ٹرین ہائی جیک: ٹریک کی بحالی کا کام جا ری، بلوچستان میں ہائی الرٹ
اشاعت کی تاریخ: 17th, March 2025 GMT
ایک ہفتے قبل کوئٹہ سے پشاور جا نے والی جعفر ایکسپریس پر ہو نے والے حملے کے بعد کوئٹہ سے کراچی اور کوئٹہ سے پنجاب و پشاور جا نے والی ریل گاڑیاں چھٹے روز بھی معطل رہیں۔
یہ بھی پڑھیں: سانحہ جعفر ایکسپریس، وزیر دفاع خواجہ آصف نے مشروط طور پر استعفیٰ کی پیشکش کردی
وی نیوز سے بات کر تے ہوئے ترجمان ریلوے نے بتایا کہ ٹریک کی بحالی کے لیے گزشتہ روز سیکیورٹی فورسز کی کلیئرنس ملنے کے بعد ٹریک کی بحالی کا کام شروع کردیا تھا۔
ان کا کہنا ہے کہ ریلوے انجینیئرنگ ٹیمز جائے وقوعہ پر موجود ہیں جہاں متاثرہ ٹرین کو ٹریک سے ہٹا نے سمیت پٹڑی کی بحالی کا کام جا ری ہے جو متوقع طورپر آج شام تک مکمل کرلیا جائے گا۔
مزید پڑھیے: جعفر ایکسپریس حملہ کوریجر
ریلوے حکام کے مطابق متاثرہ ٹریک کی مرمت سے قبل حملے کا شکار جعفر ایکسپریس کے انجن کو سبی جبکہ 4 بوگیوں کو مچھ منتقل کیا گیا تھا، متاثرہ 6 بوگیوں کو ٹریک سے اتار کر پٹڑی کی مرمت کا کام جا ری ہے تاہم مرمت کے بعد بھی ٹریک سروس کی بحالی سیکیورٹی کلیئرنس پر مشروط ہوگی۔
دوسری جانب 11مارچ کوجعفر ایکسپریس حملے میں زخمی ہونے والے 12 زخمیوں کو سول اسپتال سے ڈسچارج کر دیا گیا ہے۔
اسپتال انتظامیہ کے مطابق 4 زخمیوں کو اسپتال کے ٹراما سینٹر میں طبی امداد فراہم کی جا رہی ہے تمام زخمیوں کی حالت خطرے سے باہر ہے۔
ایم ڈی ٹراما سینٹر کے مطابق 13مارچ کو جعفر ایکسپریس حملے کے 17 زخمی سول اسپتال لائے گئے تھے جبکہ ایک زخمی کو سول اسپتال سے سی ایم ایچ منتقل کیا گیا تھا۔
مزید پڑھیں: جعفر ایکسپریس کا روٹ کب تک بحال ہوجائے گا؟ ریلوے حکام نے بتادیا
جعفر ایکسپریس اور نوشکی میں سیکیورٹی فورسز پر ہو نے والے حملے کے بعد صوبے میں سیکیورٹی سخت کر دی گئی ہے۔
صوبے کے حساس علاقوں میں سیکیورٹی کی نفری بھی بڑھا دی گئی ہے جبکہ بلو چستان کے صوبائی درالحکومت کوئٹہ میں سیکیورٹی ہائی الر ٹ ہے۔
کوئٹہ کے ایئر پورٹ روڈ کو سمنگلی روڈ سے منسلک کرنے والے شہدائے زہری فلائی اوور کو ٹریفک کے لیے دونوں اطراف سے بند کردیا گیا ہے۔
ضلعی انتظامیہ نے رابطہ کرنے پر بتایا ہے کہ پل کو سیکورٹی خدشات کی بناءپرٹریفک کے لیے بند کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستاب سیکیورٹی الرٹ ٹرین ہائی جیک جعفر ایکسپریس سانحہ.ذریعہ: WE News
کلیدی لفظ: بلوچستاب سیکیورٹی الرٹ ٹرین ہائی جیک جعفر ایکسپریس سانحہ
پڑھیں:
بھارت کی ایٹمی تنصیبات اور مواد غیر محفوظ ہیں، ان کی سیکیورٹی لیا جائے، پاکستان کا مطالبہ
پاکستان نے بھارت کی جانب سے پاکستانی ایٹمی اثاثوں کے حوالے سے بیان کی شدید مذمت کرتے ہوئے مطالبہ کیا ہے کہ بھارت میں ایٹمی تنصیبات اور مواد کا جائزہ لیا جائے۔
یہ بھی پڑھیں: جوہری مواد کی چوری اور فروخت پر بھارت سے پوچھ گچھ کی جائے، پاکستان کا سلامتی کونسل سے مطالبہ
دفتر خارجہ نے ایک بیان میں کہا ہے کہ بھارتی وزیر دفاع راج ناتھ سنگھ کا یہ غیرذمے دارانہ بیان بھارت کے عدم تحفظ اور ناکام دفاعی حکمت عملی کی عکاسی کرتا ہے۔
بیان میں کہا گیا کہ بھارت کے وزیر دفاع کی باتوں سے عالمی ایجنسی آئی اے ای اے کی ذمے داریوں سے لاتعلقی ظاہر ہوتی ہے۔
دفتر خارجہ نے کہا کہ بھارت میں ایٹمی مواد کی چوری اور غیر قانونی اسمگلنگ پر عالمی برادری کو تشویش ہونی چاہیے۔
مزید پڑھیے: ’بھارتی میڈیا جھوٹا ہے‘، نیویارک ٹائمز نے آئینہ دکھا دیا
بیان میں کہا گیا کہ سنہ 2024 میں بھارت کے بھابھا ایٹمی ریسرچ سینٹر سے تابکاری آلہ چوری ہونے کی اطلاعات آئیں اور دہرا دون سے 5 افراد کے قبضے سے ایٹمی مواد برآمد ہوا اور گزشتہ 10 برسوں میں بھارت سے 100 ملین ڈالر کا تابکار مواد کالیفوینم ایکسپورٹ ہوا اور سال 1021 میں بھارت میں تابکار مواد کی چوری کے 3 واقعات رپورٹ ہوئے۔
پاکستان نے مطالبہ کیا کہ بھارت میں ایٹمی تنصیبات اور مواد کا جائزہ لیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت بھارت میں ایٹمی مواد چوری پاکستان پاکستان دفتر خارجہ
کسی کو پاکستان کی جانب میلی آنکھ سے نہیں دیکھنے دیں گے، صدر کی وزیراعظم سے گفتگو