جھوٹی امید نہیں دلاؤں گا، ہمیں بہت کچھ سیکھنے کی ضرورت ہے، کپتان محمد رضوان
اشاعت کی تاریخ: 5th, April 2025 GMT
نیوزی لینڈ سے تیسرے میچ میں شکست کے بعد میڈیا سے گفتگو کرتے ہوئے پاکستانی ٹیم کے کپتان محمد رضوان نے کہا ہے کہ جھوٹی امید نہیں دلاؤں گا، ہمیں بہت کچھ سیکھنے کی ضرورت ہے۔
انہوں شکست پر تبصرہ کرتے ہوئے کہا کہ ہم نے سب چیزوں کو نوٹ کیا ہوا ہے، ہماری جو مینجمنٹ ہے اس پر کام کرے گی۔ کوشش ہوگی کہ ہماری جو کوششیں 35 آوور تک ہوتی ہیں وہ 50 آوور تک ہوں۔
Pakistan Captain Mohammad Rizwan Press Conference | Pakistan vs New Zealand ODIs#NZvPAK pic.
— PCB Media (@TheRealPCBMedia) April 5, 2025
محمد رضوان نے ایک سوال کے جواب میں کہا کہ اگررزلٹ نہیں آتا تو تنقید آپ کا حق ہے، ہم میں سے ہر ایک کسی نہ کسی کے آگے جوابدہ ہے، کپتان خواہ 6 مہینے ہی کا ہوا گر غلطی کرے تو اس پر تنقید کرسکتے ہیں۔
ان کا کہنا تھا کہ نیوزی لینڈ کا موسم ایسا تھا کہ صبح میچ کے وقت پچ گیلی تھی، پھر ہم نے نئے بال کے ساتھ سروائیو کیا ہے۔ ہم آوور نکالنے کی کوشش کی، جب کہ سیکنڈ اننگ میں وہ نئے بال سے وکٹس لے رہے تھے۔
یہ بھی پڑھیں:کلین سوئپ: تیسرے میچ میں نیوزی لینڈ نے پاکستان کو 43 رنز سے شکست دیدی
انہوں نے کہا کہ اگر ہم ٹاس جیت کر بیٹنگ کرتے تو آپ کو کوئی اور رزلٹ ملتا۔
انہوں نے کھلے دل سے اعتراف شکست کے ساتھ نیوزی لینڈ کی جیت کے حوالے سے کہا کہ نیوزی لینڈ ہم سے اچھا کھیلا، انہوں نے ایشئین کنڈیشنز اس سیریز میں بھی اچھی کارکردگی کا مظاہر کیا۔
ماؤنٹ مونگانوئی میں ہوئی اس شکست پر ان کا کہنا تھا کہ مثبت چیز یہ ہوئی کہ بابر اعظم نے سیریز میں رنز کیے۔
محمد رضوان کہا کہ پی ایس ایل ہونے جارہی ہے، امید ہے کھلاڑی عمدہ پرفارمنس دیں گے۔
واضح رہے کہ نیوزی لینڈ نے پاکستان کو تیسرے ون ڈے میچ میں ہرا کر 3 میچز کی سیریز 0-3 سے جیت لی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان شکست کپتان محمد رضوان کرکٹ نیوزی لینڈذریعہ: WE News
کلیدی لفظ: پاکستان کپتان محمد رضوان کرکٹ نیوزی لینڈ محمد رضوان نیوزی لینڈ کہا کہ
پڑھیں:
ویسٹ انڈیز کیخلاف کرکٹ سیریز، پاکستان کے ون ڈے اور ٹی20 اسکواڈز کا اعلان
پاکستان کرکٹ بورڈ کی نیشنل سلیکشن کمیٹی نے ویسٹ انڈیز کے خلاف 3 ایک روزہ میچوں پر مشتمل سیریز کے لیے 16 رکنی قومی اسکواڈ کا اعلان کر دیا ہے، وکٹ کیپر بیٹر محمد رضوان کو اس سیریز کے لیے قومی ٹیم کا کپتان مقرر کیا گیا ہے۔
تجربہ کار کھلاڑی بابر اعظم اور فاسٹ بولر شاہین شاہ آفریدی بھی اسکواڈ کا حصہ ہیں، یہ سیریز 8، 10 اور 12 اگست کو برائن لارا کرکٹ اکیڈمی، ٹرینیڈاڈ اینڈ ٹوباگو میں کھیلی جائے گی۔
???? Pakistan squads announced for the West Indies series ????
???? 3 T20Is & 3 ODIs
????️ 31 July – 12 August
More details ➡️ https://t.co/ntNbKyzRxa#WIvPAK | #BackTheBoysInGreen pic.twitter.com/KfJosiAkH4
— Pakistan Cricket (@TheRealPCB) July 25, 2025
اس اسکواڈ میں دائیں ہاتھ کے نوجوان بیٹر حسن نواز واحد نیا چہرہ ہیں جنہیں پہلی مرتبہ ون ڈے اسکواڈ میں شامل کیا گیا ہے، نائب کپتانی کی ذمہ داری سلمان علی آغا کو سونپی گئی ہے، جو ٹی20 اسکواڈ کی قیادت بھی کریں گے۔
یہ بھی پڑھیں:
پاکستان کرکٹ ٹیم ویسٹ انڈیز کے خلاف 3 ٹی20 میچز پر مشتمل سیریز بھی کھیلے گی، جو 31 جولائی، 2 اگست اور 3 اگست کو امریکا کے شہر لاؤڈرہل میں واقع سینٹرل براورڈ پارک اینڈ براورڈ کاؤنٹی اسٹیڈیم میں منعقد ہوں گے۔
ٹی20 اسکواڈ کی قیادت آل راؤنڈر سلمان علی آغا کریں گے جبکہ حارث رؤف، حسن علی اور شاہین شاہ آفریدی جیسے تجربہ کار فاسٹ بولرز دوبارہ ٹیم کا حصہ بنے ہیں۔
ٹی20 اسکواڈ میں شامل 15 کھلاڑیوں کے نام درج ذیل ہیں: سلمان علی آغا (کپتان)، ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، خوشدل شاہ، محمد حارث (وکٹ کیپر)، محمد نواز، صاحبزادہ فرحان (وکٹ کیپر)، صائم ایوب، شاہین شاہ آفریدی اور سفیان مقیم۔
مزید پڑھیں:
ون ڈے اسکواڈ میں شامل 16 کھلاڑیوں کے نام یہ ہیں: محمد رضوان (کپتان)، سلمان علی آغا (نائب کپتان)، عبداللہ شفیق، ابرار احمد، بابر اعظم، فہیم اشرف، فخر زمان، حسن علی، حسن نواز، حسین طلعت، محمد حارث (وکٹ کیپر)، محمد نواز، نسیم شاہ، صائم ایوب، شاہین شاہ آفریدی اور سفیان مقیم۔
ٹیم مینجمنٹ میں مندرجہ ذیل افراد شامل ہیں: نوید اکرم چیمہ (منیجر)، مائیک ہیسن (ہیڈ کوچ)، ایشلے نوفکے (بولنگ کوچ)، حنیف ملک (بیٹنگ کوچ)، شین میکڈرمٹ (فیلڈنگ کوچ)، کلیف ڈیکن (فزیوتھراپسٹ)، گرانٹ لوڈن (فٹنس کوچ)، طلحہ اعجاز (اینالسٹ)، سید نعیم احمد (میڈیا منیجر)، ارتضیٰ کمال (سیکیورٹی منیجر)، ڈاکٹر واجد علی رفاعی (ٹیم ڈاکٹر) اور محمد احسن (مسیور)۔
پاکستانی ٹیم بنگلہ دیش کے خلاف ٹی20 سیریز کے بعد 27 جولائی کو امریکا پہنچے گی، جہاں وہ ویسٹ انڈیز کے خلاف اپنی ٹی 20 مہم کا آغاز 31 جولائی سے کرے گی، جبکہ ون ڈے سیریز کا آغاز 8 اگست سے ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کرکٹ نیشنل سلیکشن کمیٹی ویسٹ انڈیز
یوٹیوب نے پالیسی تبدیل کردی، پیسہ کمانے والوں کو برا جھٹکا