’امجد صابری کی میت غسل کے دوران مسکرانے لگی تھی‘، رمضان چھیپا کے انکشافات
اشاعت کی تاریخ: 14th, March 2025 GMT
امجد صابری ایک مشہور پاکستانی قوال تھے جو 22 جون 2016 کو اُس وقت قتل کر دیے گئے جب وہ نجی ٹی وی کی رمضان نشریات کی ریکارڈنگ کے لیے جا رہے تھے کہ موٹر سائیکل پر سوار دو افراد نے گاڑی کا پیچھا کرنے کے بعد اُسے روکا اور گاڑی کے دونوں جانب سے گولیاں برسائیں۔
ان کی عمر اس وقت تقریباً 39 سال تھی، امجد صابری نے اپنے اہل خانے میں 2 بیوائیں اور 5 بچے چھوڑے ہیں جن میں دو بیٹیاں اور تین بیٹے شامل ہیں۔ امجد صابری کی اچانک اور دل دہلا دینے والی وفات ان کے مداحوں کے لیے ایک دھچکا تھی جس پر ہر آنکھ اشکبار تھی۔
امجد صابری کو غسل چھیپا فاؤنڈیشن کے مالک رمضان چھیپا نے دیا، جنہوں نے حال ہی میں امجد صابری کے آخری غسل کے بارے میں حیران کن تفصیلات بتائیں۔
یہ بھی پڑھیں: لمحہ فکریہ: امجد صابری کے قتل کے بعد ان کا خاندان شہر کیوں چھوڑ گیا؟
اس بارے میں بات کرتے ہوئے رمضان چھیپا نے کہا کہ وہ جب مردوں کو غسل دیتے ہیں تو مختلف چیزیں دیکھتے ہیں، پھر انہوں نے معروف قوال امجد صابری کا واقعہ سناتے ہوئے کہا کہ جب وہ امجد صابری کو غسل دے رہے تھے تو ایک لمحے کے لیے رکے اور کانپنے لگے کیونکہ امجد صابری اچانک مسکرانے لگے تھے۔
رمضان چھیپا نے کہا کہ انہوں جلدی سے امجد صابری کے گھر والوں کو بلایا کہ ادھر آئیں اور انہیں دیکھیں، انہوں نے بتایا کہ امجد صابری کے گھر والوں نے انہیں دیکھتے ہی دعائیں، درود شریف، تلاوت اور نعتیں پڑھنا شروع کر دیں تو یہاں کچھ اور ہی ماحول بن گیا تھا۔ انہوں نے کہا کہ یہ اللہ ہی جانتا ہے کہ اس طرح کے واقعات کی حقیقت کیا ہے۔
@gnnhd.
official “امجد صابری کی میت غسل کے دوران مسکرانے لگی” رمضان چھیپا نے ایسا واقعہ سنایا کہ محسن بھٹی بھی حیران رہ گئے! #gnn #news #gkaysang #amjadsabri #latest #video ♬ original sound – Gnn HD Official
رمضان چھیپا کی یہ ویڈیو وائرل ہوئی تو صارفین کی جانب سے اس پر مختلف تبصرے کیے گئے۔ کسی نے کہا کہ امد صابری بے گناہ انسان تھے تو کئی صارفین نے اپنے پیاروں کے ساتھ ایسے ہی واقعات پیش آنے کا تذکرہ کیا۔
جبکہ چند صارفین ایسے تھے جنہوں نے رمضان چھیپا پر اس واقعہ کو شیئر کرنے پر تنقید کی اور کہا کہ جو میت کو غسل دیتا ہے وہ رازدار ہوتا ہے اس لیے غسل میں جیسے بھی معاملات ہوں ان کو افشاں نہیں کیا جاتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امجد صابری امجد صابری قتل رمضان چھیپاذریعہ: WE News
کلیدی لفظ: امجد صابری قتل رمضان چھیپا رمضان چھیپا نے امجد صابری کے نے کہا کہ کے لیے کو غسل
پڑھیں:
کراچی میں دلخراش حادثہ، گھر میں آگ لگنے سے ماں بیٹی ہلاک
اورنگی ٹاؤن شاہ فیصل چوک کے قریب گھر میں آتشزدگی کے دوران ماں بیٹی جھلس کر جاں بحق ہو گئیں۔ تفصیلات کے مطابق اتوار کی صبح پاکستان بازار تھانے کے علاقے اورنگی ٹاؤن سیکٹر 14 جی شاہ فیصل چوک گلی نمبر 2 میں واقع مکان نمبر 39 میں اچانک آگ بھڑک اٹھی جس نے دیکھتے ہی دیکھتے شدت اختیار کر لی، گھر میں آگ لگتے ہی علاقہ مکین جمع ہوگئے اور علاقہ مکینوں نے اپنی مدد آپ کے تحت گھر میں لگنے والی آگ پر قابو پانے کی کوشش شروع کر دی۔ اس دوران فائر بریگیڈ کے عملے اور ریسکیو اداروں کو بھی طلب کر لیا گیا، گھر میں آتشزدگی کے دوران 2 خواتین شدید جھلس کر شدید زخمی ہوگئیں جنہیں ایدھی ایمبولیسنز کے ذریعے تشویشناک حالت میں اسپتال منتقل کیا جا رہا تھا کہ دونوں خواتین دوران سفر دم توڑ گئی، جاں بحق خواتین کی شناخت 50 سالہ کلیم النساء اور 25 سالہ عتیقہ کے نام سے کی گئیں۔ ایس ایچ او پاکستان بازار امام بخش لاشاری کے مطابق جھلس کر جاں بحق ہونے والی خواتین آپس میں ماں بیٹی ہیں۔ انہوں نے بتایا کہ گھر میں آتشزدگی کا واقعہ صبح 9 بجے کے بعد پیش آیا، گھر گراؤنڈ پلس ون فلور بنا ہوا ہے اور آگ گراؤنڈ فلور میں لگی۔ واقعے کی اطلاع ملنے پر جب پولیس موقع پر پہنچی تب تک گراؤنڈ فلور مکمل جل چکا تھا اور ہرطرف پانی ہی پانی تھا۔ علاقہ مکینوں کے مطابق آتشزدگی کا واقعہ گھر میں شارٹ سرکٹ کے باعث پیش آیا اور گھر میں باورچی خانے کے باہر نصب بجلی کے بورڈ سے آگ بھڑکی، تاہم پولیس کو شبہ ہے کہ گھر میں آتشزدگی کا واقعہ گیس کے اخراج کے باعث پیش آیا ہے۔ ایچ ایچ او نے بتایا کہ پولیس نے واقعے کے بعد کرائم سین یونٹ کو موقع پر طلب کرلیا ہے تاکہ شواہد کی روشنی میں معلوم کیا جا سکے کہ حادثہ کیسے پیش آیا ہے، پولیس نے اپنی جانچ جاری رکھی ہوئی ہے۔
کیریبین جزائر میں رواں سال کا طاقتور ترین طوفان داخل، 3 افراد ہلاک