بیرون ملک بھجوانے کا جھانسہ دے کر کروڑوں روپے ہتھیانے والا مفرور ملزم گرفتار
اشاعت کی تاریخ: 4th, April 2025 GMT
کراچی میں سادہ لوح شہریوں کوبیرون ممالک بھجوانے کا جھانسہ دیکر کروڑوں روپے لوٹنے والے فراڈ کے مقدمات میں مفرورملزم منیرمہدی عرف گول گپا کو گرفتارکرلیا گیا۔
سولجربازارپولیس نے کارروائی کرتےہوئے سادہ لوح شہریوں کو بیرون ممالک بھجوانے کا جھانسہ دیکر کروڑوں روپے لوٹنے والے فراڈ کے مقدمات میں مفرور ملزم منیر مہدی عرف گول گپا کو گرفتار کرلیا۔ ایس ایچ او سولجر بازار وقار عظیم نے ایکپسریس نیوز کو بتایا کہ گرفتار ملزم بیرون ممالک بھجوانے کا جھانسہ دیکر عوام سے کروڑوں روپے لوٹ چکا ہے۔ گرفتار ملزم منیر گول گبا کے خلاف سولجربازار، فیروز آباد اور بلوچ کالونی تھانے میں مقدمات درج ہیں جن میں وہ مفرور تھا۔
مزید پڑھیں: بیرون ملک بھجوانے کا جھانسہ دے کر انسانی اسمگلنگ اور ویزا فراڈ میں ملوث 5 ایجنٹ گرفتار
گرفتار ملزم بیرون ملک جانے کے خواہشمند نوجوانوں کو سنہرے خواب دکھا کر کروڑوں روپے بٹور لیتا تھا اور رقم لینے کے بعد کئی ماہ تک ٹالنے کے بعد روپوش ہوجاتا تھا۔ گرفتار ملزم نے گزشتہ ڈیڑھ سے 2 سال کے دوران قطر،دبئی،آسٹریلیا ،کینیڈا اور امریکا بھیجنے کا جھانسہ دیا اورفی کس 15 سے 30 لاکھ روپے تک ایڈوانس کی مد میں وصول کئے۔ملزم نے متاثرین کوثبوت کے طورپرجعلی اسٹیمپ پیپرپرمعاہدے کیےاورجعلی چیک دیئے۔
متاثرہ افراد نے''منیر مہدی عرف گول گپا'' کیخلاف مختلف تھانوں میں فراڈ کی شکایات بھی درج کرائیں۔ ذرائع کا کہنا ہے کہ منیر مہدی عرف گول گپا'' کی پوری ٹیم شہر میں سرگرم ہے جو کہ مختلف علاقوں سے سادہ لوح افراد کا شکار کرتی ہے۔ پولیس کا کہنا ہے کہ منیر مہدی عرف گول گپا سے تفتیش میں کئی اہم انکشافات بھی متوقع ہیں۔ گرفتار ملزم اس سے قبل ایف آئی اے کے ہاتھوں بھی گرفتار ہوچکا ہے۔ملزم کے خلاف ایف آئی اے کے اینٹی ہیومن ٹریفکنگ سیل میں بھی کئی درخواستیں ہیں۔
.ذریعہ: Express News
کلیدی لفظ: بھجوانے کا جھانسہ کروڑوں روپے گرفتار ملزم
پڑھیں:
شیخ حسینہ واجد بغاوت کیس میں مفرور قرار،اخباروں میں نوٹس
data-id="863a0a8" data-element_type="widget" data-widget_type="theme-post-content.default">
251102-01-3
ڈھاکا(مانیٹرنگ ڈیسک)بنگلہ دیش کی سابق وزیراعظم شیخ حسینہ واجد کو ایک اور مشکل کا سامنا ہے جہاں کریمنل انوسٹی گیشن ڈپارٹمنٹ (سی آئی ڈی) نے انہیں بغاوت کیس میں مفرور قرار دیتے ہوئے اخباروں میں نوٹس جاری کردیا ہے۔بنگلہ دیش کے میڈیا کے مطابق سی آئی ڈی نے بغاوت کیس میں سابق وزیراعظم شیخ حسینہ واجد اور 260 دیگر کو مفرور قرار دیا گیا ہے اور تمام افراد کے خلاف نوٹس جاری کردیا گیا ہے۔اسپیشل سپرنٹنڈنٹ سی آئی ڈی جسیم الدین خان کے دستخط سے جاری نوٹس میں کہا گیا کہ ڈھاکا میٹروپولیٹن مجسٹریٹ کورٹ نے یہ حکم جاری کردیا ہے۔ڈھاکا میٹروپولیٹن مجسٹریٹ کورٹ 17 کے جج عارف الاسلام نے شیخ حسینہ اور دیگر 260 افراد کو مفرور قرار دیا ہے اور باقاعدہ طور پر نوٹس شائع کرنے کا حکم دیا تھا۔رپورٹ کے مطابق شیخ حسینہ واجد اور دیگر کے خلاف نوٹس انگریزی اور بنگالی زبان کے اخباروں میں شائع کیا گیا ہے۔نوٹس کی منظوری بنگلہ دیش کی وزارت داخلہ نے کریمنل پروسیجر کوڈ کے سیکشن 196 کے تحت دے دی ہے اور سی آئی ڈی نے بغاوت کیس میں تفتیش شروع کردی ہے۔بنگلہ دیشی میڈیا نے بتایا کہ سی آئی ڈی نے تفتیش کے دوران آن لائن پلیٹ فارم جوئے بنگلہ بریگیڈ کے ذریعے ملک کے اندر اور بیرون ملک بغاوت سے متعلق سرگرمیوں کے ثبوت جمع کیے ہیں، جس کا مقصد حکومت کا خاتمہ تھا۔سی آئی ڈی نے ڈیجیٹل پلیٹ فارمز، سرورس او سوشل میڈیا سے جمع کیے گئے مواد کی فرانزک تجزیے کے بعد تفتیش مکمل کرکے شیخ حسینہ واجد سمیت 286 افراد کے خلاف چارج شیٹ جمع کرادی ہے۔
حیدر آباد میں ڈینگی سے ہلاک نوجوان کے والد عدالت پہنچ گئے