گجرانوالہ: ہوٹل کی بریانی کھانے سے دو کمسن بہن بھائی جاں بحق
اشاعت کی تاریخ: 29th, March 2025 GMT
گجرانوالہ:
ہوٹل سے لائی گئی مضر صحت بریانی کھانے سے دو کمسن بہن بھائی جاں بحق ہوگئے۔
پولیس کے مطابق عالم چوک کے قریب تھانہ اروپ کی حدود میں دو بچے بریانی کھانے سے جاں بحق ہوگئے۔ بچوں کے والد مبشر نے اپنے اہل خانہ کے لیے قریبی ہوٹل سے بریانی خریدی تھی۔
بریانی کھانے کے کچھ دیر بعد کمسن عبدالہادی اور خضرہ کی طبیعت بگڑ گئی جس پر انہیں فوری طور پر قریبی ڈاکٹر کے پاس لے جایا گیا تاہم وہ جانبر نہ ہوسکے۔
واقعے کی اطلاع ملنے پر پولیس موقع پر پہنچی اور بچوں کی لاشوں کو تحویل میں لے کر پوسٹ مارٹم کے لیے اسپتال منتقل کردیا۔
پولیس کے مطابق مبشر کی دو شادیاں ہیں اور معاملہ بظاہر سیدھا نظر نہیں آتا۔ تحقیقات کے دوران یہ سوال بھی اٹھایا جا رہا ہے کہ بریانی سب نے کھائی تھی، تو صرف بچے ہی کیوں متاثر ہوئے؟۔
واقعے کے بعد بچوں کے والدین نے کسی پر شک ظاہر نہیں کیا جس کے باعث مقدمہ درج نہیں کیا گیا۔ پولیس کے مطابق کھانے کے نمونے لیبارٹری بھیج دیے ہیں اور رپورٹ کا انتظار کیا جا رہا ہے۔
پولیس کا کہنا ہے کہ بچوں نے وہ بریانی سحری میں کھائی تھی جو رات کو خریدی گئی تھی۔ واقعے کی ابتدائی رپورٹ زیر دفعہ 174 درج کر کے کارروائی مکمل کر لی گئی ہے۔
ضروری قانونی کارروائی کے بعد عبدالہادی اور خضرہ کی میتیں ورثا کے حوالے کر دی گئی ہیں۔ پوسٹ مارٹم رپورٹ کے بعد مزید حقائق سامنے آئیں گے۔
.ذریعہ: Express News
کلیدی لفظ: بریانی کھانے
پڑھیں:
عیدالاضحیٰ کا پہلا دن مذہبی جوش و جذبے سے منایا گیا
فائل فوٹوملک بھر میں عیدالاضحیٰ کا پہلا دن مذہبی جوش و جذبے سے منایا گیا۔
جو پہلے دن بنے تھے مہمان وہ آج بنیں گے میزبان، کھابے شابے ہوں گے، گپ شپ کریں گے اور چھٹی کا مزہ اڑائیں گے۔
ماہرینِ صحت نے مشورہ دیا ہے کہ عیدِ قرباں پر مزے مزے کے کھانے ضرور کھائیں مگر ہاتھ ذرا ہلکا رکھیں۔
انہوں نے کہا کہ شوگر، بلڈ پریشر، کولیسٹرول اور دل کے مریض خصوصی احتیاط کریں، کلیجی، گردے، مغز اور پائے کھانے سے تھوڑا پرہیز کریں۔
ماہرینِ صحت نے مشورہ دیا ہے کہ شہری گھی، تیل اور تیز مسالوں سے بھی ذرا فاصلہ رکھیں۔
آج کی نسل علیحدگی کا درد نہیں جان سکتی، پاکستان، بنگلا دیش کو قریب لانےکےلیےکام کرنےکی ضرورت ہے، صدر