وزیر ریلوے حنیف عباسی کی زیر صدارت اہم اجلاس،ریلوے ہسپتالوں، تعلیمی اداروں اور پریکس کی کارکردگی کا جامع جائزہ لیا گیا
اشاعت کی تاریخ: 21st, March 2025 GMT
اسلام آباد(اُردو پوائنٹ اخبارتازہ ترین - این این آئی۔ 21 مارچ2025ء)وزیر برائے ریلوے حنیف عباسی نے وزارت ریلوے میں ایک اعلیٰ سطحی اجلاس کی صدارت کی جس میں پاکستان ریلوے ایڈوائزری اینڈ کنسلٹنسی سروسز (پریکس) اور جنرل منیجر ویلفیئر اینڈ اسپیشل انیشیٹوز (جی ایم ڈبلیو ایس آئی) کی کارکردگی کا تفصیلی جائزہ لیا گیا۔ اجلاس میں دونوں اداروں کی موجودہ خدمات، ترقیاتی اہداف اور مستقبل کے منصوبوں پر اہم گفتگو کی گئی۔
وزیر ریلوے کو بتایا گیا کہ اس وقت ملک بھر میں پاکستان ریلوے کے آٹھ ہسپتال اور 44 ڈسپنسریاں ریلوے کے موجودہ و سابقہ ملازمین اور ان کے اہل خانہ کو معیاری، سستا اور شفا بخش علاج فراہم کر رہی ہیں۔ صرف گزشتہ سال کے دوران ان ہسپتالوں سے 240194 آؤٹ ڈور مریض مستفید ہو چکے ہیں۔(جاری ہے)
ان اداروں میں لیب ٹیسٹ، ایکسرے، الٹراساونڈ اور دیگر بنیادی طبی سہولیات بھی دستیاب ہیں، جو صحت کے شعبے میں ریلوے کی اہمیت کو اجاگر کرتی ہیں۔
وفاقی وزیر نے ہسپتالوں کی گنجائش کو مزید بڑھانے، جدید سہولیات فراہم کرنے اور موجودہ عمارتوں کو جدید طرز پر ازسرنو تزئین و آرائش کرنے کی ہدایت کی، تاکہ ملازمین کو مزید مؤثر طبی سہولیات فراہم کی جا سکیں۔ اس ضمن میں انہوں نے پبلک پرائیویٹ پارٹنرشپ کے امکان پر بھی غور کرنے کی ہدایت دی، تاکہ جدید طبی سہولیات کے ساتھ ساتھ اسپتالوں کے انتظامی امور کو بہتر بنایا جا سکے۔اجلاس میں وزیر کو بتایا گیا کہ جی ایم ڈبلیو ایس آئی کے تحت اس وقت ۱۴ اسکولز اور ایک کالج مختلف ریلوے کالونیوں میں تعلیمی خدمات سرانجام دے رہے ہیں۔ ان تعلیمی اداروں میں ریلوے ملازمین کے بچوں کو معیاری تعلیم فراہم کی جا رہی ہے۔ وزیر نے ان اداروں کی کارکردگی مزید بہتر بنانے اور تدریسی معیار کو بڑھانے کی ہدایت کی، تاکہ ریلوے خاندانوں کے بچوں کو قومی سطح پر مقابلہ کرنے کے قابل بنایا جا سکے۔اجلاس میں پریکس کی کارکردگی کا بھی تفصیلی جائزہ لیا گیا۔ وزیر حنیف عباسی نے پریکس کی مشاورتی خدمات کو سراہتے ہوئے اسے جدید تقاضوں کے مطابق ڈھالنے کی ضرورت پر زور دیا۔ انہوں نے کہا کہ ادارے کو اخراجات میں کمی، شفافیت اور واضح، قابلِ پیمائش اہداف کے تحت کام کرنا ہوگا تاکہ اس کے نتائج مزید نمایاں اور مؤثر ہوں۔ انہوں نے اعلان کیا کہ جون 2025 میں پریکس کی کارکردگی کا جامع جائزہ لیا جائے گا اور مقررہ اہداف کے حصول کو یقینی بنایا جائے گا۔وزیر ریلوے نے کہا کہ پاکستان ریلوے کے وڑن کی تکمیل کے لیے اداروں کی استعداد کار کو بڑھانا اور خدمات کو مؤثر بنانا وقت کی ضرورت ہے۔ انہوں نے پریکس اور جی ایم ڈبلیو ایس آئی دونوں اداروں پر زور دیا کہ وہ آنے والے دنوں میں واضح کارکردگی اور نتائج کے ساتھ سامنے آئیں۔اجلاس میں چیئرمین ریلوے، بورڈ آف ڈائریکٹرز کے اراکین، اور متعلقہ اعلیٰ افسران نے شرکت کی۔.ذریعہ: UrduPoint
کلیدی لفظ: تلاش کیجئے کی کارکردگی کا جائزہ لیا اجلاس میں انہوں نے پریکس کی
پڑھیں:
پنجاب؛ تعلیمی اداروں مع دینی مدارس میں داخلے کے وقت طلبا کا تھیلیسیمیا ٹیسٹ لازمی قرار
پنجاب میں تمام اسکولوں، کالجوں اور دینی مدارس میں داخلے کے وقت طلبا کا تھیلیسیمیا اور دیگر جینیٹک امراض کا ٹیسٹ لازمی کردیا گیا ہے۔
تھیلیسیمیا اور دیگر جینیٹک امراض کی روک تھام کے لیے پنجاب تھیلیسیمیا پریوینشن ایکٹ 2025 پنجاب اسمبلی سے منظور کرلی گئی ہے۔
قانون کے مطابق ایڈوائزری کونسل تشکیل دی جائے گی جبکہ بیماریوں کی بروقت تشخیص اور مینجمنٹ کو یقینی بنانا اور مستقبل میں اس کے طبی و معاشی بوجھ کو کم کرنا بھی شامل ہے۔
متن میں کہا گیا کہ تمام اسکولوں، کالجوں اور دینی مدارس میں داخلے کے وقت طلبا کا تھیلیسیمیا اور دیگر جینیٹک امراض کا ٹیسٹ لازمی ہوگا اور ٹیسٹ رپورٹس بورڈز کو داخلے فارم کے ساتھ جمع کروانا ضروری ہوگا۔
متن میں مزید درج تھا کہ پنجاب انفارمیشن ٹیکنالوجی بورڈ تمام ٹیسٹ رزلٹس کا ڈیٹا بیس بنائے گا جس کی خفیہ معلومات کو غیر مجاز اشخاص سے شیئر کرنے پر سزائیں ہوں گی۔ لیبارٹریز 10 دن کے اندر ٹیسٹ رزلٹس PITB کو بھیجیں گی۔ پرائیویٹ لیبارٹریز کے ملازمین جعلی رزلٹس یا ڈیٹا لیک کرنے پر پاکستان پینل کوڈ کے تحت مقدمہ درج کیا جائے گا۔
متن میں لکھا تھا کہ نادرا کے ساتھ مریضوں کے خصوصی رجسٹریشن اور مالی امداد کا بندوبست بھی جلد متوقع ہے اور حکومت غریب خاندانوں کے لیے مفت ٹیسٹنگ کا بندوبست کرے گی۔
مزید برآں ٹیسٹ کے بعد جنیٹک بیماریوں کی تشخیص ہونے والوں طلبہ کو کونسلنگ بھی دی جائے گی۔ یہ قانون فوری طور پر نافذ ہو گیا ہے اور پنجاب بھر میں تمام سرکاری و پرائیویٹ اداروں پر لاگو ہوگا۔
بل حتمی منظوری کے لیے گورنر پنجاب کو پیش کیا جائے گا۔
عینا آصف نے شادی سے متعلق اپنا مؤقف واضح کر دیا