چین کا امریکی ٹیرف کے خلاف اپنے ترقیاتی مفادات کا ہر صورت تحفظ کرنے کااعلان
اشاعت کی تاریخ: 6th, April 2025 GMT
چین کا امریکی ٹیرف کے خلاف اپنے ترقیاتی مفادات کا ہر صورت تحفظ کرنے کااعلان WhatsAppFacebookTwitter 0 6 April, 2025 سب نیوز
بیجنگ : چین نے امریکی ٹیرف کے غلط استعمال کی سخت مخالفت کرتے ہوئے ترقیاتی مفادات کا ہر صورت تحفظ کرنے کا عہد کیا ہے۔امریکہ نے مختلف حیلے بہانوں کے تحت چین سمیت اپنے تمام تجارتی شراکت داروں پرٹیرف کا نفاذ کیا ہے جو دیگر ممالک کے جائز حقوق اور مفادات کے لیے شدید نقصان دہ ہے ۔عالمی تجارتی تنظیم کے قوانین کی خلاف ورزی پر مبنی یہ ٹیرف قواعد پر مبنی کثیرالطرفہ تجارتی نظام اورعالمی اقتصادی نظام کے استحکام کو بری طرح متاثر کررہے ہیں۔
چینی حکومت نے ایک بیان میں کہا کہ امریکہ کی طرف سے اٹھائے گئے اقدامات بنیادی اقتصادی اصولوں اور مارکیٹ اصولوں کی خلاف ورزی ہیں جن میں کثیر الجہتی تجارتی مذاکرات کے ذریعے حاصل ہونے والے متوازن اصولوں کو نظر انداز کیا گیا ہے۔ امریکہ کی جانب سے تجارتی محصولات کو انتہائی دباؤ کے آلے کے طور پر استعمال کرنا یکطرفہ، تحفظ پسندی، اور معاشی بدمعاشی کی ایک مثال ہے۔بیان میں کہا گیا ہے کہ “مقابلہ” اور “انصاف پسندی” کی آڑ میں امریکہ دوسروں کے تجارتی مفادات کو نقصان پہنچانے اور ، “امریکہ فرسٹ” اور “امریکی استثنیٰ” کا خواہاں ہے۔بیان میں کہا گیا ہے کہ امریکہ موجودہ بین الاقوامی اقتصادی اور تجارتی نظام کو تباہ کرنے کے لیے محصولات کا غلط استعمال کرتے ہوئے اپنے مفادات کو عالمی مشترکہ بھلائی پر ترجیح اور دنیا بھر کے ممالک کے جائز مفادات کو اپنے تسلط پسند ایجنڈے کی تکمیل کے لیے قربان کر رہا ہے۔بیان میں کہا گیا ہے کہ اس طرح کے اقدامات کو لامحالہ بین الاقوامی برادری کی طرف سے بڑے پیمانے پر مخالفت کا سامنا کرنا پڑے گا۔چین ایک قدیم تہذیب اور روایات کی سرزمین ہے۔
چینی عوام نے دوسروں کے ساتھ خلوص اور اعتماد کے ساتھ سلوک کے لیے ہمیشہ آواز بلند کی ہے۔ بیان میں اس بات پر زور دیتے ہوئے کہ دباؤ اور دھمکیاں چین کے ساتھ معاملات طے کرنے کا صحیح طریقہ نہیں ہیں۔ چین نے اپنی خودمختاری، سلامتی اور ترقیاتی مفادات کے تحفظ کے لیے پرعزم اقدامات کیے ہیں اور کرتے رہیں گے۔بیان میں کہا ہے کہ دونوں ممالک کے بنیادی مفادات کے تحفظ کی ضرورت کے مطابق امریکہ کو چین کی تجارت اور معیشت کو دبانے کے لیے ٹیرف کو بطور ہتھیار استعمال اور چینی عوام کے جائز ترقیاتی حقوق کو پامال کرنا بند کرنا چاہیے۔بیان میں زور دیا گیا کہ دنیا کی دوسری سب سے بڑی معیشت اور اشیا کے لیے دوسری سب سے بڑی صارف منڈی ہونے کے ناطے، چین بیرونی دنیا کے لیے اپنے دروازے وسیع تر کھولے گا چاہے بین الاقوامی صورت حال کیسے بھی بدل جائے۔چین اعلیٰ سطح کی تجارت اور سرمایہ کاری کے لیے لبرلائزیشن اور سہولت کاری کی پالیسیوں کا نفاذ کرے گا، اور مارکیٹ اور قانون پر مبنی بین الاقوامی سطح کے کاروباری ماحول کو فروغ دے گا، تاکہ دنیا کے ساتھ اپنے ترقی کے مواقع کا اشتراک کیا جا سکے اور باہمی فوائد حاصل کیے جا سکیں۔
کیوںکہ معاشی عالمگیریت ہی انسانی معاشرے کی ترقی کاواحد راستہ ہے۔ بیان میں کہا گیا کہ عالمی تجارتی تنظیم کے اصولوں پر مبنی کثیر جہتی تجارتی نظام نے عالمی تجارت، اقتصادی ترقی اور پائیدار ترقی کو فروغ دینے میں اہم کردار ادا کیا ہے۔بیان میں کہا گیا کہ یہ بین الاقوامی برادری کی مشترکہ ذمہ داری ہے کہ وہ اقتصادی عالمگیریت کو مزید کھلا، جامع، عالمی طور پر فائدہ مند اور متوازن بنائےبیان میں زور دیا گیا ہے کہ تجارتی جنگوں یا ٹیرف کی جنگوں میں کوئی فاتح نہیں رہا، اور تحفظ پسندی کا ہمیشہ برا انجام ہوا ہے۔ تمام ممالک کو وسیع مشاورت، مشترکہ شراکت اور مشترکہ فوائد کے اصولوں اورحقیقی کثیرالجہتی کو برقرار رکھنا چاہیے، یکطرفہ اور تحفظ پسندی کی تمام شکلوں کی مخالفت کے لیے مل کر کام کرتے ہوئے اقوام متحدہ کے ساتھ ساتھ ڈبلیو ٹی او کے ساتھ کثیرالطرفہ تجارتی نظام کو برقرار رکھنا چاہیے۔دنیا کو بالادستی نہیں بلکہ مساوات کو اپنانا چاہیے۔
.ذریعہ: Daily Sub News
کلیدی لفظ: ترقیاتی مفادات
پڑھیں:
متنازع اینٹی ٹیرف اشتہار: کینیڈین وزیراعظم نے صدر ٹرمپ سے معافی مانگ لی
کینیڈین وزیراعظم مارک کارنی نے تصدیق کی ہے کہ انہوں نے امریکی صدر ڈونلڈ ٹرمپ سے ایک متنازع ’اینٹی ٹیرف اشتہار‘ کے معاملے پر معافی مانگی ہے۔
اس اشتہار میں سابق امریکی صدر رونالڈ ریگن کو دکھایا گیا تھا اور کارنی کے مطابق انہوں نے اونٹاریو کے وزیراعلیٰ ڈگ فورڈ کو یہ اشتہار نشر نہ کرنے کا مشورہ بھی دیا تھا۔
مزید پڑھیں: ریگن کی اینٹی ٹیرف تقریر والے اشتہار پر برہمی، ٹرمپ نے کینیڈا سے تجارتی مذاکرات منسوخ کر دیے
غیرملکی میڈیا رپورٹس کے مطابق ڈونلڈ ٹرمپ نے اس اشتہار کو ’جعلی اینٹی ٹیرف مہم‘ قرار دیتے ہوئے کینیڈین مصنوعات پر مزید 10 فیصد اضافی ٹیرف لگانے اور تمام تجارتی مذاکرات معطل کرنے کا اعلان کیا تھا۔
جنوبی کوریا کے شہر گیونگجو میں صحافیوں سے گفتگو کرتے ہوئے مارک کارنی نے کہاکہ میں نے امریکی صدر سے معافی مانگی کیونکہ وہ اس اشتہار پر ناراض تھے۔
ایک سوال کے جواب میں انہوں نے بتایا کہ تجارتی مذاکرات اس وقت دوبارہ شروع ہوں گے جب امریکا اس کے لیے تیار ہوگا۔
کارنی کا کہنا تھا کہ انہوں نے اشتہار نشر ہونے سے پہلے ڈگ فورڈ کے ساتھ اس کا جائزہ لیا تھا اور واضح طور پر اسے استعمال نہ کرنے کا کہا تھا۔
واضح رہے کہ یہ اشتہار اونٹاریو کے قدامت پسند وزیرِاعلیٰ ڈگ فورڈ کی جانب سے تیار کرایا گیا تھا جن کا تقابل عموماً ٹرمپ سے کیا جاتا ہے۔ اشتہار میں رونالڈ ریگن کا یہ بیان شامل تھا کہ ٹیرف تجارتی جنگوں اور معاشی تباہی کا سبب بنتے ہیں۔
مزید بات کرتے ہوئے وزیراعظم کارنی نے بتایا کہ چینی صدر شی جن پنگ کے ساتھ ان کی نشست دونوں ممالک کے درمیان تعلقات میں ایک اہم موڑ ثابت ہوئی، جس میں غیر ملکی مداخلت سمیت دیگر حساس امور پر بھی بات ہوئی۔
کینیڈا کا چین کے ساتھ تعلق مغربی دنیا میں سب سے زیادہ تناؤ کا شکار رہا ہے، تاہم ٹرمپ انتظامیہ کی جانب سے لگائے گئے ٹیرف کے بعد دونوں ممالک یکساں دباؤ کا سامنا کر رہے ہیں، حالانکہ شی جن پنگ اور ٹرمپ نے حال ہی میں کشیدگی کم کرنے پر اتفاق کیا تھا۔ اسی تناظر میں 2017 کے بعد پہلی بار چین اور کینیڈا کے رہنماؤں نے جمعے کو باضابطہ مذاکرات کیے۔
مارک کارنی نے کہا کہ اب دونوں ممالک کے درمیان مسائل حل کرنے کی راہ ہموار ہو گئی ہے، اور وہ نئے سال میں صدر شی جن پنگ کی دعوت پر چین کا دورہ کریں گے۔
مزید پڑھیں: امریکا اور کینیڈا کے درمیان تجارتی مذاکرات ’پیچیدہ‘ لیکن کینیڈا خوش ہوگا، صدر ٹرمپ
ان کا کہنا تھا کہ انہوں نے اپنی کابینہ اور متعلقہ حکام کو ہدایت دی ہے کہ دونوں ممالک مل کر موجودہ چیلنجز کے حل اور تعاون و ترقی کے نئے مواقع تلاش کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اینٹی ٹیرف اشتہار کینیڈین وزیراعظم مارک کارنی متنازع معافی مانگ لی وی نیوز
پاکستان نے بھارت کے 7 بالکل نئے خوبصورت طیارے مار گرائے، ٹرمپ