کے رہائشی ہیں اور اس ںے ابتدائی تفتیش میں گاڑی چوری کرنے کی وجہ کو مالی تنگدستی اور قرض کی رقم ادا کرنا قرار دیا ہے، جس کی پولیس مزید تحقیقات کر رہی ہے۔
ذریعہ: Islam Times
کلیدی لفظ: پولیس اہلکار گاڑی چوری چوری کرنے
پڑھیں:
سیالکوٹ: مویشی چوری پر پنچایت کا مدعیان سے قبر میں کھڑا کر کے حلف
—فیس بک ویڈیو گریبسیالکوٹ میں پنچایت نے چوری کے کیس کے مدعیان کو قبر میں کھڑا کر کے ان سے حلف لیا۔
پولیس ترجمان کے مطابق 3 ملزمان پر 2 ہفتے قبل مویشی چوری کا مقدمہ تھانہ بیگوالہ میں درج کیا گیا تھا، چوری کے مقدمے میں نامزد ملزمان نے ضمانت کرا رکھی تھی۔
ترجمان پولیس نے بتایا ہے کہ ملزمان کی درخواست پر پنچائیت طلب کی گئی تھی، پنچایت نے مدعیان کو قبر میں کھڑا ہو کر قرآن پر حلف لینے کا حکم دیا۔
اسلام آباد سندھ اور بلوچستان کی سرحد پر تاریخی...
پنچایت کا کہنا ہے کہ مدعیان سے حلف لینے کے بعد مبینہ چوروں سے 70 لاکھ روپے لیے گئے۔
دوسری جانب قبر میں کھڑا کر کے حلف لینے کی ویڈیو سامنے آنے پر ڈی پی او نے نوٹس لے لیا۔
ترجمان پولیس نے بتایا ہے کہ قبرستان کی بے حرمتی پر 3 نامزد، 10 نامعلوم ملزمان پر مقدمہ درج کیا گیا ہے جبکہ واقعے میں ملوث 3 ملزمان کو گرفتار کر لیا گیا ہے اور دیگر کی تلاش جاری ہے۔
پاکستان ریلوے مالی بحران کا شکار، آپریشن چلانا مشکل ہوگیا