’فلم ریلیز نہیں ہونے دیں گے‘، فواد خان کی بالی ووڈ فلم ریلیز سے قبل تنازعات کا شکار کیوں؟
اشاعت کی تاریخ: 4th, April 2025 GMT
پاکستانی اداکار فواد خان بالی وڈ میں واپسی کے لیے تیار ہیں وہ انڈین اداکارہ وانی کپور کے ساتھ فلم ’عبیر گل‘ میں نظر آئیں گے لیکن ٹیزر ریلیز ہونے کے ساتھ ہی یہ فلم تنازعے کا شکار ہو گئی ہے۔
فلم کا ٹیزر جاری ہوتے ہی بھارت میں انتہا پسند تنظیموں نے فلم پر پابندی کا مطالبہ کردیا ہے۔ مہاراشٹرا نونرمان سینا (ایم این ایس) نے ملک میں فواد خان کی فلم کی ریلیز کی مخالفت کرنے کا اعلان کیا ہے۔
ان کا کہنا تھا کہ ’ہمارا موقف بہت واضح ہے۔ ہم ایسی کسی بھی فلم کو قبول نہیں کریں گے جس میں پاکستانی فنکار ہوں۔ اور اگر ایسی فلم ریلیز کی گئی تو ہم ایم این ایس کے طریقے سے احتجاج کریں گے‘۔
یہ بھی پڑھیں: بھارتی اداکارہ ریدھی ڈوگرا نے فواد خان کے ساتھ فلم کرنے سے پہلے کونسی تحقیقات کیں؟
ایم این اس کے رہنما امے کھوپکر کا کہنا تھا کہ ’پاکستانی اداکاروں یا پاکستانی فلموں کی مخالفت ہم پہلے سے کرتے آ رہے ہیں اور آگے بھی کریں گے۔ پاکستانی اداکار کو لے کر یہاں کوئی بھی فلم ریلیز نہیں ہو گی اور میں تو چیلنج کرتا ہوں کہ اگر ہمت ہے تو کوئی اسے ریلیز کر کے دکھائے‘۔
واضح رہے کہ فلم ’عبیر گلال‘ کی کہانی 2 ایسے کرداروں کے گرد گھومتی ہے جو زندگی میں کئی جذباتی مشکلات سے گزر چکے ہیں اور اچانک ایک دوسرے سے مل کر غیر متوقع طور پر ایک دوسرے کے زخموں کو بھرنے لگتے ہیں جس کا نتیجہ محبت میں نکلتا ہے۔ فلم میں ردھی ڈوگرا، فواد خان اور وانی کپور ہیں۔
یہ بھی پڑھیں: ’فواد خان کو شرم آنی چاہیے‘، سوشل میڈیا پر اداکار کے بائیکاٹ کی مہم کیوں؟
فلم ’عبیر گُلال‘ رواں برس 9 مئی کو ریلیز ہو گی۔ اس میں فلم میں لیزا ہیڈن، رِدھی ڈوگرا، فریدہ جلال اور پرمیت شیٹھی سمیت متعدد انڈین اداکار کام کر رہے ہیں۔
فواد خان نے 2014 میں فلم ’خوبصورت‘ سے بالی ووڈ میں ڈیبیو کیا تھا جس میں ان کے ساتھ سونم کپور کو کاسٹ کیا گیا تھا۔ بعدازاں فواد خان فلم ’کپور اینڈ سنز‘ اور ’اے دل ہے مشکل‘ میں بھی جلوہ گر ہوئے تھے۔
یاد رہے کہ بھارت نے 18 ستمبر کو کشمیر میں اڑی فوجی اڈے پر ہونے والے حملے کے بعد پاکستانی فنکاروں پر پابندی عائد کرنے کا اعلان کیا تھا۔ اس سلسلے میں انڈین موشن پکچرز پروڈیوسرز ایسوسی ایشن (آئی ایم پی پی اے) نے پاک۔ بھارت کشیدگی کے پیش نظر پاکستانی فنکاروں اور ٹیکنیشنز پر بالی ووڈ میں کام کرنے پر پابندی عائد کردی تھی۔ اور ہندو انتہا پسند گروہوں نے بھی بالی ووڈ میں کام کرنے والے پاکستانی اداکاروں کو دھمکی دی تھی۔
یہ بھی پڑھیں: بالی ووڈ اداکارہ سونم کپور کو فواد خان کی یاد کیوں ستانے لگی؟
ہندو گروپ ایم این ایس نے پاکستانی فنکاروں کو بھارت سے نکل جانے کا کہا تھا جس کے بعد پاکستانی فنکار وطن واپس آگئے تھے۔
پابندی سے پہلے کئی پاکستانی فنکاروں نے بالی ووڈ میں کامیابی حاصل کی۔ جن میں فواد خان اور ماہرہ خان بھی شامل ہیں۔ فواد خان نے ’کپور اینڈ سنز‘ اور ’اے دل ہے مشکل‘ میں اپنی اداکاری سے ناظرین کو متاثر کیا، ماہرہ خان نے شاہ رخ خان کے ساتھ ’رئیس‘ میں اداکاری کی جبکہ علی ظفر نے ’تیرے بن لادن‘ اور ’ڈیئر زندگی‘ میں اپنی پہچان بنائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین فلمیں بالی ووڈ عبیر گل فواد خان.ذریعہ: WE News
کلیدی لفظ: انڈین فلمیں بالی ووڈ عبیر گل فواد خان پاکستانی فنکاروں پاکستانی اداکار بالی ووڈ میں فلم ریلیز فواد خان کے ساتھ
پڑھیں:
آریان کی کیمرے سے شاہ رخ خان کی پاپرازی کے ساتھ دلکش تصاویر وائرل
ممبئی(شوبز ڈیسک) شاہ رخ خان کے بیٹے، آریان خان اپنے ڈیبیو شو ’دی بیڈز آف بالی ووڈ‘ کے ذریعے شوبز کی دنیا میں قدم رکھنے کے لیے تیار ہیں ۔
بدھ کی شب ممبئی میں شو کی پریمیئر کے لیے بالی ووڈ کے بڑے ستارے جمع ہوئے جن میں مادھوری ڈکشت، انیل کپور، فرح خان، عالیہ بھٹ اور رنبیرکپورشامل ہیں۔ شاہ رخ خان خود بھی اپنی بیوی گوری اور بچوں سہانا و ابرام کے ہمراہ بیٹے آریان خان کے ڈیبیو نیٹ فلکس شو ’دی بیڈز آف بالی ووڈ‘ کی پریمیئر میں پہنچے۔
اس تقریب کے کئی لمحات وائرل ہوگئے۔ جن میں سے ایک کلپ خاص طور پر مداحوں کی توجہ کا مرکز بن گیا جس میں شاہ رخ خان پاپا رازی کے ساتھ پوز دے رہے تھے۔
ایک وائرل ویڈیو میں شاہ رخ خان کو پاپارازی کے ساتھ خوش دلی سے پوز دیتے دیکھا گیا، جبکہ آریان مختلف زاویوں سے ان تصاویر کو کیمرے میں قید کر رہے تھے۔ مداحوں نے اس لمحے کو خاص قرار دیا، کیونکہ یہ اشارہ تھا کہ شاہ رخ خان نے ممکنہ طور پر پچھلے کچھ تنازعات کو پیچھے چھوڑ دیا ہے۔
یاد رہے کہ 2021 میں آریان خان کے ڈرگ کیس کے دوران میڈیا نے فیملی پر بہت دباؤ ڈالا تھا اور اُس وقت شاہ رخ خان نے اکثر ایونٹس یا ہوائی اڈوں پر اپنے چہرے کو چھپایا اور فوٹوگرافی سے گریز کیا تھا۔ لیکن اس پریمیئر میں دکھائی دینے والا اعتماد اور خوش دلی نے یہ واضح کیا کہ سپر اسٹار نے وہ باب ختم کر دیا ہے۔
’دی بیڈز آف بالی ووڈ‘ کی کہانی ایک نوجوان آسمان سنگھ (لکشیا) پر مبنی ہے، جو بالی ووڈ کی چمک اور محنت کے درمیان اپنا مقام بنانے کی جستجو میں ہے۔ اس کے ساتھ اس کا وفادار دوست پرویز (راغو جویال)، تیز زبان والی منیجر سانیا (آنیا سنگھ)، اور اس کے اہل خانہ چچا اوتار (مانوج پاہوا)، ماں نیتا سنگھ (مونا سنگھ) اور والد راجت سنگھ (ویجینت کوہلی) ہیں جو ہر قدم پر اس کے ساتھ ہیں۔
شومیں کئی بالی ووڈ کے بڑے اسٹارز بھی مختصر جھلکیاں دکھائیں گے، جن میں شاہ رخ خان، سلمان خان، ایس ایس راجامولی اور عامر خان شامل ہیں، جو کہ شو کی کشش کو اور بڑھاتے ہیں۔
’دی بیڈز آف بالی ووڈ‘ نیٹ فلکس پر 18 ستمبر 2025 سے شروع ہوگی۔ مداح وائرل ویڈیو اور تصاویر کے ذریعے اس پریمیئر کے لمحوں سے محظوظ ہو رہے ہیں اور کئی شائقین نے شاہ رخ خان کے پاپارازی کے ساتھ دوستانہ رویے کی تعریف بھی کی ہے۔
Post Views: 2
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے