سکردو، اسلامی تحریک کے زیر اہتمام افطار پارٹی، تنظیمی و ملی امور پر گفتگو
اشاعت کی تاریخ: 17th, March 2025 GMT
صدر ضلع سکردو حجت الاسلام آغا سید حسن فلسفی نے اپنی تمہیدی گفتگو میں قائد ملت جعفریہ پاکستان، علامہ سید ساجد علی نقوی کی سیاسی بصیرت اور حکمت عملی پر روشنی ڈالی۔ اسلام ٹائمز۔ ولادت باسعادت حضرت امام حسن مجتبیٰ علیہ السلام کے پُرمسرت موقع پر اسلامی تحریک پاکستان ضلع سکردو کے صدر و جنرل سیکرٹری تحصیل اسکردو کے صدر و جنرل سیکرٹری کی جانب سے ضلعی کابینہ اور تحصیل سکردو کے صدر و کابینہ کے اعزاز میں ایک پروقار افطار ڈنر کا اہتمام کیا گیا۔ اجلاس کا آغاز جشن امام حسن مجتبیٰ علیہ السلام سے ہوا اس کے بعد صدر ضلع سکردو حجت الاسلام آغا سید حسن فلسفی نے اپنی تمہیدی گفتگو میں قائد ملت جعفریہ پاکستان، علامہ سید ساجد علی نقوی کی سیاسی بصیرت اور حکمت عملی پر روشنی ڈالی۔ بعد ازاں، ضلع سکردو کے جنرل سیکرٹری حجت الاسلام شیخ احمد حسین ترابی نے تنظیمی فعالیت اور آئندہ آنے والے پروگرام کے حوالے سے درپیش چیلنجز، خدشات اور مفید آرا کا اظہار کیا۔ آخر میں صدر ضلع سکردو آغا سید حسن اور شیخ احمد حسین ترابی جنرل سیکرٹری ضلع سکردو نے اس افطار پارٹی کے بارے میں وضاحت دیتے ہوئے کہا کہ یہ صرف ضلعی و تحصیلی عہدیداران کے درمیان ملی امور کے حوالے سے رکھا گیا ہے۔
انہوں نے مذید کہا کہ انشاء اللہ آنے والے چند دنوں پر صوبائی لیول پر تمام نظریاتی کارکنان اور مرکزی قائد ڈاکٹر شبیر حسن میثمی، سید شہنشاہ نقوی و دیگر مہمانان گرامی کے اعزاز میں ایک بہت بڑی افطار پارٹی کا اہتمام ہو گا جہان پر ہر ایک ایک کارکن کو باضابطہ دعوت دی جائیگی۔ اجلاس کے دوران تحصیل سکردو کے صدر اخوند حکیم اور تحصیل گمبہ سکردو کے صدر شیخ سرور میر اور سابقہ صوبائی رابطہ کمیٹی کے سیکٹری یوسف اخوند زادہ نے بھی آنے والے پروگرام کے حوالے سے مشورہ اور اظہار خیال کیا۔ اس اجلاس میں جے ایس او کے بلتستان ڈویژن کے صدر ناصر سمیت تمام طلباء نے بھی بھرپور شرکت کی۔ اجلاس کا اختتام دعائے امام زمانہ اور ملت کے تمام بزرگان رہبر معظم انقلاب اسلامی ولی فقیہ سید علی خامنائی، قائد ملت جعفریہ پاکستان و نمائندے ولی فقیہ علامہ سید ساجد علی نقوی و دیگر علماء کرام کی صحت و سلامتی ہر محاز پر ان کی کامیابی ہر قدم پر ثابت قدمی کے لئے خصوصی دعا کے ساتھ ملت کے تمام شہدائے اسلام اور قائد کے عمو زادہ کی وفات پر اظہار افسوس اور تمام مرحومین کے ایصال ثواب کے لئے فاتحہ خوانی بھی کی گئی۔
ذریعہ: Islam Times
کلیدی لفظ: جنرل سیکرٹری سکردو کے صدر
پڑھیں:
سینٹر فار انٹرنیشنل سٹریٹجک سٹڈیز کے زیر اہتمام 2 روزہ بین الاقوامی کانفرنس ، چیئرمین جوائنٹ چیفس آف سٹاف کمیٹی جنرل ساحر شمشاد مرزا کا خطاب
راولپنڈی( ڈیلی پاکستان آن لائن )سینٹر فار انٹرنیشنل سٹریٹجک سٹڈیز (CISS)، اسلام آباد نے "ابھرتی ہوئی ٹیکنالوجیز کے دور میں نیوکلیئر ڈیٹرنس" کے موضوع پر2 روزہ بین الاقوامی کانفرنس کی میزبانی کی، جس میں دنیا بھر سے سکالرز اور ماہرین کے ممتاز گروپ نے شرکت کی۔ کانفرنس کا مقصد عالمی سٹریٹجک مسائل پر تعمیری بات چیت کو فروغ دینا اور پاکستان کے پالیسی نقطہ نظر کو شیئر کرنا تھا۔
آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا مہمان خصوصی تھے اور کانفرنس کے پہلے دن کلیدی خطبہ دیا۔ چیئرمین جوائنٹ چیفس آف سٹاف کمیٹی نے ابھرتی ہوئی ٹیکنالوجیز سے درپیش چیلنجز سے نمٹنے کے لیے مذاکرات اور تعاون جاری رکھنے کے پاکستان کے عزم کو اجاگر کیا۔ انہوں نے اس بات پر بھی زور دیا کہ جنوبی ایشیاء میں امن و استحکام صرف جوہری خطرات میں کمی کے لیے باہمی اقدامات اور وسیع تر جیوسٹریٹیجک تعمیر میں توازن قائم کرنے کے ذریعے ہی حاصل کیا جا سکتا ہے۔
مقبوضہ کشمیر میں سیاحوں پر حملہ ،حسبِ روایت بھارتی میڈیا نے من گھڑت اور جھوٹا پروپیگنڈا شروع کر دیا
اس فورم میں اقوام متحدہ کے ادارہ برائے تخفیف اسلحہ کے تحقیق (UNIDIR)، نیشنل انسٹی ٹیوٹ فار ڈیٹرنس سٹڈیز (NIDS)، آسٹریلیا، Ploughshare Foundation، کینیڈا، China Arms Control and Disarmament Association (CACDA)، پیکنگ یونیورسٹی، چائنا، سینٹر فار پولر اینڈ اوشینک اسٹڈیز، چائنا، یورپین سینٹر برائے پولر اینڈ اوشینک سٹڈیز، ایل این ایس ای کے لیڈرز، یورپی یونین کےرہنماؤں اور سیکیورٹی سٹڈیز (CENESS)، روس، انسٹی ٹیوٹ آف ورلڈ اکانومی اینڈ انٹرنیشنل ریلیشنز آف روسی اکیڈمی آف سائنسز (IMEMO RAS)، سینٹ پیٹرزبرگ سٹیٹ یونیورسٹی، روس، جنیوا سینٹر فار سیکیورٹی پالیسی، سوئٹزرلینڈ، نارتھ کیرولینا اسٹیٹ یونیورسٹی، USA اور سٹاک ہوم انٹرنیشنل پیس ریسرچ انسٹی ٹیوٹ (SIPRI) کے نما۴ندگان نے بھی شرکت کی ۔
جب 1859 میں ایک جنوبی افریقی شخص نے خود کو امریکہ کا شہنشاہ قرار دیا
مزید :
پاکستان بھر میں کے ایف سی پر حملوں کے واقعات، 178 افراد گرفتار