خون کا عطیہ کرنے سےصحت پر کیسے حیرت انگیزاثرات ہوتے ہیں ؟ جانیں
اشاعت کی تاریخ: 17th, March 2025 GMT
بیشتر افراد کو علم ہے کہ خون عطیہ کرنے سے حادثات کے شکار افراد، آپریشن کرانے والے مریضوں اور کسی دائمی مرض کے شکار افراد کی زندگی بچانے میں مدد ملتی ہے۔
مگر خون کا عطیہ دینے والے فرد کو اس سے کیا فائدہ ہوتا ہے؟
درحقیقت خون کا عطیہ دینے سے آپ نہ صرف کسی قیمتی زندگی کو بچا سکتے ہیں بلکہ اس سے آپ کی صحت کو بھی حیران کن فوائد حاصل ہوتے ہیں۔یہ بات برطانیہ میں ہونے والی ایک طبی تحقیق میں سامنے آئی۔
فرانسیس کریک انسٹیٹیوٹ کی تحقیق میں اکثر خون کا عطیہ دینے اور خون کے کینسر کے خطرے میں کمی کے درمیان تعلق دریافت کیا گیا۔تحقیق کے مطابق عمر بڑھنے کے ساتھ خون بنانے والے اسٹیم سیلز میں قدرتی طور پر جینیاتی تبدیلیاں آتی ہیں جسے طبی زبان میں clonal hematopoiesis کہا جاتا ہے۔ان میں کچھ جینیاتی تبیدلیوں سے خون کے کینسر اور خون سے جڑے دیگر امراض کا خطرہ بڑھتا ہے۔
تحقیق کے دوران محققین نے 60 سال سے زائد عمر کے مردوں کے 2 گروپس کے ڈیٹا کا موازنہ کیا تھا۔اس پھل کو روزانہ کھانے سے آپ ڈپریشن جیسے مرض کو خود سے ہمیشہ دور رکھ سکتے ہیںایک گروپ ایسے افراد کا تھا جو 40 برسوں سے ہر سال 3 بار خون کا عطیہ کرنے والے مردوں پر مشتمل تھا جبکہ دوسرا ان مردوں کا تھا جنہوں نے خون کا عطیہ زندگی میں محض 5 بار دیا تھا۔
تحقیق کے نتائج چونکا دینے والے ثابت ہوئے۔دونوں گروپس میں لگ بھگ ملتے جلتی جینیاتی تبدیلیاں دیکھنے میں آئیں مگر جو افراد اکثر خون کا عطیہ کرتے تھے ان میں ایسی تبدیلیاں ہوئیں جو کینسر سے جڑی ہوئی نہیں تھیں۔محققین کے مطابق خون کا عطیہ اکثر کرنے سے خون کے نئے خلیات بننے کا عمل تیز ہوتا ہے جس سے کینسر سے بچنے میں مدد ملتی ہے۔
اس سے قل بھی تحقیقی رپورٹس میں دریافت کیا گیا تھا کہ خون کا عطیہ کرنے سے امراض قلب سے بچنے میں مدد ملتی ہے۔خون کا عطیہ کرنے سے خون کو پتلا رکھنے میں مدد ملتی ہے جس سے بلڈ کلاٹنگ، بلڈ پریشر اور فالج کا خطرہ گھٹ جاتا ہے۔
اسی طرح ایک اور تحقیق میں دریافت کیا گیا تھا کہ خون کا عطیہ کرنے سے انسولین کی حساسیت بہتر ہوتی ہے جس سے ذیابیطس ٹائپ 2 سے متاثر ہونے کا خطرہ گھٹ جاتا ہے۔اور ہاں ہر بار خون عطیہ کرنے سے قبل آپ کا مفت طبی معائنہ بھی ہو جاتا ہے کیونکہ ڈاکٹر بلڈ پریشر، ہیموگلوبن کی سطح کو چیک کرتے ہیں۔
.ذریعہ: Daily Ausaf
کلیدی لفظ: خون کا عطیہ کرنے سے میں مدد ملتی ہے جاتا ہے
پڑھیں:
بغیر گھی اور تیل کے بکرے/ گائے کا مزیدار گوشت بنانے کا طریقہ جانیں؟
لاہور (ڈیلی پاکستان آن لائن)کیا آپ بھی کم گھی اور تیل میں کھانا بنانے کے شوقین ہیں لیکن عید الاضحیٰ کا گوشت بھی نہیں چھوڑناچاہتے؟ بہت سے افراد کھانوں میں کم تیل اور گھی پسند کرتے ہیں اور پھر تیل اور گھی کا کم سے کم استعمال صحت کے لیے بھی فائدہ مند ہوتا ہے۔
نجی ٹی وی جیو نیوز کے مطابق آج ہم آپ کے لیے ایسی زبردست ترکیب لائے ہیں جس سے آپ گائے اور بکرے کا گوشت گھی یا تیل کا استعمال کیے بغیر بناسکتے ہیں؟
تیل اور گھی کے بغیر گوشت کی منفرد ترکیب :پین میں ایک لٹر پانی لیں اور اس میں2 بڑی الائچی اور3 جوے لہسن کے شامل کرلیں، اسے ڈھک کر ابال آنے تک پکائیں۔پھر اس میں 2 سوکھی لال مرچیں شامل کریں اور پھر ایک کلو بکرے یا گائے کا گوشت شامل کرنے کے بعد اسے تیز آنچ پر پکائیں۔
ساتھ ہی اس میں آدھا چائے کا چمچ ثابت کالی مرچیں شامل کر لیں، تھوڑی دیر جیسے ہی آپ کو پین میں جھاگ نظر آئے تو آپ اسے کسی کپ کی مدد سے ہٹا لیں۔
جھاگ اتارنے کے بعد اس میں آدھا چائے کا چمچ نمک، اتنی ہی پسی لال مرچ اور زیرہ پاؤڈر شامل کریں، اسے اچھی طرح چمچ سے ملا کر 2 بری ہری مرچیں شامل کرکے ڈھکن ڈھک کر درمیانی آنچ پر پکائیں۔
اس گوشت کو 20 سے 25 منٹ تک اس طرح پکنے دیں کہ یخنی اوپر آجائے۔
اس کے بعد اس وقت تک پکائیں جب تک پانی مکمل خشک نہ ہو جائے، ساتھ ساتھ گوشت گلا ہے یا نہیں، یہ بھی چیک کرتے رہیں۔
پانی خشک ہونے اور گوشت گلنے پر آپ کی یہ مزیدار ڈش تیار ہے، آخر میں اس میں گرم مصالحہ پاؤڈر شامل کریں اور لیجیے بغیر گھی اور تیل سے بنا مٹن/بیف تیار ہے۔نوٹ: یہ ریسیپی شیف اعجاز انصاری کی جانب سے بتائی گئی ہے۔
کیا بجلی کے دو میٹر لگانے پر پابندی عائد ہوگئی ہے؟ پاور ڈویژن کا اہم بیان سامنے آگیا
مزید :
پاکستان اور افغانستان کا باہمی اعتماد کے فروغ کیلئے تعاون جاری رکھنے پر اتفاق