قوم اسمبلی میں ایوان کو متحد دیکھنا چاہتی ہے، علی محمد خان
اشاعت کی تاریخ: 14th, March 2025 GMT
اسلام آباد:
رہنما تحریک انصاف علی محمد خان کا کہنا ہے کہ آج ایوان میں بہت افسوس ہوا، ہم نے کل بھی اسپیکر صاحب کے سامنے درخواست کی تھی کہ اتنا اہم واقعہ ہوا ہے تو آپ کل کے دن کارروائی نہ کیجیے، اسے اسپیشل سیشن بنایے اور اس پر ڈبیٹ کیجیے ،دیر آید درست آید آج اسپیکر صاحب نے اس کا فیصلہ کیا کہ اس پر ڈبیٹ کرتے ہیں۔
ایکسپریس نیوز کے پروگرام سینٹر اسٹیج میں گفتگو کرتے ہوئے انھوں نے کہا کہ میرے خیال میں وزیرا عظم شہبازشریف جس بھی طریقے سے منتخب ہو ئے ہیں لیکن اب ہیں وزیراعظم کی کرسی پر جب تک وہ ہیں تو اپنی ذمے داری نبھائیں،قوم قومی اسمبلی میں ایوان کو متحد دیکھناچاہتی ہے۔
رہنما مسلم لیگ (ن) خرم دستگیر نے کہا کہ جو پاکستان کی اپوزیشن ہے اگر آپ نے ان کے کل کے اور پرسوں کے ٹویٹس پڑھے ہوں، ان کا تو تمام فوکس اس بات کا تھا کہ وہ ہر چیز کو اپنی سیاسی مشکلات سے جوڑ دیتے ہیں کہ ہمارے لوگوں کو گرفتار کیا گیا، یا بانی چیئرمین زیر حراست ہیں انھوں نے تو پاکستان کے رہنے والوں کی زندگیوں کو بچانے میں کوئی انٹرسٹ شو نہیں کیا جس دہشت گردی کا ہمیں سامنا ہے اس کو لڑنے میں انھوں نے کسی عزم کا اظہارنہیں کیا لیکن اس کے باوجود بہتر تو یہی تھا کہ وزیراعظم آج آکر ایک اتفاق رائے پیدا کرنے کی کوشش کرتے۔
دفاعی تجزیہ کار میجر جنرل (ر) زاہد محمود نے کہا کہ سمجھنے کی ضرورت ہے کہ یہ جو بلوچستان کی ایپلی کیشن ہے یہ تھوڑی سی ڈفرنٹ ہے میری نظر میں خیبر پختونخوا سے خیبر پختونخوا میں جو تھریٹ ہے ہم دیکھ رہے ہیں کہ افغانستان کی جو عبوری حکومت ہے اس میں وہ ٹی ٹی پی کو، فتنہ الخوارج کو ضرور سپورٹ کر رہی ہے، پراکسی کے طور پر اس کو استعمال کر رہی ہے۔
اب پراکسی کیا وہ ان کو شیلٹر کر رہی ہے، امبریلا، اور پارٹنر بنے ہوئے ہیں وہ، بلوچستان کی جو سچویشن ہے یہ پاکستان کیلیے اس وقت تھوڑی سی خطرناک ہے پھر یہاں ریڈیکلائزیشن اور ایکسٹریم ازم کے ایشوز ہیں تو میرا خیال ہے کہ اور اس کے علاوہ آپ دیکھتے ہیں کہ یہاں پر سبورڑنز کے ایشوز ہیں اور اب وہ خواتین کو ٹارگٹ کر رہے ہیں اور خواتین کا سبورٹ ہوجانا بہت ہی ڈینجریس ہے۔
.ذریعہ: Express News
پڑھیں:
جمہوریت اور سیاست کا حسن ڈائیلاگ میں ہے، اس بارے ایوان کی کمیٹی بنائی جائے، اعظم نذیرتارڑ
اسلام آباد(اُردو پوائنٹ اخبارتازہ ترین - این این آئی۔ 12 اگست2025ء)وفاقی وزیر قانون اعظم نذیر تارڑ نے کہا ہے کہ جمہوریت اور سیاست کا حسن ڈائیلاگ میں ہے،اس حوالے سے ایوان کی کمیٹی بنائی جائے۔منگل کو قومی اسمبلی میں نکتہ اعتراض کے جواب میں سپیکر نے کہاکہ تحریک استحقاق کے حوالے سے باقاعدہ قواعد موجود ہیں،گزشتہ روز بھارت میں راہول گاندھی گرفتار ہوئے لیکن ان کے پروڈکشن آرڈر جاری نہیں ہوئے، رولز کے مطابق ملاقاتیں نہ ہونے سے استحقاق مجروح نہیں ہوتا، کسی رکن کو پارلیمانی ذمہ داریوں کی ادائیگی سے روکنے پر استحقاق مجروح ہوتا ہے،حکومت اور اپوزیشن بات کریں ،میں سہولت فراہم کرنے کے لئے تیار ہوں،ہم نے پہلے بھی سہولت فراہم کی۔سپیکر نے کہا کہ یہ ایوان ہمارا گرینڈ جرگہ ہے، یہاں بات کریں۔(جاری ہے)
سینیٹ اور قومی اسمبلی ہمارا گرینڈ جرگہ ہے۔وزیر قانون اعظم نذیر تارڑ نے کہا کہ اج نجی کارروائی کا دن ہے، اپوزیشن بائیکاٹ پر نظر ثانی کرے۔اپوزیشن ہمارے ساتھ آکر بیٹھے،سیاست کا حسن بات چیت میں ہے،اس پر کمیٹی بنالیں اور بات کریں۔سپیکر نے کہا کہ وزیر قانون،وزیر داخلہ، نوید قمر اور اپوزیشن سے دو رکن بیٹھیں اور اس پر فیصلہ کریں۔
پیپلز پارٹی کے رکن عبد القادر پٹیل نے کہا کہ جب کمیٹی بیٹھے تو یہ بھی غور کرے کہ ہم آصف زرداری کے پروڈکشن آرڈر جاری کرانے کے لئے ساری رات سابق سپیکر اسد قیصر کے دفتر کے باہر موجود رہے تھے۔یہ رات تین بجے پچھلے دروازے سے نکل کر بھاگ گئے۔ یہ اپنے دور میں اٹھائے گئے اقدامات پر معافی مانگ کرنقطہ اعتراض پر بات کا اغاز کیا کریں۔سپیکر نے کہا کہ اپوزیشن کے ارکان کی گرفتاری پراپ نے پروڈکشن آرڈر جاری کرنے کا کہا تھا،اس دوران اپوزیشن نے علامتی واک آؤٹ کیا۔
قیمتی پتھروں اور زیورات کا شعبہ برآمداتی حکمتِ عملی میں کلیدی کردار ادا کر سکتا ہے، وزیر تجارت