بولان میں دھماکے سے متاثرہ ریلوے ٹریک کی مرمت کردی گئی، حنیف عباسی
اشاعت کی تاریخ: 24th, March 2025 GMT
فائل فوٹو۔
وفاقی وزیر ریلوے حنیف عباسی نے کہا ہے کہ بولان میں دھماکے سے متاثرہ ریلوے ٹریک کی مرمت کردی گئی ہے، سیکیورٹی کلیئرنس کے بعد کوئٹہ ٹرینوں کی آمد ورفت بحال ہوجائے گی۔
جیو نیوز کے پروگرام کیپٹل ٹاک میں میزبان سے گفتگو کرتے ہوئے وفاقی وزیر ریلوے نے کہا کہ ریلوے پولیس کی اپ گریڈیشن کےلیے پلان تیار کرلیا ہے۔ وزیراعلیٰ علی امین گنڈاپور ڈرے ہوئے ہیں، بانی پی ٹی آئی ہی 40 ہزار سے 45 ہزار دہشتگردوں کو لائے تھے۔
انھوں نے کہا کہ آج جو سیکیورٹی حالات ہیں اس کی وجہ ان دہشتگردوں کو واپس لانا بھی ہے۔ قومی سلامتی کمیٹی کے اجلاس میں شرکت نہ کر کے دہشتگردوں کے موقف کو تقویت دی گئی۔
اسی پروگرام میں شریک تحریک انصاف کے رہنما علی محمد خان نے کہا کچھ چیزوں پر ہمیں بانی پی ٹی آئی کی اجازت کی ضرورت ہوتی ہے، آپریشنز میں ہمارے نوجوان قربانیاں دے رہے ہیں ہمارے دل زخمی ہیں۔
انھوں نے کہا کہ ترپ کا پتہ آپ نے جیل میں ڈالا ہوا ہے، اجلاس میں جاتے تو وہاں بانی پی ٹی آئی کا کیس مضبوطی سے لڑتے۔
علی محمد خان نے کہا کہ کیا پرول پر بانی پی ٹی آئی کو اجلاس میں نہیں لایا جاسکتا تھا؟ جو آئین پاکستان کو مانتے ہیں ان سب کو اجلاس میں لانے کی ضرورت تھی۔
انھوں نے کہا کہ حکومت نے بانی پی ٹی آئی کو اجلاس سے باہر رکھ کر نقصان کیا، اداروں اور عوام میں اتنا فاصلہ کبھی نہیں دیکھا، یہ ملک کا نقصان ہے۔ بانی پی ٹی آئی کو اندر رکھنے سے نقصان ملک کا ہو رہا ہے۔
.ذریعہ: Jang News
کلیدی لفظ: بانی پی ٹی ا ئی اجلاس میں نے کہا کہ
پڑھیں:
مشکل فیصلے اور مستقل مزاجی: وزیر خزانہ نے عالمی فورم پر معاشی حکمتِ عملی بیان کردی
وفاقی وزیر خزانہ محمد اورنگزیب نے سینٹر فار گلوبل ڈویلپمنٹ کے تحت منعقدہ مذاکرے میں دنیا کو آگاہ کیا ہے کہ پاکستان نے مشکل مگر ضروری فیصلوں کے ذریعے معیشت کو استحکام کی راہ پر گامزن کیا ہے۔
وزارتِ خزانہ کے اعلامیے کے مطابق وزیر خزانہ نے حکومتی اصلاحاتی ایجنڈے اور مالیاتی ڈھانچے میں تبدیلیوں پر روشنی ڈالتے ہوئے کہا کہ ایف بی آر کی ٹیکس پالیسی سازی کو اس کے آپریشنل دائرہ کار سے الگ کر دیا گیا ہے تاکہ ٹیکس نظام کو مؤثر اور شفاف بنایا جا سکے۔
مزید پڑھیں: وزیر خزانہ محمد اورنگزیب کی واشنگٹن میں اہم مالیاتی اداروں سے ملاقاتیں
انہوں نے اس بات کا اعادہ کیا کہ ٹیکس اصلاحات، نجکاری، اور توانائی کے شعبے میں تبدیلیوں کا عمل پوری توانائی سے جاری رہے گا۔ وزیر خزانہ نے زور دیا کہ ملکی معیشت کی بحالی اور ترقی کا انحصار برآمدات میں اضافے اور برآمدی شعبوں میں غیرملکی سرمایہ کاری کے فروغ پر ہے۔
محمد اورنگزیب نے کہا کہ حکومت کا نصب العین پائیدار اور شمولیتی ترقی کا حصول ہے، اور اس کے لیے ٹیکس نیٹ کو وسعت دے کر مالی وسائل میں اضافہ اولین ترجیح ہے۔
انہوں نے ماحولیاتی تبدیلی اور تیزی سے بڑھتی آبادی کو پاکستان کے لیے بڑے خطرات قرار دیتے ہوئے کہا کہ ان چیلنجز سے نمٹنے کے لیے مربوط اور مؤثر منصوبہ بندی ناگزیر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان بھر میں کے ایف سی پر حملوں کے واقعات، 178 افراد گرفتار