استکبار اور صیہونیت کے خلاف جنگ میں یمن فرنٹ لائن ہے، علی اکبر ولایتی
اشاعت کی تاریخ: 18th, March 2025 GMT
اپنے پیغام میں عالمی اسلامی بیداری فورم کے سیکرٹری جنرل نے کہا کہ میں تمام مسلم اقوام اور دنیا کے آزاد لوگوں سے اپیل کرتا ہوں کہ وہ اس صریح ظلم کے خلاف اٹھ کھڑے ہوں، یمن کے بہادر عوام کو جان لینا چاہیے کہ فتح ان کی ہے اور مستقبل بلاشبہ مزاحمت اور مظلوموں کا ہے اور جارح دشمن کا انجام شکست اور ذلت کے سوا کچھ نہیں۔ اسلام ٹائمز۔ اسلامی بیداری کے عالمی فورم کے سکریٹری جنرل نے ڈاکٹر علی اکبر ولایتی نے اپنے پیغام میں یمن کے خلاف امریکہ اور برطانیہ کے وحشیانہ حملوں اور جارحیت کی شدید مذمت کرتے ہوئے کہا ہے کہ یمنی عوام استکبار اور صیہونیت کے خلاف جنگ میں صف اول پر ہیں اور اس جنگ میں جارح دشمن کو ماضی کی طرح شکست ہوگی۔ عالمی اسلامی بیداری فورم کے سیکرٹری جنرل علی اکبر ولایتی کے پیغام کا متن حسب ذیل ہے: اللہ کے نام سے جو بڑا مہربان نہایت رحم والا ہے یمن کے بے گناہ عوام پر امریکہ اور اس کے اتحادیوں کے وحشیانہ اور مجرمانہ حملوں نے جن کے نتیجے میں اس سرزمین کے 40 سے زائد مظلوم عوام شہید اور زخمی ہو چکے ہیں، ایک بار پھر واشنگٹن کی جارحانہ اور متکبرانہ فطرت کو عیاں کر دیا ہے، یہ کارروائی خطے کی قوموں کی مزاحمت کے خلاف امریکہ اور عالمی صیہونیت کی پے درپے شکستوں کا تسلسل ہے، جو اب یمن کے مزاحمتی عوام کے خلاف بربریت اور انتقام کی شکل میں ظاہر ہو رہی ہے۔ قابل فخر یمن ہمیشہ عالمی استکبار اور صیہونی حکومت کے خلاف جنگ میں سب سے آگے رہا ہے اور اس نے فلسطین سے لے کر لبنان اور عراق تک، خطے کی مظلوم اقوام کی حمایت میں اہم کردار ادا کیا ہے، یمن کے بہادر لوگوں نے اپنے فیصلہ کن اقدامات سے خطے میں طاقت کا توازن بدل دیا ہے اور یہ اسلام کے حقیقی فرزند صیہونی مظالم اور ریاستی دہشت گردی کے حامیوں کے لئے چیلنج ہیں۔
طوفان الاقصیٰ میں امریکہ اور صیہونیت کی ناکامی اور خطے میں ان کی دوسری تاریخی ناکامیوں کی طرح موجودہ مجرمانہ جارحیت بھی ناکامی سے دوچار ہے۔ دشمن کو جان لینا چاہیے کہ مزاحمت کا ایمان بمباری، آگ اور جرائم سے کمزور نہیں ہو گا اور اس تباہی کی راکھ سے شعلہ دوبارہ روشن ہو گا اور خطے کی قومیں اور آزادی پسند عوام ان کی استعماری اور استکباری پالیسیوں کو کبھی کامیاب نہیں ہونے دیں گے۔ اس وحشیانہ حملے کی مذمت کرتے ہوئے میں تمام مسلم اقوام اور دنیا کے آزاد لوگوں سے اپیل کرتا ہوں کہ وہ اس صریح ظلم کے خلاف اٹھ کھڑے ہوں، یمن کے بہادر عوام کو جان لینا چاہیے کہ فتح ان کی ہے اور مستقبل بلاشبہ مزاحمت اور مظلوموں کا ہے اور جارح دشمن کا انجام شکست اور ذلت کے سوا کچھ نہیں۔
والسلام
ذریعہ: Islam Times
کلیدی لفظ: امریکہ اور کے خلاف اور اس یمن کے ہے اور
پڑھیں:
وزیراعظم ا آزادیِ صحافت کے عالمی دن پر حق و سچ کے علمبردار صحافیوں کو خراجِ تحسین
data-id="863a0a8" data-element_type="widget" data-widget_type="theme-post-content.default">
اسلام آباد: وزیراعظم شہباز شریف نے کہا ہے کہ آزاد اور باخبر صحافت کسی بھی جمہوری معاشرے کی بنیاد ہے، حکومت پاکستان آزادیِ اظہار اور صحافیوں کے تحفظ کے لیے پرعزم ہے۔
میڈیا رپورٹس کےمطابق صحافیوں کے خلاف جرائم کے خاتمے کے عالمی دن کے موقع پر اپنے پیغام میں شہباز شریف نے کہا کہ یہ دن ہمیں یاد دلاتا ہے کہ آزاد، باخبر اور ذمہ دار صحافت جمہوریت کی ریڑھ کی ہڈی ہے، صحافی عوام تک حقائق پہنچاتے ہیں اور سچائی کے علمبردار ہوتے ہیں، جب کہ ان کے خلاف تشدد، دھمکی یا انتقامی کارروائیاں دراصل آزادیِ اظہار پر حملہ ہیں۔
وزیراعظم نے اُن تمام صحافیوں کو خراجِ تحسین پیش کیا جنہوں نے حق و سچ کی خاطر مشکلات برداشت کیں، اور ان اہلِ قلم و میڈیا ورکرز کے اہل خانہ سے اظہارِ یکجہتی کیا جنہوں نے اپنے پیاروں کو فرضِ منصبی کے دوران کھو دیا۔
انہوں نے کہا کہ حکومت پاکستان آزادیِ صحافت کے فروغ، صحافیوں کے تحفظ، اور ان کے خلاف جرائم کی شفاف تحقیقات کے لیے مؤثر اقدامات کر رہی ہے تاکہ انصاف کی فراہمی اور مجرموں کے خلاف قانونی کارروائی یقینی بنائی جا سکے۔
شہباز شریف نے عالمی برادری، میڈیا اداروں اور سول سوسائٹی سے اپیل کی کہ وہ بھی صحافیوں کے تحفظ اور آزادیِ اظہار کے فروغ کے لیے اپنا کردار ادا کریں کیونکہ آزاد صحافت ہی ایک شفاف، مضبوط اور جمہوری پاکستان کی ضمانت ہے۔
جاپان کے سابق وزیرِ اعظم شنزو آبے کے قاتل نے اعترافِ جرم کر لیا