قونصلیٹ جنرل پاکستان مانچسٹر کے زیر اہتمام یوم پاکستان پر پرچم کشائی کی تقریب
اشاعت کی تاریخ: 24th, March 2025 GMT
قونصلیٹ جنرل پاکستان مانچسٹر کے زیراہتمام یوم پاکستان کے موقع پر پرچم کشائی کی سادہ اور پروقار تقریب ہوئی جس کے مہمان خصوصی ممبر برٹش پارلیمنٹ افضل خان تھے۔
تقریب میں قونصل جنرل محمد طارق وزیر خان اور مصباح نورین نے خطاب کیا جبکہ صدر پاکستان آصف زرداری اور وزیر اعظم محمد شہباز شریف کے خصوصی پیغامات پیش کئے گئے۔
تقریب میں کونسلر شہباز سرور، ڈاکٹر اقبال نعیم سمیت پاکستانی کمیونٹی کی کثیر تعداد شریک ہوئی۔ تلاوت قرآن مجید کے بعد پرچم کشائی کی تقریب ہوئی۔
اس موقع پر قونصل جنرل طارق وزیر نے خطاب کرتے ہوئے کہا کہ یوم پاکستان اور یوم آزادی پاکستان کےقومی تہوار منانے کا مقصد نئی نسل کو پاکستان کی اہمیت کے بارے میں آگاہ کرنا ہے۔
انہوں نے کہا کہ پاکستان ہماری شناخت ہے، ہم برٹش پاکستانی ہیں اور ہمیں پاکستانی شناخت کو یاد رکھنے کی ضرورت ہے۔ ہمیں سب سے پہلے برطانیہ میں اچھا شہری بننے کی ضرورت ہے اور اپنے فرائض ادا کرنے چاہئیں۔
طارق وزیر کا کہنا تھا کہ قونصل جنرل کی حیثیت سے پانچ سال مکمل کرنے کے بعد وہ جولائی میں اپنے فرائض سے سبکدوش ہو رہے ہیں، مانچسٹر میں بہت یادگار وقت گزرا، یہاں پاکستانی میڈیا بہت متحرک اور پاکستانی سیاست میں بہت اہم کردار ادا کررہے ہیں۔
ممبر پارلیمنٹ افضل خان نے کہا کہ دنیا بھر میں پاکستان ایک منفرد ملک ہے، ہماری دوہری شہریت ہے اور اس حوالے سے ہمیں دونوں ملکوں میں پل کا کردار ادا کرنا چاہئے۔
انہوں نے کہا کہ پاکستانی کمیونٹی کا کردار بہت اہم ہے اور ہمیں خود کو مضبوط کرنے کی ضرورت ہے۔ برطانیہ میں ہماری پانچویں نسل پروان چڑھ رہی ہے، ہمیں سوشل میڈیا سے محتاط اور منفی رویوں سے بچنے کی ضرورت ہے۔
افضل خان کا کہنا تھا کہ مصنوعی ذہانت کا رجحان بڑھ رہا ہے ایسے وقت میں ہمیں جعلی اور اصلی کا فرق سمجھنا چاہئے۔
انہوں نے قونصل جنرل طارق وزیر کی خدمات پر انہیں خراج تحسین پیش کیا اور کہا کہ پاکستانی کمیونٹی انہیں ہمیشہ یاد رکھے گی۔
Post Views: 1.ذریعہ: Daily Mumtaz
کلیدی لفظ: کی ضرورت ہے کہا کہ
پڑھیں:
ڈاکٹر عافیہ کی بہن فوزیہ صدیقی کی وزیراعظم سے ملاقات، قید پاکستانی سرجن کی سفارتی مدد کے لیے اہم کمیٹی کی تشکیل
وزیراعظم محمد شہباز شریف نے ڈاکٹرعافیہ صدیقی کے معاملے پر حکومت کی جانب سے ہرممکن قانونی و سفارتی مدد کی فراہمی کا یقین دلاتے ہوئے وفاقی وزیر قانون اعظم نذیر تارڑ کی سربراہی میں کمیٹی تشکیل دے دی۔
یہ بھی پڑھیں: حکومتی ایوانوں میں ڈاکٹر عافیہ صدیقی کی رہائی کے لیے ’قبرستان جیسی خاموشی‘ ہے، مشتاق احمد
جمعے کو وزیراعظم آفس کے میڈیا ونگ کی طرف سے جاری بیان کے مطابق وزیر اعظم محمد شہباز شریف سے ڈاکٹر عافیہ صدیقی کی ہمشیرہ ڈاکٹر فوزیہ صدیقی نے ملاقات کی۔
وزیراعظم نے کہا کہ حکومت ڈاکٹر عافیہ صدیقی کے معاملے میں کسی طور غافل نہیں اور حکومت کی جانب سے پہلے بھی ڈاکٹر عافیہ صدیقی کے معاملے میں سفارتی و قانونی مدد فراہم کی جاتی رہی ہے۔
وزیر اعظم نے ڈاکٹر فوزیہ صدیقی کو ڈاکٹر عافیہ صدیقی کے معاملے میں اب بھی حکومت کی جانب سے ہر ممکن قانونی و سفارتی مدد فراہم کرنے کی یقین دہانی کرائی۔
مزید پڑھیے: ’مجھے امریکی جیل سے جلد رہا کرایا جائے‘، ڈاکٹر عافیہ صدیقی نے ڈاکٹر طلحہ محمود سے ملاقات میں اور کیا کہا؟
وزیراعظم نے اس معاملے میں مزید پیشرفت کے لیے وفاقی وزیرِ قانون و انصاف اعظم نذیر تارڑ کی صدارت میں ایک کمیٹی بھی تشکیل دے دی۔
کمیٹی ڈاکٹر فوزیہ صدیقی سے اس حوالے سے رابطے میں رہے گی اور درکار ممکنہ معاونت کے لیے کام کرے گی۔
واضح رہے کہ وزیر اعظم نے پہلے بھی اس وقت کے امریکا کے صدر جو بائیڈن کو ڈاکٹر عافیہ صدیقی کے حوالے سے خط ارسال کیا تھا۔
مزید پڑھیں: شکیل آفریدی کے بدلے عافیہ، حکومت نے تجویز مسترد کردی
یاد رہے کہ مارچ 2003 میں پاکستانی نیورو سائنسدان ڈاکٹر عافیہ کراچی سے لاپتا ہوئی تھیں۔ انہیں افغانستان میں امریکی فوجیوں پر حملے کے الزام میں سنہ 2010 میں امریکا میں 86 سال قید کی سزا سنائی گئی تھی۔ امریکی محکمہ انصاف نے انہیں ’القاعدہ کی رکن اور سہولت کار‘ قرار دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈاکٹر عافیہ صدیقی ڈاکٹر عافیہ صدیقی کے لیے کمیٹی تشکیل ڈاکٹر فوزیہ صدیقی وزیراعظم شہباز شریف
کاروباری دنیا میں مفت کچھ نہیں