بجلی کی قیمتوں میں بڑا ریلیف وزیراعظم کی محنت، دیانت اور مہارت کا ثبوت ہے،امیرمقام
اشاعت کی تاریخ: 6th, April 2025 GMT
پشاور: وفاقی وزیر امور کشمیر اور پاکستان مسلم لیگ (ن) خیبرپختونخوا کے صدر انجینئر امیر مقام کا بجلی کی قیمتوں میں کمی کی ہدایت پر حکومت کا ایک کامیاب سال مکمل ہونے پر صوبہ بھر کے تمام 36 اضلاع میں یوم تشکر منانے کے لیے خصوصی عوامی اجتماعات کا انعقاد کیا گیا۔
وفاقی وزیر امور کشمیر اور پاکستان مسلم لیگ (ن) خیبرپختونخوا کے صدر انجینئر امیر مقام نے بجلی کی قیمتوں میں کمی اور وفاقی حکومت کا ایک سال مکمل ہونے پر پشاور یوم تشکر کے مرکزی جلسے سے خطاب کرتے ہوئے کہاکہ ایک بار ثابت ہوا ملک اور قوم کو ریلیف صرف نواز شریف اور شہباز شریف کی دے سکتے ہیں، ناممکن کو ایک بار پھر ممکن کر دکھایا ہے ۔
انہوں نے کہاکہ وزیراعظم شہباز شریف نے ملک کو ڈیفالٹ سے بچایا، ڈویلپمنٹ کی طرف واپس لائے، مہنگائی کی کمر توڑی ، عوام کو ریلیف دے کر مسلم لیگ (ن) کی عوامی خدمت کی تاریخ پھر دہرائی
انہوں نے کہاکہ نواز شریف نے تیسری بار ملک کو پھر سنبھالا ہے، آئی ایم ایف پروگرام کے باوجود بجلی کی قیمتوں میں بڑا ریلیف وزیراعظم شہباز شریف کی محنت، دیانت اور مہارت کا ثبوت ہے، نواز شریف نے ملک کو انتشار سے نکالا اور استحکام دیا ، ایک سال میں پٹرول پر 38 روپے کمی کا ریلیف دیا جا چکا ہے ، مہنگائی 38 فی صد سے 0.
انہوں نے کہاکہ اب گھریلو صارفین کے لئے 7 روپے 41 پیسے اور صنعتوں کے لیے 7 روپے 59 پیسے مزید کمی کی گئی، بجلی کی قیمتوں میں کمی سے عوام کا چولہا جلے گا اور معیشت کا پہیہ بھی تیز چلے گا، اوپن مارکیٹ قائم کرکے بجلی کی قیمتوں میں مزید کمی کریں گے، وفاق میں نواز شریف اور پنجاب میں وزیراعلیٰ مریم نواز شریف نے ایک سال میں عوام کی مثالی خدمت کی ہے، جس نے ملک کو ڈیفالٹ عوام کو مہنگائی کی بند گلی میں پہنچایا تھا، وہ خود آج جیل میں بند ہو چکا ہے ،بارہ سال سے مسلط نالائق ٹولے سے نجات ہوگی تو خیبرپختون خوا کے عوام کو بھی گڈ گورننس اور ترقی ملے گی ۔
انہوں نے کہاکہ پاکستان میں انتشار پھیلانے والا ٹولہ خود انتشار کا شکار ہو چکا ہے، حکومت کی جانب سے بجلی، گیس اور پیٹرول کی قیمتوں میں مزید کمی کے عزم کا اعادہ کیاگیا۔
انہوں نے کہاکہ وزیراعظم یوتھ اسکیم کے ذریعے نوجوانوں کو بااختیار بنایا جا رہا ہے۔
امیرمقام نے کہاکہ باصلاحیت نوجوانوں کو لیپ ٹاپس اور نئے مواقع فراہم کیے جا رہے ہیں۔ انہوں نے پشاور میں وزیراعظم یوتھ اسکیم دفتر کے قیام کا اعلان کیا۔انہوں نے کہاکہ خیبر پختونخوا حکومت پنجاب حکومت کے ترقیاتی ماڈل کو اپنائے۔
ذریعہ: Daily Mumtaz
پڑھیں:
مصنوعی ذہانت محنت کشوں کی جان کے لیے بھی خطرہ، مگر کیسے؟
عالمی ادارہ محنت (آئی ایل او) نے مصنوعی ذہانت اور ڈیجیٹلائیزیشن کے فوائد کے ساتھ ساتھ اس کے محنت کشوں کو نقصان کا سامنا کرنا پڑے گا اور نہ صرف یہ کہ ان کی کھپت کم ہوجائے گی بلکہ اس ٹینکالوجی سے ان کی زندگیاں بھی خطرے میں پڑسکتی ہیں۔
یہ بھی پڑھیں: کیا مصنوعی ذہانت انسانوں کی طرح فریب دے سکتی ہے؟
آئی ایل او کی شائع کردہ نئی رپورٹ میں کہا گیا ہے کہ مصنوعی ذہانت، ڈیجیٹلائزیشن اور خودکار مشینیں دنیا میں کام کے ماحول کو تبدیل کر رہی ہیں جس سے کارکنوں کے تحفظ اور بہبود میں بہتری آنے کے ساتھ نئے خطرات نے بھی جنم لیا ہے۔
ادارے نے اس بات پر زور دیا کہ جدید ٹیکنالوجی کا محفوظ اور مںصفانہ طور سے اطلاق اور استعمال یقینی بنانے کے لیے حفاظتی پالیسیوں کی ضرورت ہے۔
رپورٹ کا کہنا ہے کہ خودکار مشینیں خطرناک کام انجام دیتی، جراحی میں مدد فراہم کرتی اور انتظام و انصرام کو بہتر بناتی ہیں۔ اس طرح کام کے دوران خطرات و خدشات میں کمی آتی ہے اور استعداد کار میں اضافہ ہوتا ہے۔ مصنوعی ذہانت سے چلنے والے نظام طبی شعبے میں بہتر تحفظ اور نگرانی میں معاون ہیں۔ ان کی بدولت کام کو اچھے انداز میں انجام دیا جا سکتا ہے، افرادی قوت پر بوجھ میں کمی آتی ہے اور اختراع کو فروغ ملتا ہے۔ یہ سب کچھ ایسے شعبوں میں بھی ممکن ہے جہاں روایتی طور پر ٹیکنالوجی کا زیادہ عمل دخل نہیں ہوتا۔
تاہم رپورٹ میں واضح کیا گیا ہے کہ مصنوعی ذہانت اور اس سے متعلق ٹیکنالوجی سے کام کی جگہوں پر لاحق غیرمتوقع خطرات پر قابو پانے کے لیے مؤثر نگرانی یقینی بنانا ہو گی۔
جدید ٹیکنالوجی کے خطراتآئی ایل او کا کہنا ہے کہ کارکنوں کو کام کے دوران لاحق ہونے والے سنگین خطرات میں خودکار مشینوں کے استعمال سے نمایاں کمی آ سکتی ہے تاہم نئی ٹیکنالوجی سے پوری طرح فائدہ اٹھانے کے لیے یہ یقینی بنانا ضروری ہے کہ اس کے اطلاق سے نئے خطرات پیدا نہ ہوں۔
مزید پڑھیے: مصنوعی ذہانت: زندگی کے سفر میں ہماری ہمسفر، مگر کیا اس دوستی پر بھروسہ کیا جاسکتا ہے؟
رپورٹ میں کہا گیا کہ روبوٹ کے ساتھ کام کرنے والے یا ان کی دیکھ بھال پر مامور کارکنوں کو ان مشینوں میں آنے والی خرابی، ان کے غیرمتوقع طرزعمل یا ان کی تیاری میں رہ جانے والی خامیوں کے باعث جسمانی نقصان کا اندیشہ ہوتا ہے۔
سائبر سکیورٹی سے متعلق خطراتآئی ایل او کا کہنا ہے کہ چونکہ کام کی جگہیں باہم مزید مربوط ہو گئی ہیں اس لیے نظام میں خرابی یا سائبر حملوں کی صورت میں حفاظتی نظام بگڑ سکتا ہے اور کارکنوں کو خطرات لاحق ہو سکتے ہیں۔
مزید پڑھیں: ڈاکٹرز کی نظر سے چوک جانے والے فریکچرز اب مصنوعی ذہانت پکڑے گی
رپورٹ کے مطابق اگر جسم پر پہنے جانے والے خودکار اور حفاظتی آلات خامیوں سے پاک نہ ہوں یا انہیں درست طور سے پہنا نہ جا سکے تو اس سے جسمانی بے اطمینانی، دباؤ یا چوٹوں کا خدشہ بڑھ جاتا ہے جبکہ ان آلات کا مقصد انہی خطرات سے تحفظ دینا ہے۔
ذہنی صحتآئی ایل او کا کہنا ہے کہ متواتر ڈیجیٹل نگرانی، الگورتھم کے ذریعے عائد ہونے والا کام کا بوجھ اور ہر وقت رابطوں میں رہنے کا دباؤ کئی طرح کے ذہنی مسائل کا سبب بن سکتا ہے۔
ادارے نے مزید کہا کہ خودکار آلات اور مصنوعی ذہانت پر حد سے زیادہ انحصار کے نتیجے میں فیصلہ سازی کی انسانی قوت میں کمی آ سکتی ہے اور اس طرح نظام میں خرابی یا خامیوں کی صورت میں تحفظ کو لاحق خطرات بھی بڑھ سکتے ہیں۔
ڈیجیٹل سپلائی چین کو لاحق خطراترپورٹ میں خبردار کیا گیا کہ ٹیکنالوجی کی سپلائی چین کے مختلف حصوں، جیسا کہ جنگ کے ماحول میں معدنی وسائل کی کان کنی یا ای فضلے کو ٹھکانے لگانے کا کام کرنے والوں کو خطرناک اور ایسے حالات کا سامنا ہوتا ہے جنہیں عام طور پر نظرانداز کر دیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایل او اقوام متحدہ اے آئی مصنوعی ذہانت مصنوعی ذہانت مزدوروں کے لیے خطرہ
ملک کے مختلف علاقوں میں آج اور کل شدید بارش، ژالہ باری کا امکان