کوئٹہ، یوم علی علیہ السلام کا مرکزی جلوس علمدار روڈ سے برآمد
اشاعت کی تاریخ: 23rd, March 2025 GMT
جلوس عزاء کے موقع پر نوحہ خوانوں نے نوحے پڑھے اور عزاداروں نے ماتمداری کی۔ اس موقع پر معاشرے کے مختلف طبقات سے تعلق رکھنے والی شخصیات جلوس عزاء میں شریک ہوئیں۔ اسلام ٹائمز۔ شہادت مولائے کائنات امام علی علیہ السلام کی مناسبت پر کوئٹہ میں یوم علی (ع) کا مرکزی جلوس امام بارگاہ نچاری علمدار روڈ کوئٹہ سے رات دس بجے کے قریب برآمد ہوا۔ جو اپنی مقررہ راستوں سے ہوتا ہوا پرنس روڈ پر امام بارگاہ کلاں تک گیا اور میکانگی روڈ سے ہوتا ہوا سحری کے وقت تک مقررہ راستوں سے واپس علمدار روڈ تک پہنچا۔ جلوس عزاء میں شریک عزاداروں نے مختلف ماتمی دستوں کی صورت میں نوحہ خوانی اور ماتمداری کی۔
جلوس عزاء میں علمائے کرام، مختلف سماجی و سیاسی شخصیات اور انجمن تاجران کے نمائندوں سمیت دیگر نمایاں شخصیات بھی شریک ہوئیں، جبکہ انتظامیہ کے ذمہ داران بھی عزاداروں کے درمیان اپنی ذمہ داریاں سرانجام دیتے رہیں۔ اس موقع پر پولیس اور ایف سی کے جوان سکیورٹی امور پر تعینات تھے، جبکہ جلوس عزاء کی ڈرون اور کوئٹہ سیف سٹی کیمروں کے ذریعے نگری کی جا رہی تھی۔ جلوس عزاء کے موقع پر مختلف رضاکار اداروں اور اسکاؤٹس کی جانب سے میڈیکل کیمپس اور سبیلیں بھی لگائی گئی تھیں۔
ذریعہ: Islam Times
کلیدی لفظ: جلوس عزاء
پڑھیں:
پاکستان کے خلاف کسی کی بھی ہرزہ سرائی اور سازش برداشت اور قابل قبول نہیں، سینیٹر عبدالکریم
ملتام میں حلف بردراری کی تقریب سے خطاب کرتے ہوئے مرکزی جمعیت اہلحدیث کے سربراہ کا کہنا تھا کہ ملکی استحکام کیلئے ہم ملکی اداروں کے شانہ بشانہ ہیں امت کا اتحاد وقت کی ضرورت ہے ہم پرامن جہدوجہد کے قائل ہیں، ہم افواجِ پاکستان کے شانہ بشانہ تھے ہیں اور رہیں گے۔ اسلام ٹائمز۔ مرکزی جمعیت اہل حدیث پاکستان کے سربراہ سینیٹر ڈاکٹر حافظ عبد الکریم نے کہا ہے کہ ملک مزید کسی انتشار وخلفشار کا متحمل نہیں، ملکی استحکام کیلئے ہم ملکی اداروں کے شانہ بشانہ ہیں امت کا اتحاد وقت کی ضرورت ہے ہم پرامن جہدوجہد کے قائل ہیں۔ ان خیالات کا اظہار انہوں نے مرکزی جمعیت اہل حدیث جنوبی پنجاب کی تقریب حلف برداری سے خطاب کرتے ہوئے کیا۔ ان کا مزید کہنا تھا کہ مرکزی جمعیت اہل حدیث کا جنوبی پنجاب میں علیحدہ نظم خوش آئند امر ہے، اس سے جماعت کے نظم کو مزید تقویت ملے گی۔ پاکستان کے خلاف کسی کی بھی ہرزہ سرائی اور سازش برداشت اور قابل قبول نہیں، ہم افواجِ پاکستان کے شانہ بشانہ تھے ہیں اور رہیں گے۔ اس موقع پر مرکزی ناظم اعلی مولانا عبد الرشید حجازی کا کہنا تھا کہ ہم نے نفاذ اسلام کیلئے ہمیشہ پرامن جہدوجہد کی اور کوشاں رہیں گے، تحفظ ختم نبوت، تحفظ ناموس رسالت، تحفظ ناموس صحابہ اور شعائر اسلام کیلئے اپنی جہدوجہد جاری رکھیں گے۔ اس موقع شیخ محمد شریف چنگوانی، امیر جنوبی پنجاب پروفیسر ڈاکٹر عبدالرحمن شارق، ناظم جنوبی پنجاب حافظ غلام اللہ، مولانا ظفر اللہ، قاری سیف اللہ عابد، علامہ عبدالرحیم گجر، علامہ عنایت اللہ رحمانی و دیگر نے خطاب کیا۔ سینیٹر حافظ عبدالکریم نے نومنتخب عہدیداران سے حلف لیا۔
وزیرِاعلیٰ نے سندھ جاب پورٹل کا افتتاح کردیا، ملازمتوں کا سلسلہ 15 روز میں شروع ہو گا